~
~الفراشة الجميلة~
عروس برونزية
22-06-2010 | 08:21 PM
ليلي مثل ليلك ... او همومنا غير
قلي صباحك مشرقه مع صباحي
إنت السما عندك... نجومه ... نواوير
ومن الفرح عجعج سناها ... وفاحي
وانا نجومي ... في الغداري مسامير
على السما ... دقت بكل النواحي
جاك الظلام .. وجاك ربع ومسايير
وجاني الظلام وكل ما احب راحي
علمي بنور الشمس ... وقت المعاذير
قال الوداع وقلت.. دربك سماحي
كان الالم.. غيثٍ فدمعي محادير
وكان الندم سيلٍ فخدي .. بطاحي
تقول خل الهم واكفخ كما الطير
عطني سما ياخوك والوي جناحي
~
~الفراشة الجميلة~
عروس برونزية
22-06-2010 | 08:21 PM
اللي طعنّي بين الاضلاع وأدمى
هذاك ندٍ لي ونعمين فارس
ومن ينطح الوقت الردي قلبه أعمى
كم عامرٍ خلاه بالقاع دارس
يابنت مالي قلب بالحب يرمى
كفي سهام الفاترات النواعس
الما عيوني أظهريني من الما
وأنا غريق الدمع والريق يابس
ظميان من مثلي من الناس يظما!!
وأنا على أحلى الينابيع حارس
والله يالولا فيّة عيون سلمى
ماشوف كل الناس ضاحك وعابس
من طاب لي بالنور ماني بظلما
ومن جادلي بالغيث ماني بحابس
~
~الفراشة الجميلة~
عروس برونزية
22-06-2010 | 08:22 PM
ليت ها العين ضاقت بالحدق
قبل جدرانها بوجهك تضيق
والله اني صحيت من الأرق
راحلٍ لا مكان ولا طريق
ما سمعت الغراب اللي نعق
وين مثلي .. على مثله يفيق
منزلي في الطويل الي شهق
ومنزله قاعة الوادي السحيق
قالو الحاقد بدمك شرق
قلت ما أظنه لمدحي يطيق
كنه الشوك في ثوبي علق
يوذي الشوك ولا يقطع طريق
كثر ما الريح تعبث بالورق
وتوقد أغصانه الصفراء حريق
وكثر ما شوه العج الشفق
وقص من جيده عقود العقيق
وكثر ما صابني وأخطا التفق
لين ما أصحبت من خوفي طليق
وكثر ما نز في كفوفي العرق
من سلام على غير الصديق
اتركيني على باقي عبق
غيمة العطر من عمري العتيق
~
~الفراشة الجميلة~
عروس برونزية
22-06-2010 | 08:22 PM
ليله لو باقي ليله ..
في عمري ابيه الليله ..
واسهر في ليل عيونك
وهي ليله عمر ..
يالله .. يالله ..
وش كثرانتي جميله
يالله .. يالله ..
وش كثرانا احبك
احلم .. احلم بك دايم
جنبي وانا صاحي ونايم ..
ياللي ايامي بدونك
ماهي من العمر ..
صوتك .. همسك
بيتي .. وسفري
قمرك .. شمسك
ليلي .. وفجري
وانتي ياعيوني انتي
قلبي .. انا وين ماكنتي
ياللي .. سواد عيونك
افديه العمر ..
رووووووعة الموضوع
أنا من اشد المعجبين باشعاره
مشكووووورين
واتمنى تقوموا بزيارة موضوعي ف القسم الادبي
انتظرتك .. عمري كله .. وانتِ حلم
ومرت الايام والله .. وانتِ حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانت حلم ..
كل نجمه شعشعت والقلب عتمه .. كانت انت ..
كل حرفٍ حرك شفاهي بكلمه .. عنك انتِ .
وكل حبي اللي مضى والحب قسمه .. منك انتِ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتِ ..
قولي والله إنه إنتِ ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
انتظرتك عمري كله عمري كله .. وانتي حلم
,
,
آآه يابدر !!!!
كلمات رائعـــــــــــه جداً ...