ملاحظة: :mad:رجاااااااااااااااااااااااءا ممنوع نقل الموضوع ومااحل الي تنقله بدون ذكر المصدر( سندريلا العراقيه)
F:
F:
F:
F:
F:
F:
طبعا كلنه عدنه افلام معينه نحب نستمتع واحنه نشوفها
خاااااااااصه الرومانسيه منها:adore:
ومتابعه الفلم يتطلبلها جو خااااااص
يعني المشاريب والتسالي والزي منو:p
اني واختي دائما نحب نشوف افلام DVD ونكون مختاريها جديده وحلوة اما كوميدي او رومانسي
ونسمي الليلة ليلة الموفي نايت ( Movie night)
و الها متطلباتها الي راح اشرحلكم عنها واكيد تعرفوها
هذه صورة احدى جلسات الموفي نايت:D
( خليت كوشات كبار بعتبار كراسي سينما هههههههههه خطيرة اني بالتخيل :p)
( خليت كوشات كبار بعتبار كراسي سينما هههههههههه خطيرة اني بالتخيل :p)
اولا :
البوب كورن (POP CORN) او الفشار او بالعراقي نسميها شامية:p
اختي تسويه بالبيت وتعمله بزيت الزيتون او زيت ذره عادي ويكون حار وطيب يحلي الكعده واكيد ميحله الفلم الا بيه
ثانيا:
اصابع جزر وخيار وزيتون وصحن لبنه مخلوط مع شويه زيت زيتون وشطه وملح ويكون كتغميسه للجزر والخيار مااحجيلكم عالطعم:worn_out:
ثالثا:
تسالي او قلوبات او كرزات مثل منسميها بالعراق وماعرف شنو الها اسامي ثانيه
الي هي تحتوي على فستق حلبي على كاجو على فول سوداني على لب ( احنه نسميه حب احمر الي هو بزر البطيخ الاحمر والي بالعراق وبعض دول الخليج نسميه ركي والشمام او احنه نسميه البطيخ بزره نسميه حب ابيض خوش معلومات مو ههههههههه:D) الى اخره من هاي الشغلات الي تحبوها
رابعا:
ممكن ايضا تخلون اي نوع شيبس تحبوه وتسوون وياه اي نوع صوص تغميس او ممكن الي تكون جاهزة او الي تخلط باللبنه تكون بمضاريف صغار او ممكن اللبنه او البابا غنوج او حتى الحمص بطحينه
خامسا:
اكيد اهم شي الكولا بالموضوع:adore:
او اي شي تحبون تشربوه
خامسا:
اكيد اهم شي الكولا بالموضوع:adore:
او اي شي تحبون تشربوه
سادسا واخيرا وهو المهم
ترررررررررررررررررررررررررررررررررررررررررررررررررررررررررررر ( للاثارة يعني):lol:
- الناتشــوز -
وهو عباره عن رقائق شيبس الذره الي تكون مثلثه واحيانا تكون بنكهات متعدده واني استعمل شيبس الدوريتوس الي يكون بجبنه الناتشوز او بنكهتين تكون اجنحه حارة وجبنه زرقاء يعني اي نكهه تحبوها
نجي للمكونات
المقادير:
- شيبس دوريتوس باي نكهه تحبوها وبالكميه الي تناسب العدد
- لحم مفروم( نستوه عالنار ونضيفله البصل المفروم ناعم والملح والفلفل الاسود)
- صلصه التاكو تباع بالسوبر ماركتات او ممكن صلصه الباستا او حتى معجون طماطه عادي
- جبن شيدر كرافت مبشور
- فاصوليا حمره معلبه
- زيتون اسود حلقات
- فلفل هلابينو حلقات للي يحب الفلفل الحار او ممكن اي فلفل مخلل يكون نص حار مقطع حلقات
- طماطه مقطعه مكعبات صغيرة
- خس مفروم ناعم
- لبنة
العمل:
نحضر صحن واسع للتقديم ونخليه بيه الشيبس
نخلي اللحم المفروم الي ستوناه وبيه ملح وفلفل اسود وبصل ونضيفله صلصه التاكو او صلصه الباستا او اذا ممتوفره نضيف معجون طماطه ونخلي على النار ونخلطه ويه اللحم وشويه مي حتى نخففه ( مو كثير لان نريدها تكون ناشفه شويه ) ونضيف توابل مثل الاوريغانو والفلفل الحلو ( البابريكا) واي توابل تحبوها ونضيف ويه اللحم الي كملنه الصلصه مالته شويه فاصوليا حمره مصفايه ونرفع اللحم من النار مباشرتا
نضيف الصوص الي حضرناه فوق الشيبس من يبرد شويه ويكون بس بالنص يعني نترك شويه من الشيبس بدون الصلصه
بعدها نضيف الجبن الشيدر المبشور فوق صلصه اللحم وفوق الشيبس الي بحافة الصحن
ندخل الصحن للمايكرويف او تحت شوايه الفرن على نار خفيفه حتى يذوب الجبن والمايكرويف بصراحه يضبط اكثر ويسيح الجبنه بشكل افضل
ومتوفرا ايضا بالسوبر ماركتات جبن الناتشوز يكون بعلب بس بصراحه اني ممجربته
ومتوفرا ايضا بالسوبر ماركتات جبن الناتشوز يكون بعلب بس بصراحه اني ممجربته
نطلع الصحن من الفرن
نخلط الطماطم المقطعه ويه الخس المقطع ويه حلقات فلفل الهالابينو ونضيفها فوق الجبن
بعدها نضيف بالوسط اللبنه ونزينها بالزيتون الحلقات وممكن نزينه الخيار او شرايح الخس مثلا
وهذا الصور راح توضح اكثر الفكره
طبعا طريقة الاكل انه ناخذ من الشيبس الي بالجوانب ونغرف من الطماطم والفلفل الي بالوسط واللحم وشويه من اللبنه مهما اكول مراح تتخيلون الطعممممممممممم واوووووووووووو:worn_out:
طبعا متاكده انتو هسه اشتهيتوه مثل ماني هسه حاسه ههههههههههههههههه
طبعا طريقة الاكل انه ناخذ من الشيبس الي بالجوانب ونغرف من الطماطم والفلفل الي بالوسط واللحم وشويه من اللبنه مهما اكول مراح تتخيلون الطعممممممممممم واوووووووووووو:worn_out:
طبعا متاكده انتو هسه اشتهيتوه مثل ماني هسه حاسه ههههههههههههههههه
اتمنى تجربوها ومتاكده راح تعجبكم جداااااااااا وهي سهله وبسيطه وممكن تكون وجبه كامله
راح تفيدكم باللمات والكعدات ويه السوالف ههههههههه
لتنسوني من دعائكم الحلو
ان الله يسهل امري ويرشدني للصواب ويفرج همي:(
F:تحياتيF:
- سندريلا العراقيه -
- سندريلا العراقيه -