موضوع يخص الشباب بس البنات اذا يبون يدخلون ما نطردهم

الاستاذ الفاضل

وعليكم السلام ورحمة الله وبركاته

اعرف انه الموضوع تنادي فيه الشباب بس ما عليه مداخله بسيطة وطالعه

اخليكم تدردشون مع بعض


السؤال يقول : هل تتزوج البنت التي تخون اهلها وتكلمك تلفون وتخون ربها

بدافع اسمه الحب؟

لا اعترف بالحب عن طريق الهواتف فلا حب اصلاً ولكن احلام في احلام وضياع وقت على الفاضي يعيشانه هذين الاثنين وكل منهما يخدع الآخر بالكلام المعسول

ولكن انا اوجه ذلك السؤال نفسه للرجال ايضاً وعسى ان تكون اجاباتهم صادقة نوعا ما

اولا مشكوره يا اخت ( امبدعه )

ثانيا انا ما سألت الشباب الا وانا ادور الاجابه وانشالله تشوفين راي الشباب

احيي اصلج يا المبدعة

و خليج دايما مبدعة


اضم صوتي للمبدعة

;)

وأنا بعد أضم صوتى للمبدعة:D

ترى اللي شجعني انكم قلتو ما رح تطردون البنات وبصراحة الموضوع شدني شوي
على العموم انا رايي ان البنت اللي تخون ربها (استغفر الله )وثانيا تخون اهلها هذي ما فيها خير ولا اعتقد ان اي شاب يكلم وحدة في التليفون ويقول لها بتزوجك وانا حبيتك الا انا كاذب ويبي يتسلى بالبنت فقط لا غير
الا انا لكل قاعدة شواذ واذا حصل وتزوجها اعتقد انا كل رنة تليفون في البيت بيشك فيها
وعذرا للإطالة
والله يهدي الجميع من شباب وبنات

اهو لازم يكون عند كلمته
اهو كلمها وعشمها بشي اسمه زواج ؟؟
بعدين الخطأ ما ينحط على البنت بروحها بعد الولد نفس الشي
لما يكلم البنت يعني يخون اهله ويخون ربه ؟؟
ولا يعني البنت حرام واهو حلال ؟؟ وبعدين بالنسبة للرجل بعد الزواج
راح يفكر فيها شي او يشك فيها شي انزين اهو بعد مشترك معاها بنفس المشكله ليش يعني البنت ما راح تشك فيه او شي من هذا القبيل
الي يسوي جذي يعني واحد مو واثق من نفسه
وبالعكس يعني مو قاعد اصف بصف البنات او اشجع هالفكره
بس النقطه الي ابي اوضحها اهو انه هالشي اذا كان حرام فيكون حرام على الاثنين مو البنت دون الولد
انتظر ردودكم اخ مسحور
اختك نور العاشقين

دام السالفه مافيها طرد

مايمنع اني اقول رايي

الشيء اللي يبتدي بالغط ينتهي بالغلط

يعني اهي عمرها ماراح تثق فيه ولا اهو عمره راح يثق فيها

يعني الغلط على البنت والشاب

اخوى مسحور

شكرا على الموضوع المهم

لو فرضنا تم الزواج؟؟؟


لما تتزوجها راح تتذكر الكلام اللى صار بينك وبينها واهى غريبه عنك


وراح تتذكر الاعيبها على اهلها حتى تكلمك او تشوفك


ومن هنى راح تشك فيها بعد الزواج... لما تتكلم بالتلفون وتقولك اكلم

صديقتى راح تتذكر يوم كنت تكلمها كانت تقول حق اهلها قاعده اكلم

رفيجتى لما تطلع وتقولك رايحه السوق تتذكر يوم كانت عند اهلها تقص

عليهم وتقولهم رايحه السوق واهى مواعدتك عند السوق

اعتقد بعد هذا كله ماراح ترتاح بحياتك بسبب الشك والشيطان شاطر.

اما رايى انا ما اتزوجها

اخى
اسمح لى

هذه الاياام لايتزوج الا من يفعل ذلك و اكثر من هذا بكثير.؟........و يمكن لأنك من بلد منغلق اكثر من بلدى لا تعرف........

و لكن هذه الايام الفتاه التى تتزوج هى التى تتعرف على الشباب فى النادى او المول او من معاكسة تليفون و يعرفوا بعض لفترة طويلة خروج و فسح و الله اعلم بالباقى...و البنات اصبحوا متفتحين بشكل غير عادى..لدرجة ان سمعتنا كبنات تشوهت فى دول الخليج من تلك العينات

و ذلك لدرجة انى اصبحت اشك فى نفسى.....انا على صواب خطأ؟؟؟؟ انا لا افعل ذلك و حظى زفت.....و احيانا اقول انه يجب ان اكون مثلهم لأحظى بزوج جيد و حياة سعيدة مثلهم.....و لكن للأسف لا استطيع...لم يفطرنى الله على ذلك

و احب ان اقول لك ايضا كثير من الشباب يحب ذلك و لا يرتبط الا بعد معرفة و ثيقة.......

و لا تعليق

صحيح وانا مع الاخت swib
انه بعض الشباب اهم اللي يطلبون من البنت هالشي وانهم
على حد قولهم يبون يعرفون عن البنت كلشي وعن علاقة وثيقه قبل الزواج .
ولمن البنت ترفض وتقوله يعني انت راح تثق فيني بعد الزواج ممكن يقولها اي بلعكس انا ما اوثق الا لمت مثلا البنت تطلع معاي :rolleyes:
وانا اقولكم عن قصص سمعتها وصارت فعلا
وهذا الشي راجع الى مدى انفتاح عقلية الرجل
نور العاشقين