مصيبة اختي

{ نور الـ ع ـرب };12240447:
انا دومني اقول ان مدارس الخلط مايجي منها الا وجع الراس
والله ماشفناهم اخترعوا الذرة الي درسوا بالمدارس الخاصة
وها نحن درسنا بالمدارس الحكومية وش زينــا مابنا عيب
وكلنا متعلمين الي يريد يدرس بيدرس عدل سواء ف حكومي ولا خاص لكن ان مدرسة احسن عن غيرها هذي ماتمشي علي
واهلك الله يصلحهم ترا الغلطة منهم معطينها فرصة تخرب عمرها بهذي المدرسة
وهم جالسين يتفرجون
لازم تقولين لامك بس انها تنقل اختك
وان هي جالسة تتاثر بالشباب الي هناك
وخلي لاتعلمها انك قلتي لها علشان لاتكرهك اختك
بالتوفيق

lilly_flower;12240588:
كلمي أختج و صارحيها انج تعرفين كل شي بس حاولي تكلمينها بهدوء و تتفاهمين معاها .. خليها تفهم انه اللي تسويه غلط و اذا ما سمعت لج هدديها انج بتخبرين أخوج أو أمج

فجر عمان;12240606:
حبيبي اولا تفكير اهلج غلط في غلط
وبعدين الي حسيته ان اهلج مدلعين اختج وايد
والدلع الزايد يخرب البنت
شوفي حبيبتي قبل لا اقولج الحل
بسالج كيف علاقه امج وياج وكيف علاقه امج ويا اختج
اذا علاقه امج وياكم اوكي واكثر من ام
انا بقولج انج لازم تخبيررها
لان الموضوع خطير
وخاصه ان اغلب البنات يغلطون وهم في هالسن
وخاصه ان هي في سن مراهقه
اختي بعد بسالج
انتي عندج اختي كبيره؟
لو عندج اختي كبيره دخليها في الموضووع وخبريهاااااااا بكل شي
اختي لازم تنقذي اختج قبل لا تضيع

مرياام;12240609:
حياتي لا تكدرين همك ولا شي

انتي عرفتي السالفه من الكمبيوتر
جلست ع النت ودخلي ع ايميلك ورسلي لها رسالة فوريه
وقولي لها انك عارفه كل شي وكتبي كل شي خاطرك فيه
طبعا هي بتحس ان خلاص كل شي انكشف وانك تعرفين
وتكون عايشه في وضع صعب ان ممكن انتي تقولين لأمك واهلك
بس انتي ماقلتي لأحد
غير كذا مابتكوني واجهتيها وهذا اصعب شي

بس لاتنسين كتبي لها اللي تعرفينه بكلمات قوية ومختصره
وان شاء الله راح تشوفيها تغيرت وتعدلت
وبيني لها في المسن انك تخافين عليها وبتساعدينها عشان تتخلص من هالولد الغبي

موفقه يااارب

حلمـ .,;12240627:

أول شي .,

أشكر لج تصرفج الحكيم وسكوتج عن إختج !!..

لأن يمكن لو وحدة ثانية مكانج راح تعصب وتعفس الدنيا على رآس إختها

وبجذي بدل ما تعتدل السالفة , تزيد الطيـن بلة ,

وبتكبر المسآلة بـ العصبية وبدون حل جذري لها

..*..

عموماً !..

هذي هو عيب المدارس الخاصة المختلطة

الطلاب إلي فيها مراهقين

وممكن يسون أي شي !!..

ولا تستغربين ترى في أعظم من جذي

..*..

الحين المطلوب منج إنج تكثفين المراقبة على إختج

وحاولي إنج تجمعين كل الأدلة ضدها

علشان لو تكلمتي مع أهلج عن سواياها

يكون في يدج سلاح قوي ضدها

ما تقدر من خلاله تنكر أو تكذب أو تتهرب

مب علشان شي , مب فتنـة إهي

بس هذي شي ما ينسكت عليه صراحة

توني من اشوي اكلمها اقولها اتعرفين ابوي يقول بينقلج مدرسة حكومية هو مب صدق بس ابي اشوف ردة فعلها
عصبــــــــت علي واتقولي هو صح في بنات مب اوكي في مدرستنا
بس يعني انا مايخصني فيهم
رديت عليها كيف مايخصج فيهم تراج تتأثرين فيهم
قالت لا

والله هالبنت مب فاهمتها انا




..*..

ولا تقولين لأختج أو أمج

أفضل إن السالفة يعرفها ( رجل ) .. رجل من العايلة حكيم وقادر يتصرف

لأنها مسآلة متعلقة بسمعة وشرف العائلة

يمكن أمج أو أختج

يتسترون على السالفة

وتاخذهم العاطفة والخوف عليها

شي طبيعي غريزة كل أم أو أخت

ومجرد يحرمونها من اللابتوب فقط لا غير

وبجذي المشكلة ما بتنحـل لأن الولد راح يتم وياها في نفس المدرسة وراح يتم يطاردها

فـ كآنج ما قلتي شي

المشكلة انا ماعندي اخوان كبار عندي اخو اكبر عني بسنة بس والله مايتفاهم
اول شي بيهزبني بعدين بيروح يكمل على اختي

عارفة شو راح اتكون ردة فعله


..*..

أول شي .,

المطلوب منج إنج تسوينه

وخلج جريئة وقلبج قوي

علشان سمعة وشرفة عائلتج + علشان مصلحة إختج المراهقة الصغيرة

ناديها وقولي لها بغيت أكلمج في موضوع

وبنفس الوقت أطلبي من أخوج الكبير أو أبوج إنج تقعدين معاهم تكلمينه في موضوع مهم

قلت لج واايد صعب اكلم اخوي ، وابوي بيقعد يلومني ويلوم امي
لانه هو مايبي النت في البيت
بس مثل ماتعرفين النت صار مهم في الدراسة وفي كل شي

واخاف اتكلم معاه احس لو امي احسن
..*..

قعدي مع أختج .,

وذكريها بربها وغضب ربها وهذي أهم نقطة

لأن الدنيا محد بياخذ منها إلا الأعمال الصالحة , ومحد بيفيدنا بيوم الآخرة إلا الحسنات إلي سويانها بهـ الدنيا

ذكريها وعضيها بهـ الشي , وثبتيه في عقلها وقلبها

وشرحي لها نوعية وتفكير شباب هـ اليومين

إلي ما يبون من البنت شي سوء اللعب .. والنزوات

وبعدها أكشفي أوراقج لها

وقولي لها أنا عارفة كل شي عندج

وكذا .. كذا .. كذا

بعد ما تصارحينها قولي لها أبيج تفكرين زين ما زين

وقد أعذر من أنذر

وأتركيها

وقومي توجهي مباشرة لأبوج أو أخوج

وقعدي معاهم بكل هدوء

وقولي لهم إن أختي تسوي كيت .. كيت .. كيت

لا تقولين لهم كل شي لا يذبحونها ههههه

بس فهميهم إنها على علاقة مع زميل لها في المدرسة

وحاولي تجيبين الموضوع بطريقة ما تخلي المسآلة تكبر وتزيد

وأنتي صدتي كل المحادثات إلي بينهم وجذي

أقلها علشان يتصرفون بشكل عاجل

وينقولنها إلى مدرسة حكومية .. مدرسة كلها بنات

ويكلمونها ويوقفونها عند حدها

لأن ما في فايدة تستمر بنفس هـ المدرسة والطالب هذي فيها ترى والله لو بتوب , ما بيخليها

ان شاء الله لي قعدة مع اختي وبحاول افهمها بس ان شاء الله تسمعني
:|

انا فكرت فيها حسيت اني لو اخبر ابوي صعععب وايد وخايفة
احس امي احسن

هي بتتفاهم وياها وبكلمها وبخليها اتقول لابوي انه ينقلونها

وان شاء الله خير
..*..

أكيد بتكبر السالفة ويمكن تتعرض أختج للعقاب ويمكن تزعل منج وتخاصمج

وهاي شي طبيعي , حتى يمكن تكرهج

عادي!..

هذي ردة فعل طبيعية

بس قولي لها أنا سويت هـ الشي لمصلتج أنتي فقط

ولأني أخاف على سمعة أبونا وشرف عائلتنا

وحاولي تبين لها إنج تستري عليها وما قلتي لأهلج

أنها تتواعد معاه وتشوفه في الاماكن العامة وفي المدرسة

لعلى وعسى يخفف من مصيبتها

ويحسسها شكثر إنتي تحبينها وخايفة عليها

وما بغيتي بهـ الشي إلا مصلحتها

..*..

تصرفي بـ شكل عاجل !..

وتصرفي بشكل منطقي .. وبـ العقل

بعيداً عن العواطف والقلب

هذي علاقة بين مراهقين

وهـ المراهق يحاول إنه يسيطر على أختج

ويبي يوصل لها بأي طريقة ويهددها بعد

فـ إذا ما تصرفتوا الحين

ممكن أختج تروح ضحية له

وبتكونين إنتي المسؤولة الأولى

كونج على علم ودراية وإنتي ساكتة

..*..

ربي يهديها إن شاء الله

وتعدي على المشكلة على خير

مثل سحابة صيف .. لا تحاتيـن

موفقـة

ربي يهديها ان شاء الله وبحاااااول وياها كثر ماقدر

ومشكووورة اختي

maiooona;12240791:
مدام علاقتها بامج قوية .. فخلاص كلمي امج و انتي طلعي من السالفة


او ليش ما تطبعين الحوارات اللي ليقيتيها بكمبيوترها؟ عشان يشوفون اهلج ان كان مهددها!

و اهي بنفسها تشوف الموضوع من نظرة ثانية .. نظرة خوف و صدمة مع احساس بالذنب



احسن شي انج تكلمين امج .. و اهي تتصرف


الله يهديها و يصلحها ان شاءالله

•»ٍَW5ٍَR.ٍَBٍَS«•;12240803:
لا تغلطيييييييييين وتكلمين امج نهائيا
اكو الف طريقه تقدرين تنبهين اختج منها اول شي تقربي منها
نهائيا انسي انج تقولين لامج لانج لو خبرتيها راح تزيدين الطين بله
وراح تقلب عليج اكثر واحتمال حتى انها تكرهج والله مو حلو اخت تكرهه اختها وعلى سبب تافهه
تقربي منها طلعي معاها خليها تفضفض لج
اهي مالجأت للحب الا اكو شي ناقصنها حنان ولا حب ولا اهتمام وتبي احد يسد مكانه ويعوضها
اختي لا تغلطين وتقولين لامج لين يأستي وخلاص قولي لها بس الحين لا بذلي كل الي عندج عشان توقفينها عند حدها
بس تحملي احد يدري عرفي الريال يحبها وشاريها ولا مجرد كلام ؟
لانه الحب مهوب عيب ولا اهو حرام بس اهم شي اهم مو قاعدين يسون شي غلط
فديتج جيل الحين غير عن جيل قبل لا تقولين المفروض انا سويت يعني اهي تسوي كل امه جائت لعنت اختها

الله يهديها يارب ويكون بعوونكم اثنيناتكم بس تحملي تخبرين امج

الرازجية;12240808:
لا حول و لا قوة إلا بالله ...صج اعيال آخر زمن


احنا لا كنا انعرف نت و لا بلاك بيري على أيامنا

ما أيد البنت تنقل لحكومي لأنها تعودت على الخاص و هل شي ممكن يسبب لها أزمه نفسية

اختي منهجهم منهج الوزارة يعني لو راحت لمدرسة حكومية هالشي مابيأثر عليها نهائيا بس الاختلاف في الانجليزي مالهم اما باقي المواد كله نفس الشي



لكن




و أهم شي,,,


لازم هل سالفة تنتهي...


سيده روحي قولي حق أبوج يتصرف معاها لكن و أهم نقطة لاتدري اختج انج انتي الللي كشفتيها لأن العلاقه بتسؤ أكثر من بينكم

ابوي مع ضغط الشغل بيعصب عليها اكثر مب بس عليها الا علي انا بعد
ف أنا افضل امي


قطيها على امج أو ابوج يزعم اهو اللي كشفها


وخله اهو يتصل بهل شاب و يراويه أو يتصل في أهله..


أو يدخل إدارة المدرسةبس أهم شي لا يبين ان البنت اهي اللي مشتكية على الولد حتى ما ينتقم منها خلها يزعم ابوها ابروحه كشفهم


وخله يكلمه بالنصيحه حتى يأمن انتقامه

انا حاليا بكلم امي وبشوف شو اللي راح اتسويه اذا بتخبر ابوي بقولهم اول شي ينقلونها مدرسة ثانية

ويراقبونها

ف احس ماتوصل لادارة المدرسة احسن


ومشكورة اختي

Soft Touch female;12241032:
اختتتي انتي كلميييها اب هدوووء وتفاهم لاو تهددينها حق لا تعانددج يعني خللج حنونة وخااايفة علييها وجوفيها شنو تقوووول ..بس ادا ما طاعتتتج خببري امج اتوقففها عند حدها لان هاي يقص علييها شنو يووووزع رققمها جد عيييار الولد