اني في ورطة مع بنتي..............

ا

ابتهاج درويش

عروس جديدة

07-06-2010 | 11:47 AM

هلا بالامهات الحلوات،،،،،،،،،،،،

اني عندي مشكلة مع بنتي عمرها سنتين وشهرين وعندها امساك مزمن (عزكم الله) وديتها لاكثر من طبيب متخصص في الاطفال يقولون لي بسبب نقص الحديد عندها رغم انها ما شاء الله عليها كل شي في اوكي بس لولا هالامساك اللي ذابحني:'(، اتصدقون لما تجيها المغصه تستمر وياها بالساعات وما يطلع شي الا اذا احط ليها تحميلة او اعطيها مسهل لبطنها وبعد بألم كبير اشبه بالطلق من كثر ما تتألم وتعاني الين ما يطلع شي، كنت استخدم ليها حليب اس 26 وقلت يمكن هالامساك من حليب البودرة وقفته واستخدمت ليها حليب المراعي الطازج يوميا بس نفس الشي من غير اي نتيجة ويش اسوي يا عرايس ساعدووووووووووووني:hysterical: وعطوني حليب زين لها.

3

3sh8y

عروس رائعة

07-06-2010 | 11:54 AM

والله انا ماعرف وايد حق هالاشيا
بس ليش ماتشربينها اعشاب ولا مرقدووش

يمشي البطن

وان شالله الخوات يساعدونج

ز

زهرة أيامي

عروس نشيطة

07-06-2010 | 12:00 PM

حاولي من الصبح تعطينها عصير برتقال بيور يوميا

و لا تستخدمين ليها التحاميل واجد

اني مرة بنتي صارت جدي
الله يجزاها خير خالتي قالت ليي اسخن ليها دهن اي نوع
و ادلك ليها بطنها بهدوء بالدهن الساخن موو الحار

و اذا ما نفع اخذي فازلين في عود اذن و خليه ليها في ذيك المنطقة يعني دخلي ليها فازلين عن طرق العود

هذي الطريقة عطاني ايها دكتور يوسف اكبر
و اجد زينة بعد
و ان شاء الله تستفيد

غ

غالية زوجي

عروس مشاركة

07-06-2010 | 12:01 PM

أختي كثريلها الفواكة الطازجة لانها فيها ألياف وايد وتساعد على تمشية البطن وبعد الحبوب الكامله مثل الخبز الأسمر

والكورن فليكس وغيره والعصائر الفرش بعد وايد زينه حقها

وبعد لا تكثريلها الحليب ومشتقاته لأن الحليب يزيد الإمساك بشكل كبيييييييير

وبعد دهنيلها المنطقة بزيت زيتون عشان عن التقرحات والألم

والله يشفيها إن شاء الله وترتاح وترتاحين معاها

ا

ابتهاج درويش

عروس جديدة

07-06-2010 | 12:16 PM

هلا يا بنات مشكورين على الردود...

ان شاء الله بسخن ليها دهن وبدلك ليها بطنها بس موضوع اني احط ليها عود قطن في ذيج المنطقة هذي صعبه لانها صارت عندها عقدة من الفها تقول لي ماما ما ابغي تحميله وتصيح وتجيها حالة عصبيه.

ما قلتون لي شنو انسب حليب اعطيها اياها في هالفترة مع العلم اني افكر افطمها من الحليب لما توصل سنتين ونص.

U

Um Noor

عروس مبدعة

07-06-2010 | 12:29 PM

بالنسبة للحليب عادي من ألحين تعطينها المراعي زأني كنت استخدم حق بنتي بيبيلاك كان زين بالنسبة لها استخدمته إلى عمر سنتين أو شهر تقريبا بعدين عطيتها المراعي بس من طفل إلى طفل يختلف يعني مو شرط الحليب إلي يناسب طفل يناسب طفل ثاني

غ

غالية زوجي

عروس مشاركة

07-06-2010 | 12:50 PM

الحليب عطيها حليب المراعي العادي إذا كان عمرها سنة وفوق

أنا ولدي من كمل سنة صرت أعطيه الحليب المبستر الفرش والحمدالله ارتاح له

*

** المحترمة**

عروس نشيطة

10-06-2010 | 09:56 PM

بالاضافة الى الحلول اللي عطوش البنات
سمعي نصيحتي وعطيها مغلي الحلوى(الشمر)
او منقوع الزعتر
او مغلي النونخه
او اليانسون
واذا كلش ما حبت تشرب هالسوالف
في يبيعون الحلوى معاه مثل الحلاوة في سوبر ماركت اللولو وانا اشوف ولدي يحب ياكله بسبة الحلاوة اللي وياه وطبعا اي مغلي تحاولين تعطينها حليه بسكر او عسل احسن

د

درة البحـــرين

عروس فضية

11-06-2010 | 12:21 AM

باااااااااااااااااااال ذكرتيني بمعاناتي مع بنتي وبنفس عمر بنتج تقريبا

ما كان يطلع منها شي الا اذا المستشفى حطو له ابرة بالهوز

ملين يالدوووب مسكينة تموت وهي تخرج تكرمون ..

تدرين احنا شسوينا لها ..... انا بوها سوق الخضرة كان عندنا بالبيت

وين ما تروح كان عصير برتقال وجح وعنب على طول قدامها ما يفارقها

وكل يوم اعطيها لبن اكتيفيا تشرب علبة لحد ما لحمد لله انضبط كل شي

سوي معاها نفس الشي وان شاء الله تصير احسن ويارب ما تشوف شر

م

مس نور القمر

عروس رائعة

11-06-2010 | 12:48 AM

انا بنتي صار لها هذا الشي وديتها لدكتور حسن زين الدين ووصف لي حليب ابتاميل كوفورت الاصفر

مده اسبووع وبعدين اقدر اعطيها اي حليب والحمدلله ارتااحت من المغص ...

ا

ايسمار

عروس ماسية

11-06-2010 | 03:59 AM

اعطيها ماي دافي على الريق يوميا وكثري من السوائل واعطيها برتقال وخوخ وسلطة وحتى صالونة البامية زينة وابتعدي عن النشويات مؤقت اعطيها خبز بر واي شي فيه الياف وتدليك البطن بعد زين وتنقعيها في ماي دافي تحت مراقبتك والحليب خففي لاتعطيها واجد مؤقت وماعليها الا العافية