مشكلة دراسية صعبة!! انصحوني كلموني

لا حبيبتي لا تتركييين دراستج

تسوين مثل اللي خلاص بيوصل للقمه قرب منها عقب سقط من الجبل

لا ياعمري هالحاله عاديه كثيييير وبتروح عنج ان شاااء الله
بس الدراسه لاتهدينها نصيحه لج

الأمووور طبيعيه ولاتفكرين في هالشي واشغلي نفسج في أشياء ثانيه
موفقه غلايه

مشكورة اختي
كلام التشجيع هذا احتاجه
اني احاول اشغل نفسي بس يوم على يوم احس اني ابي اتخلى عن كل شي
مستوايي كان كلش زين في البداية بس كل ما له ويتراجع

شكرا مرة ثانية

قلتلج الأمور طبيعيه
بس والله مالج الا دراستج ربي يوفقج وخلي عنج هذا كله شغل الوسواس استعيذي من الشيطان الرجيم
شدي حيلج نبغى درجات عاليه
فكري لما تحصلين على درجات عاليه فرحت أهلج فيج
وفرحتج انتي في البدايه وأهلج بيفتخرون فيج

لاتحرمينهم من هاللحظه

موفقه

بهل الزمن الشهاده اهي الواسطه لا تقولين عندي واسطه ابوي ولا خوالي ولا اخواني
ترى وربي حتى الواسطه ماعادت تنفع
عندج شهاده وجامعيه ؟ تمشين امورج
لا تضيعين عليج سنوات عمرج
واحنا بزمن صعبه فيه العيشه
غيرج يتمنون هل اللحظه
خليج اكثر صبوره وكلها ايام وتزول
وتحملين الشهاده وترفعين راس اهلج :]
والله يوفقج يارب ويوفقناا

اعوذ بالله من الشيطان الرجيم
هو صح الحياة بدون دراسة ما تسوى واني ابدا مو حابة اكون انسانة مو متعلمة
بس حابة اني اطور مواهبي اكثر واجرب اشياء ثانية في الحياة
والمشكلة اني بطبيعتي وشخصيتي ما احب اثبت شي للناس
احب دائما اثبت الشي لنفسي اول وفي دراستي احس اني مواصلة بس علشان الناس ما ينظرون ليي كانسانة غير متعلمة وعلشان ان الحياة تتطلب جذي
بالمختصر فقدت شغفي في دراستي حابة اسوي شي اني احبه اكثر وما اتملل منه

اعرف ان كلامي مو منطقي كلش وان المنطق هو اللي تقولونه واللي تقوله نفسي ليي
بس صارت تنرسم في راسي خطط واشياء اني اكون مبدعة واطور مواهبي علشان جذي مخلية الدراسة على جنب وافكر فيهم
وبالاخص لما اشوف ان حتى الشهادة ما عادت تنفع ناس واجد عندهم شهادة وعاطلين عن العمل
يعني ما في محفزات

شوفي حبيبتي أكيد في سبب لملللك لكن مو معقول حتوصلي للقمة وقبل ما توصلي شوي تقولي تعبت
أحيانا الدراسة تكون متعبة فعلا لكن فكري من ناحية ايجابية أنها سنة وحدة فقط وبتمر ولا تفكري في الناس فكري بوجودك واستقلاليتي فكري كيف أنك رافعة راسك أنك طالبة جامعية
هي حالة وبتمر بس أنتي لا تخليها تسيطر على حياتك ..
الدراسة خليها لوحدها ومارسي أنتي الأشياء اللي تحبيها ..بدون ما تتخلي عن دراستك وهي سنة وبتخلص
في كتير ناس تكمل دراستها وتعمل الأشياء اللي تحبها
تمنياتي لك بالتوفيق والنجاح

صح كلامكم اخواتي
بستعيذ من الشيطان وبحاول اصبر روحي شوي
مهما كان الشهادة ترفع الراس وتخلي للانسان مكانة في المجتمع
اني عموما هي ما تعني ليي واجد برأيي الانسان مو بشهاداته ياما انسان بدون شهادة ومثقف مليون مرة اكثر من اللي عنده شهادة بس هذا الزمن متطلب
عالعموم بحاول افكر بايجابية اكثر

شكرا على النصايح كلام مشجع

تحياتي

اللهم بحولك وقوتك يسر امرك وسدد خطاك
خلق الله عباده فى هذه الدنيا بحثا على طلب العلم وبين الله سبحانه وتعالى مرتبه طالب العلم لما له من اهميه فى استمرار الحياه سواء كان طلب العلم بالنسبه لعلوم الشرعيه او العلوم الدنيويه..
عليكى اختى ان تجددى نيتك فى دراستك لان كل عمل نعمله يكون بنيه
حددى هدفك من الان
[COLOR="DarkRed"]اذا اجتهدتى وحصلتى على شهادتك فستكون هذه الخطوه الاولى فى تحقيق هدفك
واذا كنتى تسعى الى الابداع وتنميه مواهبك وقدراتك التى تستطيعى ان تتفوقى فيهافالتحقى بالمكان الذى تعلمين انه يساعدك على تنميه مواهبك وابداعك
[COLOR="Black"]وفقك الله[/COLOR][/COLOR]

كلامك جدا جدا مريح اختي العزيزة
النية هي اساس كل عمل واني بداخلي وبقرارة نفسي حاسة ان هالدراسة ما راح توصلني لشي
وحاسة اني حتى لو اشتغلت مستقبلا ما بتكون لوظيفتي علاقة بدراستي ابدا
علشان جذي اني محتارة واجد وصايرة اتخبط مثل الاعمى اللي ما يشوف
مو عارفة هذي وساوس شيطان او هي رغبة قلبي والشي اللي اني فعلا ابيه في الحياة!!!!!!

الف شكر لكي اختي العزيزة على النصيحة

تحياتي

لالالا .. أبدن لاا تتركين درآستج
خصوصا انه باقي لج سنه وحده بسسس
.
.
بقولج خذيها مني نصيحه
انتي لما تروحين الجامعه مثلآ الليوم
خذي نفس عميق واقري الدعاء قبل لا تطلعين
ابتسمي !
أييي ابتسمي وشووفي فووق
جوفي هاي راايح الدوام .. وهاي البيآآع يطلب رزقه
كلن في عاااالم .. وتفكري في ملكوت السمآوات
كل ذي وانتي في الطريج وانتي ما تفكرين في موادج
.
.
لي وصلتي سلمي على صديقآتج
وآنتبهي للدرس وأستمتعي فيه :)

.
.
لي وصلتي البيت تغدي وقعدي مع البيت سوولفي
وعقب حضري لج كووب نسكفيه ..
أذا كنتي تحبين الاشياء السمعيه
سمعي نشيده تفآؤليه و صكي النت عنج
عقب فتحي كتآآآبج وابتسمي
لاا تقووولي ووع ببدي درآستي
ووووع عندي آمتحاان
لالالالالالا .. اقري الدعآآء واحتسبي الأجر اولا
ثآنيا متعه العلم !! .. ما سمعتي عنها ..

قريتي العنوان .. وآآآو هآي الدرس صج ممتع
أقري التعريق .. صحيح يآآ فلانه .. ليش ما يبتي على بآلج >> كلمي روحج
وتفآهمي معاها اذا نسيتي شي معين
لااا يا فلانه يا حبيتبي .. تراه التعريف كيت وكيت وكيت

.
.

آتمنى تستفدين من تجبرتي ..
آنه خريجه جديده الحمدلله .. وحآولت احول وقت العنآء إلا وقت ممتع
لانه العمر يمضي والتعب ما يمضي :)


دمتي فحفظ الرحمن~

نصايح حلوة اختي
اتمنى ما تفهموني غلط من هالتفكير
بالعكس اني احب العلم واحب القراءة واحب اطور نفسي
والعلم شي مقدس عندي واذا حبيت شي احبه من كل قلبي
بس حاسة والله اعلم ان عندي مشاكل مع نفسي
اظن شخصيتي هي السبب عنيدة وعندي كبرياء واكره اكره جدا جدا جدا اثبات اي شي للناس
دائما اخاطب نفسي واقول: انا مو مضطرة اثبت هالشي للناس انا مو مضطرة اثبت هالشي لفلان وفلان
والاغراب من كل هذا ان احيانا لما ابويي يسألني سؤال علمي او شي واكون اعرف الجواب ومتأكدة اكتفي بالسكوت وما اجاوبه على الرغم من معرفتي بالجواب
لكن اعتدت على هذا الشي!!!!!
معقول يكون عندي مرض نفسي :( معقول اكون معقدة :(

شكرا لكي اختي العزيزة على النصائح واقدر اهتمامك

تحياتي

يمكن انت حاسة ضغط في الدراسة علشان كدة تفكري بهالطريقة
حاولي تخلي ساعة لنفسك استرخي فيها شوي اقرئي قرآن او افتحي كتاب أدعية و اقرئي فيه
لا تفكري بهالنظرة التشاؤميه و تذكري كل اللي بقى سنة واحده تضيعي تعب 12 سنة مدرسة و غير سنوات الجامعه على سنة واحدة
الله يوفقك حبيبتي

شكرا على النصيحة اختي العزيزة
والله يوفقنا ويوفق الجميع ان شاءالله

تحياتي

اني ما اقول اني بترك وخلاص
اكيد بسوي ليي شغلة او شي ينفعني
وبجذي اكون اكتسبت العلم وسويت الشي اللي احبه
يعني حتى لو بدون شهادة هذا الشي ما يعني اني مو دارسة ومتعلمة

شكرا اخواني على النصايح

تحياتي