زوجت اخوي الغريبه :(

بسم الله الرحمن الرحيييم

بنات ابي اقولكم عن زوجت اخوي

من قبل لا يتزوجها اخوي كان كل شي اووك و اهلها يقولون مانبي شي وعادي بس لما تزوج اخوي

بدوا بالطلبات نبي بيت بنفس مدينة اهلها ونبي ونبي الخ

مع انهم غشونا بالبنت كان فيها جن مدري سحر المهم انها يغمى عليها وتجلس تبكي و تدووخ وكانت مطلقه واخوي عارف بس ماقال لنا انها مطلقه

وعشان كذا اخوي سكنها معنا بنفس البيت بس لها قسم خاص فيها

ولما يروح يداوم اخوي دوامه شفتات فـ نجلس عندها ومرات ننام او هي تنزل تنام عندنا

وكان يغمى عليها واذا هديناها تقوول لا ابي فلان اللي هو اخوي خلوه يجي ونتصل على اخوي ومسكيييييييين يطلع من دوامه ويجي يقرا عليها ليين تهدا متبهذل معاها

المهم بعد فتره صارت تقول ان قسمها اللي هي فيه تسمع اصوات ومدري وشو مع ان حنا مانسمع شي ولا نحس بشي ابد

المهم فضينا لهم القسم اللي تحت ونزلوا تحت عندنا واللي فووق اخذها اخوي الثاني

وش اقووول يابنات صارت لزقه 24 ساعه عندي بغرفتي وكل ماتسوي عشاء تجلس اسبووع تذلنا مع ان فيه شغاله واحس انها حسوووده وتغاار اختك عندها كذا انا بعد ابي نفس الشي
ولما اخوي بيطلع مشوار او يبي يروح يشتري من البقاله لازم ترووح معه يعني حتى لو ياخذ لفه بالسياره ترووح عادي اهم شي تطلع من البيت
وبعديين صارت تحط حرتها بالشغاله وتحاول تطفشها كل ماتصحى ترووح على طوول لها تقوول لبسك ضيق غيريه تخيلوا كل يووم انا مليييت كيف عاد الشغاله واذا قلنا لها ليش تقوول هي مضووقته لييش عششان زوجي يناظر فيها ودايم تقول لها ياحيوانه وياحماره وكلااام كثير ودايم تكذب علينا

استغفر الله وش هالتفكييير وربي ذي عندنا من مده ولا عمرنا لاحظنا عليها شي

وداييم اذا راحت للاسواق او المستشفى او اي مكان يكوون كلامها كله عن الغزل يعني واحنا بالسوق فيه اثنين يغازلووني واحنا بالمستشفى واحد مسك يدي ويغازلني يعني كلامها كله عن الغزل بس لما نروح معها عمرنا مانلاحظ احد يغازل ولا تقول اي شي تسكت بالمره

واخر مره تهاوشت هي والشغاله والشغاله هزئت زوجت اخوي بصراحه ماالومها ابدا

بعدها زعلت وتقوول يا انا او الشغاله بها البيت وراحت لاهلها واللحين تبي بيت بلحالها

واهلها بعد يقولون بنتنا تبي بيت لها مع انهم عارفين ان بنتهم مريضه وفيها جن بس عادي عندهم نااااس مدري كييف تفكر

هو صحيح من حقها انها يكوون لها بيت بروحها بس المفروض يفكروون زييين ان بنتهم مريضه

ومدري اخوي متوهق فيها لو بيحطها في بيت بلحالها مايقدر يتركها بلحالها عشان مايغمى عليها او تطلع بالشارع او تسوي شي


المهم هالكائن الغريب كيف نتعامل معه وخصوصا انا لاني انا طيبه كثيييييييييييير وعلى نياتي

وما احب المشاكل ابد بس اذا شفتها غلطت على كثيييير رديت عليها وبعديين تزعل هي وتسويها سالفه ويصير الخطاء علي انا وربي تعبت من ظلمهم لي

تكفووون بنات ادعوا لي اتزوووووج وافتك منهم