ازيكو يا احلى بنات
انهرده هنزل لكو طريقة دجاج تكا واللي طلع طعمها وهم وتحفة جدا بجد وجربوها مش هتندمو ابدا ابدا
اولا طريقة الفراخ
المقادير
صدور فراخ مخلية من العظم والجلد ومقطعة مكعبات
توم وبصل
فلفل اخضر
وطماطم
وبهارات اللي تحبيها بقى انا حطيت ملح وفلفل اسود وشطة وزعتر بس
ممكن تزودي براحتك
معلقتين كبار خل ومعلقة طحينة
ومعلقتين صويا صوص
اول حاجة بنحط البصل والتوم والفلفل الاخضر والطماطم ف الكبة ونفرمهم كويس اوي
ده شكلهم بعد الفرم
وبعد كده بنحط كل المكونات بتاعتنا على الفراخ
ودي شكلها وهي ف التتبيلة
طبعا نسيبها ف التلاجة اطول وقت ممكن
بعد كده نطلعها من التلاجة ونجيب صينية ونفرد فيها ورق فويل وندهنه بالسمنة او الزيت زي ما تحبو
بعد كده ننزل قطع الفراخ بالتتبيلة بتاعتها زي ما هي يعني بميتها
انا كنت نسيت احط لمون في التتبيلة وحطيته قبل ما ادخله الفرن حطيت عصير لمونة
وندخلها الفرن
وبس كده مافيش اسهل ولا احلى من كده
على ما الفراخ تستوي بقى تعالو نعمل الملوخية بتاعتنا
المقادير
توم مفروم ناعم
وعندي ملوخية خضرا مفرومة ناعم
وكزبرة ناشفة معلقة صغيرة
وشورربة
اول حاجة حطيت الشوربة تغلي على النار
ولما غليت نزلت عليها الملوخية ونص كمية التوم المفروم
وشلتها من على النار
وجبت حلة تانية حطيت فيها زبدة
ولما الزبدة سخنت نزلت عليها باقي كمية التوم بتاعتي
ولما التومة احمرت نزلت عليها معلقة الكزبرة
وبعد كده طشيت الملوخية بقى على دقة التوم بتاعتي
وبسسسسس كده وكلي احلى ملوخية بقى طعمها جميل جدا بجد
وهنا الملوخية ف طبق التقديم
والفراخ بتاعتنا استوت خلاص
وده شكل الطبق بتاعنا الفراخ مع رز ابيض وبطاطس شيبسي
ودي صورة اقرب لطبق الفراخ
ها ايه رايكو بقى
اكتر حاجة عجبتني انهرده الريييييييييحة بجد ريحة الاكل كانت حلوة اوي ولا انا اللي كنت جعانة باين كده
F:F:F:F:
F:F:F:
F:F:
F:
الموضوع مجهود شخصي وحصري لعروس وبسسسسسس
ولا احلل نقله
F:F:F:
F:F:
F:
الموضوع مجهود شخصي وحصري لعروس وبسسسسسس
ولا احلل نقله