بنااااااااااات أنا مصدومه

هلا بنات قاعده أكتبلك وأنا مصدووومه في بنت عمي

بنت عمي كانت تحب ريلي لما كانوا في السعوديه كانوا عمامي جيرانا ريلي ماصارنصيب وتزوجت غيره ويابت منه اثنين وقبل 9 شهور خطبني وتزوجته مع رفضي لأني ماكنت أبغى أسافر من الامارت بحكم انه ربيعتي وتعودت على الامارات وخاصه اني ماعرف حد هناك غير بيت عمي المهم مب هذا السالفه

صار النصيب وتزوجته وقبل الزواج كانت دوووم تتكلم عنه وهي كانت متزوجه وبعد كانت تزعل تقول اتصل فيه ومايرد وبحكم ان أبوها متوفي ماكنت أقسى عليها بس كنت ألمحلها ان انتي متزوجه وحرام اللي تسوينها وهذي خيانه بس ماشي فايده ولو لمحت تذكرني انه كانت تحبه
هذا قبل لا أتزوجه أول ماعرفت انه خطبني كرهتني بس قلت عادي ردة فعل بس وربي يشهد على كلامي اني عمري ماقلت لزوجي لا تكلمها لو دقت بالعكس كنت أقوله كلمها شو تباني أسوي يمكن تكرهني بس هو مايرضى يرد عليها المهم على بالي انتهت السالفه
تدق علي وتقولي أصلا نسيته تقصد زوجي نسته وخلا ص ماتحبه فرحت مب علشان اني كنت أغار لا والله كنت خايفه عليها لو زوجها يعرف
بنات كنت أوصل سلامها لزوجي وكلمتها بأول يوم زواجي علشان ماتكرهني وكنت حاسه بالذنب لأنها كانت تحبه وأنا تزوجته وربي يابنات انه النصيب ولا تقدمولي ويا 7 وصار النصيب وياه ,, البارحه أكلم زوجي ويقولي انها ترسله رسايل حب وشوق وغيره يباني أكلمها بنات أنا خلاص وصل حدي ,, ماعرف أكلمها ولا لا أخاف أجرحها وفي نفس الوقت خايفه عليها لو زوجها يعرف بنات أنا محتاره ردو عليه مع العلم هي تعرف ان زوجي ماكان يحبها ولا فكر فيها وحاقده علي بس أنا أقول عادي عاذرتنه تقول هو ماكان يعرفكم انتي كنت تزورينا السعوديه علشانه طلعت كلام ماكان له أساس من الصحه وهو ماشافني الا مره وحده قبل الزواج لما كنت مسافره السعوديه عند بيت عمي وأخته ألحت علي أزورهم وسرت عندهم البيت وشافني منها كلم أبوه يكلم أبوي وصار النصيب ,, الحين بنات عرفتوا سالفتي الحين شو أسوي وياها ؟؟