بنات الامارات ساعدوني الي(ساكنين في دبي)

شو إلي تبين تشترينه بالضبط ؟

وهل زرتي دبي من قبل أو لا وانتي اصلا من وين؟

بصراحه وايد محلات في دبي تهبل وخاصه المراكز مثل ستي سنتر وميركاتو وبصراحه كل المراكز فيها محلات راقيه وتهبل وانتي من وين ؟؟

اخواتي انا من السعودية
انا بدي اسواق الملابس والكسسوارات مكياج شيللات
كمان الاجهزة
اول مرة اسافر للامارات بدي اروح وانا عارفة عشان ماتوة
وجزاكم الله خير

بنسبه للمراكز عندج:

* برجمان.. شارع كرامه..
* وافي.. وهو قريب من لامسي بلازا أيضا..
* سيتي سنتر.. ديره..
* أبراج الامارات.. شارع الشيخ زايد..
* ميركاتو.. جميرا.. جنب مركز الشاطئ..
* مركز الواحه.. شارع الشيخ زايد.. نجمه..
* مركز حمر عين.. قريب من شارع الرقه والمرقبات..
* مركز منال.. قريب من سوق نايف وسوق الوصل.. شارع سوق نايف..
* مركز البستان.. شارع الي يودي الشارجه وقريب من مركز الملا بلازا..
* بو سوقات.. الراشديه..
* الغرير.. رقه..
* الهناء.. جافليه..
* تاون سنتر.. جميرا..
* بوهيل.. منطقة بوهيل.. مشهوره لخياطة العباءه والشيل..

كل مركز فيه محل للملابس والاكسسوارات والاحذيه والمطاعم و و و والخ.. وكل محل جنب الثاني..

--------------------

بنسبه للاسواق:

* سوق الكرامه المركزي.. شارع كرامه..
* سوق نايف.. شارع نايف..
* سوق مينابازار.. بردبي..
* سوق شارع الرقه والمرقبات..

واذا جعتو فالمطاعم كثيره وجنب بعضها..

وتقدرون تروحون شارع الضيافه عندهم مطاعم كثيره وكذا محلات للملابس والاكسسوارات..

--------------------

الغاليه اذا ضعتو امسكو أي تاكسي "مواصلات دبي" وسالوهم عن الموقع وان شاء الله هم ما بيقصرون واذا قالو بندليكم بشرط تدفعون مبلغ معين.. خذو رقم السياره واشتكو عليهم لان بعضهم يستغلون..

ماشاء الله سنو وايت كفت ووفت


ماشاء الله عليج بس في غلطه مطبيعيه

اسم المركز بن سوقات مش بوسوقات

الله يجزاك خير والله ماقصرتو فيكم الخير يا اهل دبي
ومشكوووورين

هلا اختــــــــي ..

انا بخبرج عن محل وااايد حلوو وفيه فساتين مغربيه حلوه وعليه شغل شغل واسعارها من تقريبا من 500درهم الى 700درهم على ما اظن بس شو الموديلات تخبل
المهم اسم المحل حبيبتي
ركــــــــــن الدجــــــــــى
في سنتر دوون
شارع الضيافه


ومثل ما قالت الاخت XxSnow WhitexX
بالنسبه للعبا والشيل ما في احسن من مركز بوهيل
وبالنسبه مواصلات دبـــي مثلما ما قالت الاخت خذي الرقم وسيده على اشتكي :D2 والله ردج ضحكني :D2