{ .. "طريقتي" في العناية بيدي + تزيين المناكير الفرنسي ،، ~

السلام عليكم ،،

شخباااااركم يا عراايس ؟

وحشتوووووني ،، صار لي فترة ما نزلت لكم موضوع ،، لأن ماعندي موضوع اصلا خخخ او بمعنى آخر ماعندي وقت اسوي اشياءات ،، بس حبيت هالمرة اعرض لكم موضوع عن طريقتي في العناية بأظافري ،،

وطريقتي بعد في تزيين المناكير الفرنسي ،،

طبعاً انا ما استخدم اشياء غريبة وعجيبه وخلطات صعبة ،،
لا ،، اصلا كلش مو من صوبي الخلطات حق اليد ولا اصدق بعد الخلطات خخخ ،،

كل الي استخدمه اشياء متوفرة عند كل بنت ،،

أول شي براويكم الاغراض الي استخدمها في تعديل اظافري ،،

هذي مناكيراتي واغراضي ^^

~ ادوات برد الاظافر وصقلها وتسويتها ،،

هذي مجموعة ماجيف ،، اخذتها من ستي سنتر ^^

1) أول شي ع اليمين كريم مرطب لليد وممكن استخدامه للجسم << مثل ما مكتوب عليه ،،
2) ثاني شي المبرد الورقي
3) مبرد فيه 3 جهات جهه حق تنظيف الظفر وتسويته و جهه حق المساج يازعم خخخ وآخر شي جهه لونها رمادي لصقل الظفر ،، :)

الشي المربع الي فوق اهو بعد مثل رقم 3 بس شكله غير ،،
وهالمجموعة فيها زيت لتقوية الظفر ،، استخدمه ساعات بالليل يحتوي على فيتامينات ،، :thumbs_up:

ثاني شي ،،
هذي مبارد بعد ،،

أول واحد مبرد معدني ،،
ثاني واحد مبرد فيه 6 جهات يعني 6 خطوات ،،ثالث واحد مبرد صقل وتلميع الظفر ،،

هذا بو 6 خطوات ،، << عجيييييب هالاختراع ،،

.
.
.
.

واذا اغسل يدي استخدم سائل استحمام للجسم ساعات استخدم دوف ،، وساعات هذا ،،

دايماً استخدم كريم فازلين لليد والاظافر ومستحييل استغني عنه ،، :) والحجم الصغير اخليه معاي في الشنطة ،،

واذا ابي اعطر يدي مثلاً استخدم اما المخمرية أو لوشن بالفراولة ،،

واستخدم بعد المعقم وقت اللزوم خخخ ،،

.
.
.
.
.

نجي الحين حق الاشياء الي ازين فيها اظافري ،،

عندي الاقلام الي اغلبكم شافوها بموضوعي السابق ،، :) يعني ماصورتها ،،

هذي عبارة عن نجوم الصقهم بالمناكير الشفاف ،، :)

ذيلين ستيكرات من كليرز ،، نعوومين حدهم ،، وازين فيهم المناكير الفرنسي بعد ،،

كرستالات بعد حق التلفون بس انا اسخدمهم حق اظافري ^^ :D

هذا طباع يزعم ،، بس ما استفدت منه ،، ما يطبع عدل ،،

هذووول كرستالات بعد ،، من كل بستان زهرة خخخخخخخخخ
من كل مكان سارقتهم ،، بعضهم من عباية اختي هع هع ،، كانت ما تبيها وفيها كرستااال وااااااايد وكرستال اصلي 100% ،، قمت انه شلته وحدة وحدة خخخ عشان استخدمه حق اظافري ،، وبعضهم من ملابس عندي خخخ وبعضهم من اكسسوارات ما احتاجها ،، وبعضهم مادري من وين بصراحة ههههههه

وحطيتهم في هذا الشي ،،

ذيلين بعد سارقتهم من اختي الصغيرة

وبس ،،

.
.
.
.
.
.
.
.
.
.

نجي الحين حق تزيين المناكير الفرنسي ،،

أول شي الادوات ،،

~ مناكيرات خاصة بالفرنش ،،
~ كرستالات صغيييييرة ،،
~ و ملقط لتركيب الكرستال ،،

وأول خطوة مثل ما الكل عارف ،،

نحط اللون الابيض ،،

بعدين نحط اللون البيج أو الزهري ،،

وبواسطة الملقط نركب الكستالات على خط الفرنش ،،

وساعات ازين الفرنش مناكير بالستيكرات الي راويتكم اياهم فوق ،، الي من كليرز ،،
وساعات استخدم الاقلام الـ 3D

ذيلين انا رسمتهم بالاقلام ^^

وبس ،،

اتمنى كل وحدة تستفيد من موضوعي تدعي لي ان ربي ييسر امووري ،،

وما اسمح لوحدة تنقل الموضوع بذكر المصدر او بدونه ،،

انتظر ردوودكم الحلووة ياحلووات ،،