افضل الدكاترة في البحرين

كم ياخذ مدة الموعد اني مستعجلة

افكر اذا اروح في نفس الشهر يصير حمل





كم سعر اول زيارة

والله مادري بالضبط بس كأن خذ معاي 3 اسابيع عشان احصل موعد ... بس يمكن من أول شهر صعبة لأن راح يطلب تحاليل لك و لزوجك و بعدين في يمكن شوي أدوية لازم تاخذينهم ما أدري عن حالتك بالضبط بس بقولك نصيحة محد قالها لي .. السالفة يبيلها صبر واااااايد ولازم تهيئين روحك حق الموضوع عدل و خلي الباقي على رب العالمين .
و هذا رقمهم :17727888 أتصلي و سأليهم عن كل شي .

الصراحة ما أذكر سعر أول زيارة بس أكيد راح يخبرونك إذا أتصلتي .

يالله اتصلي و خبريني شيصير معاك.

افضل دكتور في البحرين

الدكتور محمد الدرازي في مجمع الخليج الطبي

زوجي حالياً يتعالج عنده

و الحيوانات المنوية من صفر صار عنده نص مليون الحمد لله

مشكورة يالغالية والله يرزقنا ويرزق الجميع

اختي ام فجر كم تكاليف العلاج عند الدكتور الدرازي ؟

أختي عروس مملكة البحرين... هل الدواء اللي عطاه الدكتور ونزل العدد لواحد هي دواء بروفينال شي جذي الأسم.. ترى هالدواء فعلا ينزل العدد للصفر بعد وبعدين تدريجيا يرفع العدد..أنا قريت عنه اول مابدا زوجي ياخذه ومباشرة طلبت منه يوقفه..

اخواتي نصيحة مني لكم مريت من قبلكم بنفس الحالة والحمدلله ربنا كرمنا وعوضنا بالحمل.. أحنا بعد رحنا لأحمد بركات وطلب تحاليل .. المهم جرب زوجي كبسولات اكستريم من عالم الأعشاب (الجواهري على ماظن اسمه قبل) والحمدلله خلال شهر زاد العدد.. وبعدين رحنا ناخذ علبة ثانية الا مخلصة قال بعد كم اسبوع توصل بس عندي الأقوي أكس أكستريم قلت له هاته وخذاه زوجي والشهر اللي عقبه الحمدلله حملت وطبعا كنت بنفس الشهر مسوية حجامة والحمدلله كنت مواظبة على سورة البقرة والإستغفار والصدقة...


دخلت الموضوع وقلت مابي أطلع بدون مانصح خواتي وادعي لهم بالتيسير والحمل بالقريب العاجل ويرزقهم الذرية التامة الخلقة...

دكتور وليد في مستشفى ابن النفيس

كبسولات اكستريم من عالم الأعشاب (الجواهري على ماظن اسمه قبل)

اختي رانيا في وين عالم الاعشاب ياريت توصفين لي المكان
وبعد سؤال ...
اخذتوا الكبسولات بدون وصفة طبية مثلاً او شي ؟؟

ياريت القى منج رد اختي

اختي ... حالتج مثل حالتي بالضبط انا سليمة وزوجي عنده نقص بالعدد والحركة .....

زوجي تعالج عند الدكتور محمد الدرازي .... ماشاءالله وايد شاطر

اكتشف ان عند زوجي الدوالي وسوى له عملية ... والحمدلله الحمدلله بعد العملية ب3 شهور ومتابعه مع الدكتور اللحين انا حامل

ومثل حالتكم ماتحتاجون غير دكتور لزوجج متخصص بعقم الذكور ....... وانصحج وبكل ثقة بالدكتور محمد الدرازي

الله يشافي زوجج ويرزقج بالحمل عن قريب ... وادعي لي ان الله يثبت حملي واشوفه سليم معافى

مرحبااا

انا بعد اصحج بدكتور محمد الدرازي بعد
لأن زوجي كان فيه نقص الحيوانات الحركه بطييييئه

والحمدالله اللحين تمام التمام
الحمدالله

بس للحين الله ما كتب ليي الحمل

تحياتي
منونه

الله يرزقكم الاولاد و البنات

انا بصراحة كان زوجي عنده مشكلة بسيطة بطئ بالحركة و كنت انا نقص بروجسترون

و طبعا يأست و الشهر اللي تركت كلوميد فيه

و زوجي كان طايح في العسل طيح حملت ببنتي الله يحفظها و يهديها و كنت عارفة ان بنت لان حركة الحيوانات بطيئة و بعدها خد فيتامين اييي جم شهر و حملت بولدي

فما في شي على الله صعب العلاج فترة مؤقتة اختبار لنا فقط لا غير و الله مجيب الدعاء و الله سميع عليم في لحظة يتغير الحال و تحملي فوق الطب و الاجهزة و التحاليل هي ادن الله

و البنات ما قصرواا وفوااا و كفوااا

والله يرزق الكل الاولاد و البنات يارب

حبيت اشارك بتجربتي و بدعائي لان حاسة فيكم كنت من اشوف بيبي اصيح اقول ما بجيب بس امي قالت لي بيتجيبين و الحمد لله الله ما قصر

و عليكم بسورة يس و سورة مريم و سورة يوسف

و طبعا البقرة

Hope Butterfly;12245570:


اختي رانيا في وين عالم الاعشاب ياريت توصفين لي المكان
وبعد سؤال ...
اخذتوا الكبسولات بدون وصفة طبية مثلاً او شي ؟؟

ياريت القى منج رد اختي

هلا أختي .. والله عادي بدون وصفة لأن كل اعشاب جنين القمح وبذرة القمح يعني ماراح يضر كل شي طبيعي.. اي اخذناهم بدون وصفة لأن يوم وصف الدكتور حق زوجي بروفيلان وانا قريت إن ممكن ينزل العدد بالمرة صفر وبعدين يزيدهم قلت له لاتاكلهم ورحت عالم الأعشاب وفشلة بس قلت يله دخلي وجوفي شنو عنده من علاج طبيعي والحمدلله لما عاد التحليل زاد العدد والحركة..
حتى حماي كان عنده تشوهات بنسبة 80% وبعد الكبسولات صارت التشوهات بس 20%..

عالم الأعشاب اعرف بس فرع المحرق.. لين دخلتو السوق تعالوا لنهايته يمين او يسار (وين ماتروحون على الحواج) بس اول ماتلفين يسار بيكون ثالث محل على اليمين (عند الجوهرة السوداء ومقابل سور المركز الصحي).. العلبة الأكس أكستريم كانت ب 20 والأكستريم العادي كان ارخص بس مو متذكرة بالضبط.. بس الأكس يكون أقوى للي حالتهم وايد مستعصية..

مشكورين خواتي
منو عنده عيادة دكتورة خلود الدرازي

حبوبه في حبوب للرجال بالصيدليات لزيادة عدد الحويانات المنويه وتنشيطها
من himalaya واسمه speman
وان شاء الله اكون افدتج

الدكتورة خلود

الدكتور أحمد بركات

والله يرزقج ويرزق كل محرومة بالذرية

رانيا البحرينية;12273325:
هلا أختي .. والله عادي بدون وصفة لأن كل اعشاب جنين القمح وبذرة القمح يعني ماراح يضر كل شي طبيعي.. اي اخذناهم بدون وصفة لأن يوم وصف الدكتور حق زوجي بروفيلان وانا قريت إن ممكن ينزل العدد بالمرة صفر وبعدين يزيدهم قلت له لاتاكلهم ورحت عالم الأعشاب وفشلة بس قلت يله دخلي وجوفي شنو عنده من علاج طبيعي والحمدلله لما عاد التحليل زاد العدد والحركة..
حتى حماي كان عنده تشوهات بنسبة 80% وبعد الكبسولات صارت التشوهات بس 20%..

عالم الأعشاب اعرف بس فرع المحرق.. لين دخلتو السوق تعالوا لنهايته يمين او يسار (وين ماتروحون على الحواج) بس اول ماتلفين يسار بيكون ثالث محل على اليمين (عند الجوهرة السوداء ومقابل سور المركز الصحي).. العلبة الأكس أكستريم كانت ب 20 والأكستريم العادي كان ارخص بس مو متذكرة بالضبط.. بس الأكس يكون أقوى للي حالتهم وايد مستعصية..

مشكورة يالغالية
زوجي يشتغل بالمحرق وان شاء الله اوصف له المكان واعطيه الإسم عشان يستخدمه
وأنا بعد حماي عنده الحيوانات غير مكتملة النمو يعني تشوه ان شاء الله بقول لزوجته تقول له الاسم بعد
وألف شكر لج اختي ..