شخباركم حبوبات؟
اختي قالت لي غلفي لي هديه حق ولادة بنت عمتي وكانت يايبه بنت
طبعاً الهديه كانت فلوس
بس لازم حركات شوي عشان تصير حلوه
الاغراض اغلبها متوفره عندي
وطلعت كل شي عندي لونه بنفسجي و وردي
بتشوفون فالصور اشياء ما استخدمتها وفي اشياء استخدمتها مو موجوده الا فالصوره الاخيره
الادوات المستخدمه :-
بوكس باللون وردي
ورد باللون الوردي
فصوص كبيره باللون الوردي
شمعه على شكل مرضاعه باللون الوردي
كرستالات باللون البنفسجي
وكرستاله على شكل مصاصه باللون الوردي
فلين
ورق تغليف باللون الوردي
قش باللون الوردي
خطوات العمل:-
اول شي خذت الفلين غلفته بورق التغليف الوردي وحطيته كقاعده للبوكس
بعدين نثرت عليه القش الوردي
وحطيت على جنب الشمعه اللي على شكل مرضاعه
ولصقت على غطاء البوكس الفصوص الورديه
ولصقت الورود لتزيين البوكس
الفلوس شكلتهم على شكل ورده ودبستهم
وخذت عود اسنان ولصقته على وحده من الفلوس
وثبته على الفلينه في البوكس
الثانيه تركتها من غير عود وبس حطيتها في البوكس
ولصقت داخل البوكس في المساحه الفاضيه
كرستالتين باللون البنفسجي
وسطهم المصاصه الورديه
وهذي الشكل النهائي
الموضوع حصري فقط لعروس و ما احلل اي وحده تنقل الموضوع سواء بذكر المصدر او بدون ذكره
اعذروني على رداءة التصوير
اتمنى تعجبكم