أه أه أه من الرجال وتحكماتهم ..؟؟؟

السلام عليكم ورحمة الله وبركاته:thumbs_down:


أنا لدي عدة مشكلات مع زوجي ولكن في مشكله مررره مؤرقتني

وهيه موضوع الشغاله انا لدي ثلاثه أطفال وكلهم صغار جدا ومتعبين:badly:

وزوجي مايرضى ناخد معانا الشغاله ولا مكان أحس يحب يشوفني

متبهدله بره البيت أقلو طيب ليش ماأخدها معايه أش فيها كل الناس

يلي عندهم أطفال بياخدو شغالتهم معاهم يقوم يقلي أولادك قومي

بيهم بنفسك أنت أمهم أنت تجري وراهم وتنتبهيلهم ويلكع في

الخرجه ويقول محنا رايحين ويزعقلي ويقهرني بالله كلامو صح بالله:mad:

عليكم مو كلامو كلام مجانين والله ساعات نكون معزومين على

سابع ولا رايحين عزومه عائليه والكل معاهم شغالتهم وساعات

نكون رايحين نودي أطفالي الملاهي أو مطعم ففي كل الحالات

يصرخلي ويبهدلني ومايرضى ويقول والله لا أبطلكم في الخرجه كلها

يقلي ليش مكسحه مايمديكي تمسكي اولادك والله اني ماأتهنى

في الخرجه من البهدله ورايحه جيه على الحمامات في أي خرجه

نروحها انا بأشوف في حريم حتى معاهم طفل واحد وتلاقي معاه

شغاله وماشيه تلاقيه زي الملكه وزوجها تلاقي ولايدخل نفسو حتى

سايبها على راحتها في اتخاذ قراراتها

معليش سامحوني على الاطاله بس والله الموضوع هاده مرررره متعبني:sick:

وماأوصل الخرجه ألا وانا متوتره على الاخر ومعصبه ولو رايحه عزومه

تلاقيتي اول ماأدخل أفضفض لأهلي من القهر حتى أخواتي يقولولي

مو من حقو يسوي كده بالله عليكم انا اروح اقعد مع الناس ولا اجري

ورى اولادي حسبي الله ونعم الوكيل في كل رجال مفتري:'(

حبيت أفضفض من قهري ولكم مني كل الحب والتقدير

بالله ساعدوني وريحوني بحلولكم يلي تجبر الخاطر:biggrin: