استعداداتي لسفرتي لديرتي الثانيه مومبااااي

من المتابعين .. وتروحين وتردين بالسلامة

حياج الله ابوي توريني بمتابعتج

حياكم الله معاي

وتشرفوووني بمتابعتكم بتطوراتي سفرتي باذن الله في شهر 7:)

الوجهة باذن الله الهند بالتحديد مومباي بالتحديد في منطقه كولابا

اسباب السفره: بسم الله ع المتابعين كلهم ابوي مصاب بالديسك وعنده صعوبه بالمشي
فسافرنه بالصيف الماضي للعلاج وما طلع يغير جوو لاي مكان اللهم من المستشفى للفندق
فقرر هالسنه باذن الله تعالى يعود وجهته لمومباي ديره الانشراح

وهالفكره كانت موووجوده من رمضان اللي فات بس امي ماكانت مشجعه ع الموووضووع
وبعد اقناعها وافقت تسافر ويانه

اللهم لك الحمد ولك الشكر

وجهتي الاولى كانت بشهر 4 اذا ماخاب ظني رحت احجز التذاكر وهم موضووع التذاكر كان فيه تفكير وايد بخصوص الطيران اللي نبي نروح فيه العام رحنه على طيران الخليج كان الشخص ب 225 على السياحيه لكن هالسنه لاحظنه ان اغلب الطيران مسوي عروووض
واستقرينه على الطيران الهندي الجيت ايروز
وسعر التذكره للشخص على السياحيه ب 163 دينار (1630 ريال)
الوزن في الذهاب 35 كيلوو وايد حلوو وفي الرجوع باذن الله 30 كيلوو هم حلوو وايد خصوصا ان عندي مشروع تجاره واحتاج للوزن ..
طلبت ويل جير للوالد واكدنه عليه
وارتحت من هم التذاكر والحجوووزات
وطبعا نسيت اخبركم للي بيروح مومباي الفيزا مخلينها هالمره 6 شهور لثلاث رحلال قبل 3 شهور يعني خووووشي حده











طبعا من خلصنه الحجز ابتدينه بالتفكير في المده اللي بنقضيها في ربوع مومباي فقررنه باذنه تعالى من 11/7 الى 31/7

الفندق اللي بنسكنه هالسنه فندق متواضع لاسباب وهي المده اللي بنقضيها اهناك راح تكلفنه واااايد فبنسكن في فندق موتي اغلب اللي يروحون مومباي يعرفونه العاده نسكن بريجنت هوتيل او اسكوت هووتيل ونظامهم حلوو والاهم مكانهم استراتيجي للتسوق

طبعا الليله بتكون 45 دينار لاربع اشخاص بغرفه وحده أي مايعادل 4500 روبيه هنديه

خطوتي الثانيه كانت ان اروح اصرف مبلغ هندي ووقتها كان الريت 8.600 دينار وقتها الريت مرتفع ابوي خاف ان يزيد ماينقص فقالي صرفي مبلغ معين والباقي قبل السفر رحت صرفت مبلغ مخلينه للصدقه ومبلغ خاص لفقراء المسلمين هناك

عن نفسي صبرت وقمت اتابع محلات الصرافه الى ان استقريت ان احول المبلغ الخاص عندي لدولارات وطبعا اهلي اقتنعووو وحووولوو مبالغهم لدولارات
وهاي نصيحتي للي بيروح الهند..حولوو الفلوووس بالدولارات فيها فايده حلوووه هناك
378 دينار =1000 دولار=47 الف روبيه هنديه
اما في حاله من الدينار للعمله الهنديه
10 دينار = 1150 روبيه







وبدى مشواري ويا ابوي ربي يطول لي بعمره ويعطيه الصحه والعافيه
نطلع نتعسعس بروحنه

طلعاتنه كلها عشان ندور على سواري للاستخدام اليومي وبسعر مناسب وكان احسن محل دشيناه اهو الحجاز ويصير في محرق
كان الساري ب 3دينار هاي في اول زياره رحنه له
بس لما عاودنه الزياره له بوقت التخفيض كان الساري ب 1.500 دينار
وخدنه كميه منهم تقريبا 20 ساري وهاي هدايا لزوجات ربعه هناك
وخذنه قطع كان مسوي عليهم تخفيض المتر ب 180 فلس@@ يابلاااش زين لهم هههه
وحطيناهم باكياس كل قطعه بروحها عشان مانتعب في الوصول بتوزيعهم وتعديلهم



وبما ان امي ماتاكل شي هناك ومن سابع المستحيل تمد يدها في اكل مطاعمهم ههههه قالت ابي فرن كهربائي صغير اوديه وياي وقلنه هم احسن خبركم احنه ندهن سيرها عشان ماتعطل سفرتنه ههههه

وخذتها لها ب 6 دينار هم من الحجاز جيكناها حراراتها عال العال عجبتني تنفع للسفر والرحلات



عاد جان نطلع hand bag طلعنه حول 3وحدات ونبدي نحط القطع والسواري عشان نخفف علينه والحمدلله خلصنه منهم تقريبا ثنتين الثالثه ماصلحت يبي لنه وحده غيرها




ولهني خلصت اول جزء من استعداداتي
وانتظروني بالجزء الثاني
ودعواتكم لنه بتيسير الامور

الله يسهل اموركم والله يشافي الوالد خي

عجبني موضوعج

ان شاءالله تتيسر اموركم ومايشوف شر ابوج

يالله اني بتابع موضوعج

الله ييسر لكم وتروحون وتردون بالسلامة يارب



مُتابعة \\

تروحون وترجعون بالسلامة انشالله

متابعة F:

الله يشفي الوالد

الله يخلي لج الوالد والوالده

تروحين وترجعين بالسلامه

وناسه السفر لوووووووووووول

++مونيكا++;12261800:
الله يسهل اموركم والله يشافي الوالد خي

آمين الله يسمع منج
ويسهل امرج ويحفظ لج من يعزج ويحفظج الكريمF:

AL'MaNaMeA;12261844:
عجبني موضوعج

ان شاءالله تتيسر اموركم ومايشوف شر ابوج

يالله اني بتابع موضوعج

يابعدهم والله:o
آمين ويسهل امورج الكريم
الشر ماييج يالغاليه
وحياج الله اتشرف بمتابعتجF:

هذيــان;12261886:
الله ييسر لكم وتروحون وتردون بالسلامة يارب



مُتابعة \\

آآآآآمين يسمع منج رب العالمين
وحياج الله ابوي تنويني بتواجدج:D

أنثى النقآء;12262172:

تروحون وترجعون بالسلامة والله يشافيه يارب


متابعة F:

الله يسلمج حبوبهF:
ويشافي مرضانه ومرضاكم ومرضى المسلمين اجمعين
توريني الغاليه

عسكريمة;12262494:
تروحون وترجعون بالسلامة انشالله

متابعة F:

الله يسلمج من الشر ياربي
وحياج الله غاليتيF:

shoo79oosh;12262671:
الله يشفي الوالد

الله يخلي لج الوالد والوالده

تروحين وترجعين بالسلامه

وناسه السفر لوووووووووووول

آمين ومرضانه ومرضاكم يارب العالمين
آمين ويخليج لج والدينج ووالدي من يدش هني اجمعين
والله يسمج من الشر ابوي

هااا تروووحين ويااااانه؟؟؟ ههههه:adore:

تروحون وتردون بسلامه غناتي

والله يشفي الوالد يااارب ويخلي لج الوالد والوالده ..

عشقي وشوووشووو
فديتكم رحم الله والديكم
ويخلي لكم والدينكم
تسلمون ع المرور الغاليات
لاخلا ولاعدم

الله يعافي الوالد
وتروحون وتردون بالسلامه