شخباركم حبوبات؟
بنت خالي طلبت مني اني اسويلها توزيعات لزواج صديقتها
الاداوت المستخدمه لتزيين السله:-
تور لماع باللون الذهبي
تور لماع باللون الماروني
ورود باللون الماروني
ورود باللون الذهبي
شوية حركاته باللون الذهبي والماروني
لولو باللون الذهبي
قش باللون الماروني
طريقه تزيين السله :-
لصقت التور الماروني حاولين السله
ولصقت التور الذهبي تحته مباشره
لصقت اللولو الذهبي بين التور الماروني والتور الذهبي
وعلى جنب لصقت الورود المارونيه وشويه حركات
وحشيت السله بالقش الماروني
الادوات المستخدمه في التوزيعات:-
مباخر صغيره الحجم
شريطه ضعيفه باللون الذهبي
شريطه عريضه شوي باللون الماروني
فصوص باللون الذهبي (نسيت اصورهم)
فصوص باللون الماروني
قش ماروني
جوكليت
طريقة عمل التوزيعات :-
بما ان المباخر بروحهم شكلهم حلو وراقي
اكتفيت بعمل فيونكه صغيره باللون الماروني وفوقها فيونكه باللون الذهبي وفالنص لصقت الفص الذهبي
المبخر حشيته بالقش الماروني
وغلفت حبه الجوكليت بورق النايلون ولصقته على القش
ولصقت على الجوكليت فص باللون الماروني
صار الجوكليت وكأنه بخور وهذي اللي كنت ابي اوصل له
هذي الشكل النهائي
صفيتهم بشكل سريع عشان اصورهم لكم
بس انا فكرتي ان احط فالوسط بقايا التور الذهبي على شكل دائره عشوائيه فنص السله
وداخل التور بيكون مبخر كبير شوي وداخله بقايا القش الماروني وبخور
الموضوع حصري فقط لعروس و ما احلل اي وحده تنقل الموضوع سواء بذكر المصدر او بدون ذكره
اعذروني على رداءة التصوير
اتمنى تعجبكم