من القصائد الشعبية " المعلم والتلميذ"

لشاعر البحريني :
عبد الرحمن رفيع
باللهجة العامية.

إليوم موضوعنه مكرر *** ذكروه جم شاعر مشهور

قصة انمثلها كل يوم *** أو ماشيه من أقدم العصور

بيت أحمد شوقي الشاعر*** في قلب كل واحد محفور

قال : ـ الله يرحم روحه ـ *** ياطالب لاتكون مغرور

لين دش الصف أستادك *** قوم واوقف يعني مشكور

بس الطــــلاب هاليومين *** تركوا هالقــول المذكــور

إيــون الصف متصايكــين *** جنهم داشين في قرقور

يالسين وافكارهم ضايعه *** ماأدري في أي سكة اتدور

ولين سقطوا لاموا لاستاد*** طالبنه مسكين مغدور

طلابي إصغـــار واكبــار*** مخلوطين من كل الأعمار

فيهم طيبـــين مجتهديـــن ***في ساعة ايحفظون لاشعار

وفيهم الله لا يــراويــــكم*** مايعرفون ياكلون اكنــــــار

كلٍ بي ايصــــير دكتــــور *** وامخوخ أكثرهم كشبار

إدرس ياإبني ســــــاعة *** مايصير طول يومك دوار

والدك يعرك طــول شهره *** حتى ايدبـــر جم دينــــار

أنصحهم وأعـــــصر قلبي*** وأطلع أحسن لافــــــــكار

ولو كنت أنفخ في كالب *** من ثلج جـــان اتحول نـــــار

أولادنه اليوم مايدرسون*** ماخذيــــن التعلــيم افشــار

ويبون باكــر يتخرجــــون***ويـصيرون أغنى التجــــــار



إنتظروا البقية :smile: