اختي تدمرني بشكل تدريجي !

هلا خواتي الغاليات (والله هالموضوع منزعجه منو مره لانو من اقرب الناس لي )



اختي بالمرحله الثانويه وانا بالعشرينات المهم ذي اختي مجننتني بقووه تبون اقولكم


وش تقولي طيب ،،،


1/ اي شي اقولو تضحك عليه بالنسبه لها مضحك حتى لو مايضحك ،،،

2/ دايم تقولي انتي لحجيه وماعندك ذوق ،،،،

3/ اي شي معي خايس ومو حلو بعكس وحده من خواتي تقولها رووعه يجنن

4/ دايم مستحقرتني بقووه لدرجه انو وانا اتكلم فجأه تقطع كلامي وتقول سالفه او تقولي اوص اوص <<اموت قهر

5/ دايم تقولي انتي خايس شكلك وانتي اصلا اخيس وحده فينا <<رغم ان صديقاتها شافوني ومدحوني <<

6/تجلس طول الوقت تذكر كلامي او غلطات سويتها وتضحك علي وبوجهي

7/ ماتحب تجلس معي نسولف تمل مني بسرعه لانها شايفتني صفر على الشمال

8/ وانا اكل تطنز علي وتقول شوفو وشلون تأكل ببرود وبطئ <<مين مسلطها علي طيب رديت عليها كيفي وش دخلك ؟

9/ مره رحنا السوق هذا واحنا رايحين مستمتعين وبالمطعم هي قبالي المهم قعدت وكتبت كلمه بالانقليش وسويت لها ايطار وزينتها وقلت لها بكل براءه وش رايك / صرخت وقالت يع خايس لحجيه وطول عمرك راح تظلين لحجيه ومارح تتغيرين ،، تدرون انا خلاص ماقدرت استحمل قعدت اصيح قدامها ماقدرت استحمل الاهانه لاني نفس وروح واحساس <<سوت نفسها وقالت لي وش فيك تصيحين وجت تحاول تلمني وهي عارفه انها السبب ببكاي !!

10/ هذي ثاني مره ابكي قبل ذي المره بكيت وهي السبب <<لاحول ولاقوه ا الا بالله <<

11/ على فكره بعد كل هذا تجي تطلب اغراضي شنطه او جزمه او اكسسورات <<واعطيها مع اني من داخلي اكون زعلانه واقول كل مره مارح اعطيها عشان تحس اني زعلانه لكن بنفس اللحظه اغير رئيي واقول <<<لامابيها تحس انها متضايقه منها <<<

هي ذكيه وفاهمه كل شي <<<بس يمكن تسوي كذا لاني ماارد عليها واسكت وطيبه
والله ثم والله ثم والله اتعامل معها بطيبه وحب وهي تبادلني بالعكس تماما ،،،


بناااااااااااااااااات مسببه لي الام وجروح كل هذا لان جدااا طيبه والله ماادري هي ليش منقهره مني او غيرانه والله احترت معها وصرت اتجنبها وادري انو اسلوب غلط لان المواجهه هي القوه؟

بناااااااااااااات الله يخليكم ترى الاهانات والدمار النفسي الي قلتو غيض من فيض والله
بس ابي اعرف شلون اتعامل معها وودي اعرف ليش هي تعاملني كذذاا بلاسبب ؟

اختكم / احلامي مسروقه