الي اولدت قيصري ياليت تتفضل

مرحبا حبيبتي أنا جربت القيصري بس أنا كانت ظروفي غير يعني بدون تحديد موعد صح ان الدكتورة قالت لي بولد قيصري من الشهر السادس بس ما حددت لي موعد بالضبط
كنت ياية من الدوام وقتها وأنا بين الاسبوع 32 و 33 قاعده في بيت أهل زوجي مع زوجة أخو زوجي وشوي أحس ان تنزل لي إفرازات بغزارة تقولين حنفية مفتوحه أركض غرفتي إشوف قطع دم تنزل مني قعدت أصيح قلت أكيد ولدي مات وأصرخ وأنا في الغرفه وشافتني الخدامة عمتي ما كانت موجودة في البيت ركضت ونادت أمي لأن بيت أمي قريب ودخلت علي أمي شافت الدم قامت تصرخ وعلى طول ودتني المستشفى هي وابوي زوجي كان مداوم أول ما سرت قالولي عملية وإلا البيبي راح يموت وأنا كنت وايد نازفة وقعت عالعملية حتى قبل لا زوجي يوصل دخلوني العمليه آه يا غرفة العمليات كيف تخوف وأنا داخله أمي كانت عالباب تبكي علي بتموت فديتها ومن دخلت ما حسيت في شيء أبد ما أعرف شو عطوني ضربوني أبرة عطوني دوا والله ما أذكر المهم شوي واشوف مجموعة دكاترة حولي يصفقوا ومستانسين يقولوا لي مبروك جالك ولد فرحت وسألتهم وينه قالوا لي في الحضانة لأنه كان بالثامن تقريبا طلعت من الغرفة إشوف كل أهلي حولي كانوا وايد خايفين لأن البيبي طلع بعد عشر دقايق من دخلوني الغرفه بس أنا إتاخرت ساعه إلا ربع أمي كانت تحاتيني ان صار فيني شيء الكل كان يبارك لي بس أنا ما حاسة باللي حولي من أثر البنج خلصوا عمليه على المغرب بعدها نمت ما حسيت إلا يوم كنت أكح. كان الجرح يعورني وكنت عطشانة بس ما عظوني شيء أبد أمي كانت تعطيني من وراهم على الفجر حسيت الحمدلله بس ما كنت أقدر اتحرك أبد وبعدني ما شفت ولدي أقولهم أريد إشوفه يقولوا لي في الحضانه بعدها بيومين شفته فديته حبيبي اتذكره وإيرات في كل مكان أجهزة على جسمه وكان يرضع من خشمه حاطين له وإير فيه حليب لأنه ما كان يقدر يمص بعده لمدة أسبوع بالضبط وطلعوه شليته البيت الحمدلله بس جرحي أنا كان شوي يعور ما كنت أقدر أقوم من السرير إلا حد يساعدني ولا اقعد إلا حد يساعدني أكح ابكي أضحك الجرح يعورني بس كلها اسبوعين الحمدلله وكل شيء رجع تمام قدرت أمشي بس الرضاعه كانت صعبه علي شوي كنت أرضعه. وأنا. راقدة
أدري طولت بس انتي طلبتي كل شيء بالتفصيل الحين عمر ولدي ما شاءالله خمس سنوات ونص ربي يخليه لي يا رب
والله يسهل عليكي يا رب العالمين

لا تخافين انا عملة قيصريتين و بعد اسبوع القيصريه الثالثه ربنا يسهلها عليك
كلها اربعه ايام يكون فيها الم قوي شوي تتعبي من الحركة و لزم احد يساعدك عشان تقفين بعدها انت تستطعين تقفي لوحدك بدون مساعده خلال فترت جلوسك في المستشفي في البدايه تجلسي 8 ساعات بدون حركه بعدها لزم تتحركي و يشيلو منك القسطره لانه لزم تتحركي صحيح في الم بس لزم الحركه عشان الدم يتحرك و ما يتجلط انتي لا تخافين و كوني شجاعه و بعدها يجبون لك الماء وعصير و شربه و تشربي سوئل بس وثاني يوم تاكلي عادي
غير كذا رح يعطونك مضادات حيويه و مسكنات و ابر لدم عشان ما يصير تجلط

و انتي حاولي تمشي في المستشفي كثير لا تستسلمي للالم كل ما مشيتي ترتاحي و يلتام الجرح اسرع
انشاء الله ما اكون خوفتك بس حاولت احطك في الصوره
في فرق بين البنج الكامل و النصفي في بعض التفاصيل مثل متي تاكلي و سرعة الحركه و عدم وجود اكسيجين في الحلق

الله يسهل عليكم

الله يقومكن بالسلامة

وتفرحن بعيالكن

أنا جربت في الولادة الأولى بنج كامل .. و في الولادة الثـانية نصفي .. و فعلا فرق السمـاء عن الأرض ..

صدقيني النصفي أفضل بمليون مره .. أول شي تسميعن صوت البيبي يوم يصيح ,, تشوفينه تحبينــه .. ثانيه ما تجيج كحه لأن ما راح يستخدمون الأكسجين معـاج فراح تقليلين من اسباب الألم .. تقدرين تاكلين أكل خفيف من أول يوم ..

أما عن المشي مثل ما قالوا الخوات لازم من بعد العمليه تبدين تمشين كل ما مشيتي اسرع كل ما برا الجرح اسرع ودايما افردي ظهرج و انتي تمشين

الله يسهل عليك ويقومك بالسلامة

انا ما كد ربيت عمليه ولدي الاول طبيعي بس شفت الويل والهلاك والعذاب وتمنيت عمليه ..

حتى هاي الولاده الثانيه لي وصدق خااااااااااااااااااااااااااااايفه خاطري أقول حق الدكتوره تولدني بعمليه ..

صدق خايفه من الطبيعي ومن الطلق الصناعي ...

الله يقومك بالسلامة ... ما جربتها وان شاء الله ما اجربها يا رب.

الله يسهل لك ان شا الله