متري وربي وش تحس فيه

/




متري من وين ابدا



بس مالي الا الله ثم انتم



حآآآآآسه بقهررر



قهرررر


مايحس بالنار الا واطيها



المشششكله اختي ..



تخيلو عمرها 21 سسنه تششوف نفسها مرره كبيره


اذا اي احد << وحطو على كلمة اي احد
تقدم لها

توافق بسسرعه


مافي الا انا اوقف بوجهها


تقدم لها واحد اكبر من ابوووي بكثييير بكثييير ومتزوج 2 ورحت كلمتها وكلمتها الين ماخليتها تبكي ششلون تضيعين مستقبلك مع واحد كبر ابوك ومتزوج

شوي اروح انا من بيتي من هنا واسمع موافقتها من هنا

ويوم اوجهها اشوفها تتجنبني ماتبيني افتح الموضوع


سئلت امي : يمه لايكون غصبتوها

تقول امي لا ماغصبناها << حتى امي معارضه


بس هي راسها يابس

المهم شافها الرجال والحمدلله رفض يقول هذي صغييره بالحييل


عآآد هني هي زعلت زعللت بالحيل << وربي وربي كان ودي اقوم اصفقها بس مسسسكت نفسي



اول ششي ابصراحه حنا شديد سواد البشره مانزوجهم

واللي تقدم لأختي كان من شديدي سوآآآآد البشره وسميين سميين سمييين لأبعد درجه وطوويل


واختي ماشاء الله عكسه بكثير
ابوي اول مآآآشافه رفض على طول

واختي متمسكه فيه

يوم شاف اختي متمسكه بموقفها تبيه قال ابوي لازم النظره الشررعيه : الرجل رفض واختي كانت رافضه اهم شي عندها تتزوج لانظره ولا يحزنون

بس ابوي كان مصر يمكن تشوفه وتغير رايها

بس مافي امل

حتى يوم شآآآفته / لسى موافقه

وكانت خايفه يرفضها

يوم جات الموافقه فرحت بتطير من الفرحه

المهم كتبو الكتاب

كلمه ابوي على الملكه رفض مايبي ملكه


وحالتهم بالحييل منتفه

وربي يابنات ايام الخطوبه حق اختي ماعمره رفع السماعه عليها

ولا اتصل على اهلي وعلق اختي لمدة سسنه

ماغير اكلم زوجي يكلمه هذا مايصير على الاقل يكلم حرمته يعيد عليها

وربي مادق عليها الا يوم توفى جدي عزاها وقفل السمآآآعه

وطولت اختي مخطوبه الى ماعصب ابوي وناداه يااتتزوج ولا تطلق

وافق على الزواج

سوو الزواج وكان كله مششاكل في مششاكل في مششاكل كله علشان الماده يبون زواج باستراحه

تخيلو يابنات الدق الدق يابنات وش حاآآآطين اصوات بنات اطفال صغار
دي جي اصوات اطفال بنات


الى يومكم هذا وانا كلما اتذكر زواج اختي ادعي على خوات زوجها هم السبب في خراب الزواج

كنت من شدة القهر ابكي بالزواج

والله يخلي الشماته للعائله الكريمه

المهم تزوجت اختي


واستمرت نظرات العائله لي بالشماته على زواج اختي

وعايشه اختي بشقه بالحيييل بالحييل بالحييل صغيره

خوات زوجها يطنشونها لابعد الحدود وهي بتموت فيهم

احيان ودي اقوم اصفقها وش هالغباء اللي فيها

دايم اردد وين كرامتك وين شخصيتك

ومافي اي امل


الحين بنت عمي عمرها 26 سنه انخطبت لواحد ماشاء الله اخلاق وجمال ومال

وكلما جابو سيره الزواج يرددون مانبيه مثل زواج فلانه < يقصدون اختي

انقهر يتكلمون كذا قدامي وانا ساكته


اختي شخصيتها بالحييل ضعيفه ضعييفه

الحين تشتغل وتصرف احيان على نفسها

جوالها جهاز كمبيوتر هي اشترته

والغباء اللي فيها تقول لبنات عمي من مصروفي اشتريته

وهم ياخذونها شمآآآته

واللي يقهر في الموضووع زوجها بالحييل بالحييل يستحي

اذا كلمتها ليش زوجك ماعزا امي


ليش زوجك ماسلم على امي جدتي


تقول يستحي


عاد اعصب واقول لها هو حرمه يستحي الرجال مايستحي الحرمه تستحي



..



كشفو وش سبب منع الانجاب طلعت تحاليلها سليمه الا هو يقولون من السمنه


السمنه عائق في الانجاب


والمصيبه ماشاء الله عليه كل مره يزيد وزنه


:


الحين احس بقهر يوم تتكلم بنت عمي مع خطيبها

ويوم تسولف على بيتهم الفخم

وانا اتذكر حاله اختي واشوفها

لا ايام خطوبه ولا شقه ولا حاله

واقول بنفسي اذا جلست يمكن يكون نصيبها احسن