كيفكم شخباركم
اول شئ قبل مانبدأ احب اوجه لكم شكر من اعماق اعماق قلبي
لسببين
الاول: بفضل خبرتكم العاليه في التجميل والوصفات والخلطات صرت خبيره في كل شئ
وصرت اقدر اميز بين الصح والغلط واعرف اختار اللي ينفعني واترك اللي يضرني
وهذا بفضل الجهود الجماعيه وعسى الله يوفقكم يارب ويعطيكم على قد نيتكم الصافيه
ثانيا: بسببكم وبفضل تجاربكم استفدت كثير وشفت نتايج تجاربكم على نفسي
جربت من عندكم خلطات كثيره للشعر والبشره والحمدلله تحسنت بشرتي
وصرت اعرف كيف احافظ عليها بالشكل السليم..
احبكم قسم :adore:
يلا ياعرايس نجي للبارت لموهييييم الحين اللي هو عرض المنتجات :p
وان شاء الله تستفيدو من خبرتي
1-شامبو غارنيه ضد التساقط :
طبعا بنات شعري راح اقولكم طبيعته
كان عادي وسط ويتساقط بس بشكل طبيعي
فجأه بدون سابق انذار قام يطيح بشكل رهيب :'(
لين سبحت وبعد التسبوحه لين مشطته يطيح بشكل مخيف
طبعا سويت تحاليل كل شئ تمام عندي بس الحديد لكم عليه شوي
فـ صرت اخد حبوب فيفول الحديد
ورحت محل عطاره في الدمام اسمه عطاره الكويت
وشريت خلطه من عنده
وطبعا اصريت اعرف مكوناتها قبل مااشتريها لاني اخاف اشتري اي شئ لشعري
راس مالي شعرتين وماابي اخسرهم :(
فــ رضى يقول ليي بعض مكوناتها اللي هي ( زعفران - حب الرشاد - زيت المرمريه - البطم- زعفران )
الباقي ماشفته وهو يحضرها وتوكلت على الله واخلصت النيه وشريت
الحمدلله لاحضت قل التساقط عندي شوي مو واجد
بس قلت بستمر عليها وبشوف النتيجه..
وشريت هالشامبو الجميل وصرت استعمله وقت مااستعمل الخلطه..
ولين انتهى التساقط ابشرو بنزل موضوع خاص وبدليكم عالمحل وتروحو تاخدو الخلطه :biggrin:
2-شامبو وحمام زيت لوريال الفيف
تعودت على شامبوهات لوريال الفيف سوا هذا او الوردي او البرتقالي
مره حلوين انصحكم فيهم بنات خقق مره :adore:
3- زيت جنين القمح واللوز
قريت مره هنا في المنتدى ان وحده تحط على وجهها لوز وجنين القمح قبل ماتنام
بالفعل صرت ادهن وجهي وتحت عيني لان عندي هالات الله لايوريكم مثلها :(
انصح كل وحده تجرب هالطريقه وتستمر عليها طول حياتها
لان جد زيت اللوز وجنين القمر كنزين مستـحيل افرط فيهم :p
4-حبيب فلوبنا فازلين :L:
مااستغني عنه قبل ماانام ادهن ايدي واكواعي ورجلي
5-بيبي اويل
بعد الاستحمام احطه على جسمي رهيب مستـحيل استغني عنه
جربوه بنات وداومو عليه جد بتحبوه :L:
وكمان استعمله لشعري احيانا حلو
6-كريم جلسرين
وه بس وه :L:
جد جربت كريمات واجد واجد للترطيب وغير هالكريم ماحبيت
جد روعه تحس كريم ترطيب من قلب
صحيح قديم لكنه الافضل :lol:
7-بورده جونسون
بنات لي 3 سنين استعملها للابط وظهري
للابط وبكل امانه اللي تقول يبيض الابط هالشئ مو صحيح
ابطي صار غامق ياترى منه او من موس الحلاقه ولله مدري
بس لظهري استعمله لان في ظهري حب واحسه لطيف عالظهر
والحين صرت مااحطه في ابطي اخاف يكون هو سبب السواد مدري :'(
اللي جربت تفيدني بنات
8-زيت بارشوت جوز الهند
ياحياتي شو لطيف وخفيف دم << بني ادم مو زيت هع هع :lol:
جد لطيف عالشعر
للي ماتحب الزيوت الثقيله وللي تبقى احيانا في الشعر حتى بعد الشامبو
تستعمل هذا
حليو بس خساره مو مداومه عليه
احيانا بعد مااغسل شعري احط نقطتين منه على شعري والفه ولين فكيته احسه رطب وحلو
9-تونيك فازلين للشعر
كمان حلو بنات جربوه
انا احطه بعد الحمام شوي منه وبس
لين ماابي استشور شعري
احطه والف شعري
ولين فكيته احسه حلو مو منكوش :p
10- ديودرنت بيزلين بالورد-بودي سبراي بزهره الكاميليا
كنت ادور ديودرنت امن للبشره ومايحبس العرق داخل الجلد
وشفت ناس واجد تمدح بيزلين وشريته
وعاجبني وبداوم عليه وريحته بالورد حلوه منعشه
وطبعا في روايح واجد منوعه
نجي للسبراي
غني عن التعريف وريحته لطيفه خفيفه زي الريشه :lol:
وتحسي بنعومه الاطفال لين استعملتيه :D
11-ماء الورد الايراني
قريت عنه واجد قبل مااشتريه وتشجعت وشريته من العطار
وصرت ارش على وجي 3 مرات يوميا ويعني ان شاء الله اوصل للنتيجه المطلوبه :cool:
12- تونر غارنيه بالورد - للبشره الحساسه
حلو بنات وريحته جميله وخفيف مو قوي عالبشره ومايحرق
يعني امن
13-مقشر وغسول كلير سيل
بنات كلمه رهيب قليله عليه
الغسول استعمله لين طلعت لي حبه افركه شوي عليها واغسل
والمقشر كل 3 ايام استعمله
حلو ويصفي ويفتح البشره بنات انصحكم فيه ممتاز
14-مقشر بالشاي الاخضر من بودي شوب
حلو وفيه شوي حراره مثل النعناع منعشه
حلو للحبوب استعمله مو دايما
كلير سيل اكثر..بس فوائد الشاي الاخضر معروفه وممتازه للبشره
15- شامبو tresemme
مدري امي واختي يمدحونه كثير بس بنات انا نشف شعري
يمكن لان شعري خلقه ناشف صحراء وخفيف
وشعر امي واختي كيرلي فـ ناسبهم
بس عموما ناس كثير تمدحه وانا جربته مره بس ووقفت
16-الصابون المغربي
لايمكن في حياتي استعمل صابون غيره للجسم :L:
هو والخلطه الصابونيه احسن شئ
تفتيح ملحوظ
وتنعيم للبشره
اللي ماجربته خسرت بنات :p
واتمنى اللي تستعمل شئ من منتجاتي تخبرني تجربتها وخلينا نتشارك تجارب
ويارب عجبكم الموضوع
مع حبي..:L:
