مساء الخييير
اخباركم ان شاءالله طيبين
بصراحة مادري من وين ابدأ مالقيت احد يعطيني وجه وان شاءالله انتوا ماراح تقصرون
انا كنت مخطوبه لولد خالي من يوم ماكنت بثالث ثانوي
المهم حاليا انا بثالث جامعة وملكتي كانت بشهر 12
والزواج راح يكون بشهر 8
ولد خالي اللي يفترض اقوول انه زوجي :094:
بنات عيلتنا كلهم يتمنونه اخلاق وطيبه وذووق والخ..
انا كنت مبسووطه فيه الين دخلت الجامعة وصرت يوميا أفكر بالمسؤلية اللي راح اواجهها مع ضغط الجامعة والاختبارات وووو:01:
وحسيت اني تسرعت بالموافقه عليه اول شي لأني احس اني ماراح اقدر اوازن بين دراستي وبينه
ثاني شي كثيير تناقضات بيننا مستواهم المعيشي غير مو مثلنا انا من النوع اللي يحب
يطلع ويروح ويجي بدون ماحد يقولي شي عكسهم عندهم البنت ماتطلع لوحدها هو تخصصه عربي وانا ادارة اعمال <حتى في هاذي مختلفين 
هو محترم ماشاءالله وانا عادي ماتعودت عند اهلي كل شي فري :037:
الأشياء هاذي اثرت فيني وقمت الووم نفسي انا غبيه ليش وافقت عليه لو رفضته كان بيجيني
احسن وهكذا
وحسيت انه راح يكون السبب في تعاستي وكل يوم يقرب من زواجي اتحسر اكثر واكثر =(
صرت ماارد على مكالماته ورسايله ومطنشته اكبر تطنيييش وربي مقهورة من عمري لييش اسوي كذا 
بس غصصب عني
بس غصصب عنيمن يوم ماملكت عليه ماشاف مني اتصال هو اللي دايم يتصل وللحين صاابر =(
مدري بصراحة وش تنصحووني فيه لأني افكر اطلب الطلاق اذا من بدايتها مطنشته واجرح فييه كيف بعدين؟
بس امي رافضه نهائيا تقول ماراح تلقين واحد مثله وابوي يمدح فيه بس مدري ليش راسي ياابس
ابغاكم تنصحوني وش المفرووض اسوي لأني الكبيره ومافي احد يكسر راسي ويعقلني =(