بنات ضايق خلقي :(

مسكين الحلو ماعليه شر
بس حبابه دام الدكتوره ما بتعطيه علاج يوقف الاسهال لين يتخلص من الجرثومه
ع الاقل وديه يحطون له مغذي ويعطونه املاح عشان لا يصيده جفاف لا سمح الله
وطمنينا عليه

الف سلامة عليه ياعمري والله الاسهال ما بيتحملوه الكبار فكيف الصغار

ماعليه شر ان شاء الله الله يكون بعونه وبعونج ان شاء الله

مشكورين خواتي ما قصرتو والله

الدكتور قال لي اعطيه املاح عشان ما يصيده جفاف الله لا يقول

ولي بيومين ضعف ضعف مو طبيعي

اي والله احنه لكبار نتعب الله يعين اليهال

ابى اوديه يعطونه مغذي بس قلبي معورني ما اقدر

والمشكله زوجي مسافر حدي حدي مضايقه :'(

ماعليه شر ان شاء الله

تسلمين يالغاليه :(

معلي حبابه ادري صعبه عليج بس ضروري مغذي إذا اسهال وايد مهما شرب سوائل المغذي غير يمتصه الجسم مباشره ويمنع الجفاف تره مو زين ع الياهل
ودام زوجج مسافر روحي مع وحده من خواتج
الله يعينج ويطمن قلبج عورني قلبي عليج والله

الله يشاااافيه ياربي
ديري بالك عليه

سلامته مايشوف شر ان شاء الله

طبيعي ان الاسهال يقضي على الجرثومة وشوي وشوي بيخف ان شاء الله

بس حاولي تعوضيه بالسوائل لايصيبه جفاف

واعطيه اشياء مسلوقة

واغسلي ايديك زين اذا نظفتي له لانه معدي

ايي خيووو السهال يدبح ويضعف

الله يشفيه ياااربي

الله يشافيه حاش ولدي كان عمره سنه ونص وبالضبط نزل كيلوووو بدون مبالغه والترجيع نوافيير

كثري سوائل كثر ماتقدرين وسويله عيش ابيض وبطاط مفيوح مع رووب وعطيه موز عشان يمسك بطنه شوي ويتغذى

الله يعينج وطهور ان شاء الله

مايشوف شر حبيبتي إن شاء الله تفرحين بشوفته طيب

مشكورين خواتي والله ما قصرتو خففتو على والله

قاعده اعطيه سوائل بكثره

اي اغسل ايدي لانه قال لى الدكتور انه معدي :(

بصبر عليه لين الصبح واذا نفس الشي بتوكل على الله وبوديه يعطونه مغذي :(

انشاء الله يخف عليه لين الصبح دعواتكم خواتي والله محتاجه هالدعوه ضايق خلقي حدي حدي

:(

وايد صعبه على الام تجوف ولدها تعبان حبيبي الله يشافيه يارب

مايشوف شر ان شاء اللة

الله يشافيه يارب ويعطيه الصحة والعافيه

الله يكون بعونج صعبه تشوفينه تعبان ومو بيدج شي تسوينه
اختي وديه للمستشفى مثل ما قالولج البنات
وان شاء الله يخف للصبح وتجين تطمنينه عليه ..

ميشوف شر البطل :(

ماعليه شر ان شالله الله يشفيه

الله يساعدج ويشافيه ولدي صاده بعمر 7شهور 3 كيلو نزل في 2 اسبوعين ..وتعب
الله يساعدج ..
اختي اذا زاد الاسهال عن 9 مرات والترجيع عن 7 مرات في اليوم لازم تودينه المستشفى
لازم ياخذون منه دم ويجيكون الاملاح ذحاسبي لا يصيده جفاف ..لاتعطينه ماي خالي كلامع املاح
وفي شي مثل الحليب اسمه ميلوبا اتش ان 52 هذي تركيبه تغذيه وبعد املاح وتساعد توقف الاسهال نوصفها للإمهات اذا صاد الطفل نزلة معوية
الله يشافيه ويحفظه