أشلون أكسر الروتين؟

اختتتي خصصي لج يوم لبيت امج يوم تطلعون تروحون اتلعبببون اليهال يوم تروحون تتغدوون برا وربي يوفققج ويسعدج

لازم تمر علينا حالة الروتين
خصوصا بين الزوج والزوجة ..

بالنسبة لي وايد ادخل مواقع تخص الحياة الزوجية حتى لو عندي خبرة لكن مافيها شي اذا طورت من نفسي
وحتى بطريقة كلامي واسلوبي مع زوجي
انتي يمكن ما تطلعين وايد ودوم مع عيالج وشايفة طلباتهم مو غلط طبعا وهي واجبج تجاهم
لكن لا تنسين الزوج دوم يبي يشوف زوجته مرتبة ومتعدلة وهاي اكيد حقه لان كفاية اللي يجوفونه برى
ولما يردون البيت ودهم يجوفون الاحسن والاحلى عن اللي جافوه برى البيت
حاااول قد ما تقدرين تغيرين من نفسج شوفي انتي مقصرة من اي ناحية وغيريها
خففي الانتقادات والعتاب ,, ليش ما تقعدون ويا بعض قعدة حلوة وفيها كل واحد يقول شنو اللي ناقصه ويبيه من الثاني
يعني قعدة مصارحة ولاااااااازم تكون بعيدة عن لصراخ وانت فعلت وسويت وانتي فعلتي وسويتي
لان بهالطريقة ما راح توصلون لنتيجة .

شوفي عزيزتي احنا الحريم داايم نحب الريال هو اللي يبتدي فكل شي
فالكلمة الحلوة ,, واللمسة الحلوة .. وتقديم الهدية وامور ثانية كثيرة

انتي ابدي فيها وسويها لا تقولين يمكن ما يحب او انتي تستحين وتخافين يعلق عليج بالعكس
هاي بروحه كسر للروتين ,, غيري الصالة اللي تقعدون فيها دوم ضيفي لها شي حلو ويكون مميز
حتى لو مزهرية بسيطة وفيها ورد صناعي او غيري طريقة الكراسي وبخري البيت
غرفة النوم حطي فيها استكرات اللي تخص الزوجين على الحائط او فوق السرير
تراها تغييرات بسيطة بس تحرك المشاعر ,,

كسري الروتين حتى بطريقة تقديم الاكل او العصير دشي النت وشوفي هالمواضيع وطبقيها

طلعي فيوم انتي وياه بس بدون لعيال وديهم بيت اهلج وطلعي معاه سولفو ويا بعض اخذي رايه عن المكان اللي بتروحونله
روحو كوفي شوب سينما او مطعم حاولي تسولفين فامور حلوة مدحيه مثلا على انه صاير حلو ومتغير او على انه
سوالج شي فالبيت وساعدج ترى المدح يخلي الزوج يحب زوجته اكثر
كثرة الانتقاد انت فيك وانتي فيج تقتل الحب والرومانسية

انصحج انج تاخذين كتاب رجال من المريخ ونساء من الزهرة واااااااااااااااايد بيفيدج فيه امور غايبة عنا ومودايرين لها بال
سعره رخيص 3 دينار وشي ..

وربي يوفقكم انشالله :)

فديتج حتى الي مو متزوجين يومهم ممل
الملل مناشبنه وين مانروح بعد شنسوي !!
هاي الحياه يا نقضي على الملل يا اهو الي يقضي علينا
انتي حطي لج جدول وسوي لج برامج كل اسبوع مثلا نطلع اليهال بهل اليوم
هل اليوم مخصص لي انا بس يعني استجمام حمام مغربي
هل اليوم اسوي حفله عشان تكسرين الروتين والحواجز الي بينج وبين ريلج
وهلون عشان تقدرون تعيشون يومكم وبكل سعاده
وعسى الله يوفقكم يارب ويستر عليكم دنيا واخره :)

اختي شووفي,, بقول لج عن تجربتي الشخصيه واتمنى اكون افدتج..

عن نفسي اول ماتزوجت كنت مثلج يعني حياه سعيده ومتجدده ,, وفرح ووناسه لكن للاسف على ماكملت تقريبا سنه ونص الا حياتي احسها بدت تتحول الى روتين قاتل ,, بعد سنتين ونصف من الزواج تقريبا تغيرت حياتي بجزء كبير حيث وقتها رزقني ربي بأمورتي الصغيره ( بنتي ) المهم بعدها حسيت الروتين شوي شوي قاعد يرجع وحياتنا صارت معرووفه يعني الصبح زوجي يروح الدوام ومن يطلع ارجع انام وقبل مايجي بساعتين اصحى واطبخ الغدى ,,يجي ويتغدى ويرجع ينام وفي وقت نومه اكون مع بنتي او انظف وووو .. من يقعد من النوم دايما يوميا يطلع مع ربعه فماقدر طبعا تم بروحي ف البيت اتملل فاخليه يوصلني بيت اهلي بما انه قريب من بيتنا ’’ وتقريبا 9 او 10 يخلص من قعدته مع ربعه يمر ياخذني وونروح نشتري لنا عشى نتعشى وكل واحد ينام .. شفتي شلون الضيق؟؟؟؟؟



المهم بديت اتضايق من هالامر وقررت ني اغير حياتنا ,,

فبديت اولا بتغييرات ف البيت ,, حاولت قد ماقدر اني اجبره بقعده البيت واحببه فيها قدر المستطاع,, حاولت اشغله ببنته يعني قول له امسكها بسوي شغله ,,غيرت في لوكي ,, حاولي قد ماتقدري تهتمين بشكلج وواناقتج ترى هذا اهم شي بالنسبه للرجال,, يعني مثلا(( قصي شعرج قصه تخليج بنتوه اكثر,, اخذي لج مجموعه ملابس حلوة للبيت وبنفس الوقت فيها نسبه اغراء للزوج يعني مايرد من الشغل الا غداه جاهز وانتين نظيقه وشكلج مرتب وملابسج نظيفه وحلوة .. يتغدى وووقعدو مع بعض تابعو التلفزيون وسوي له سووويت لبعد مايقعد من النوم.. ))

المهم بعدين انا حاولت قد مااقدر اني اطلع مشاويري في وقت مابعد صلاه المغرب علشان اشغله يعني يوم ناقصتنا مجموعه اغراض ونبي نروح ناخذه ولازم اكون معاه لان مايعرف لاغراض البيت لحاله ,, يوم ثاني عازمتك على العشى برى.. يوم ثالث بنتك خاطرها تطلع تلعب ’’ وبنفس الوقت بدون مااخليه يتضايق يعني مو لازم يتكون الطلعات ورى بعض يعني لازم اترك مجاله له يتنفس خصوصا اذا كان زوجج مثل زوجي من محبي قعدت الربع ’’ ومستحيل يستغني عنهم

يعني بهالطريقه قدرت شوي اغير حياتناا ,, قد ماتقدرين حاولي تشغلينه معاج ,,ومع عيالج ,, وبنفس الوقت بدون ماتبعيدنه وايد عن اهله وربعه,,




وسامحوني وااااااااااااااااااااااايد طولت لكن اتمنى اكون افدتج ,,, ههههههههه

على قولك وانا وحده من يلي الروتين ومشاغل ومسؤليات الزواج قارفتني في عمري مافي مجال حتى الواحد يعيش مع نفسو شويه يتابع فيلم يسوي الحاجات يلي يحبها مافي مجال
كلو انشغال تام وتعب مع البيت والأولاد والزوج والله شي من جد يمرض
كل يوم نفس الشي حتى والله اني اسوي الفطور وانا قرفانه بس عشان اخلص واتجنب شرو والغدى والعشى نفس الشي
واذا مثلااا فجاءه قررت وقلتلو اشرأيك نروح نتغدى اليوم برا مرررره مللللل
يقوم يعصب مرررررررررررره ويبهدلني ويزعقلي ويقلي لااااااااااااااطبعاا
يقلي الواحد تعبان وانتي تبغي تخرجينا من الضهاري
ويبينلي اني بأتكلم كلام مجانين وانو محد يخرج هاده الوقت انا زوجي مرررررره مهو أخد الدنيا ببساطه لازم التعقيدات
انا كنت اتمنى يكون زوجي فله وغير روتيني ممل