قصه ولادتي بسارونه

تاريخ 12-5 كان تاريخ ولادتي ببنتي سارونه
طبعا مريت بمعاناه من التغربل و التبهدل
انه كانت مراجعاتي ايام الحمل كلها في السعوديه على اساس باولد هناك بس قدر الله
و قررت اولد في البحرين عند امي المهم رحت المركز قلت لهم كيت و كيت
قالو لي اوك و عطوني موعد حق سونار المهم تاريخ 9 كان الموعد
و عقب ما وزنوني و كل شي قالو لي الضغط كان وايد مرتفع و موعد ولادتج طايف خذ له جم يوم قالو لي ما تطلعين من المستشفى دام الضغط هالكثر قلت مو مشكله
المهم رحت حق يرقدوني الا يقولون لي مافي اسره قلت لهم اوك بس باطلع و بايي العصر
لاني كنت هناك من الصبح قالو ما تطلعين اذا بتطلعين وقعي و على مسؤليتج يا ناس غيرو بدلو قالو لا قلت لهم باروح و لين فضى سرير سوو لي تلفون << لا يا شيخه من انتي عشان يتصلون لج :lol: المهم قعدت من الصبح كنت هناك الساعه 8 و حصلو لي سرير
في الطواريء العصر طعا ريوقي و غداي في كفتيريا المستشفى عانيت
و ياني الفرج في الليل قالو حصلنه سرير فوقو رقدوني و تمو يحاولون ينزل الضغط و ثاني يوم
قالو لي بنسوي لج طلق صناعي لان الضغط مرتفع موزين حق البيبي
قلت اوك بدون تفكير << الاخت ماكانت تعرف قصه الطلق الصناعي
يا اليوم الثاني و سوو لي سونار و طلع كل شي اوك الا قالت لي الدكتوره روحي الحمام
الله يعزكم و انسدحي المهم انسدحنه الا عقب حطه لي ذيج الحبه ياربي طلعت روحي
ماتوقعت انها تعور قعدت اعفر عالسرير و اهيه تحطها جني طير مقلقص خخخ
و نطرت نطرت ماياني طلق و يات وحطت الثانيه و في الليل ياني الم جود مخليه
يمي ماي ورد و دله دارسين استعد حق الطلق ياني الم بسيط و شربت الدارسين جم قلاص
و شربت غرشه ماي الوردكلها قلت بيزيد الطلق ماجوف الا رقدت خخخخ طلع طلق كاذب
اليوم الثالث حطت حبه بعد مافي شي و حطت غيرها و بعد وحده يعني 5 وحدات قالت
اذا ماياج طلق خلاص باجر قيصريه المهم و رقدت الساعه 11 و نص الليل حسيت بالم في
البطن رحت الحمام الا سهال الله يعزكم و رجعت عالسرير و رد الالم و الاسهال
المهم الاسهال ياني مرات قلت شكله من الاكل الي يابه لي ريلي صادني تسمم هههه
الالم ذبحني ناديت السستر الا قلت لها فيني سهال قالت انسدحي انسدحت الا تقول
يالله قومي 3 سانتي الا ويهي صار جذي :D واتصلت حق ريلي و خبرته و مسكين كان
ماشي رايح السعوديه الساعه 8 الليل و خليته يرجع الساعه 11 و نص الليل تعذب
المهم ودوني حق الولاده الا زاد الالم
جنه احدقاعد يكسر ظهري و بطني بامووت و طبعا كانو يتابعون الضغط الا قاعد يرتفع
لي درجه حسيت اني بارجع خلاص الا قالو خلاص ضغطها يرتفع و باقي لها وقت
عشان تنفتح بي خل نعطيها ابره نرقدها و عطوني ابره عشان ارقد رقدت شوي بس
ارد اقعد من الالم و اهذي و ياني ريلي و امي ريلي ياني على الساعه 2 الليل من السعوديه
بس قالت السستر حق ريلي طلعو ماعطينها ابره مافي فايده مع اني تمنيت اولد و اهوه يمي خخخخ و صارت مواقف في حجره الولاده
طايحه صراخ عليهم ابي اروح الحمام يقولون لي لا هاي الراس اقولهم لاحمام
يابو لي قيصريه قالو لي يالله خرجي حاولت مافي و شالتها و ارد اقول ابي حمام
حطو لي تحتي حفاظه خخخ غربلتهم المهم عقب خلاص انفتحت و صار الجد
تميت اعصرو اعصر الا عقب قالت لي السستر عصري زين بدون صوت الياهل تعبت
انه طلعت عيني قلت شنو تعب 9 شهور يروح عالفاضي و اقوم ايود السرير نسيت
ابر السيلان اللي على يدي و اصير بطل فلم هندي <<< اميتاب على غفله
و اعصر و اعصر و اطبق ثياب الستر من رقبتها خخخخخ الا تقول لالالا جدي مو عدل
كانت هنديه خخخ و عصرتين و خلاص ولدت و ارتحت راح الالم نسيت كل شي
ودي اركض حق ريلي كان ينطرني برع بس تاخرت عشان خياط العجان
و الحمد لله ولدنه بالسلامه و افتكيت من الثقل و الله يهون على كل وحده
و تولدون بالسلامه ان شاء الله
مسامحه عالاطاله