لا تعتمدي على التحليل الهرموني !! قصة حملي الثاني

السلام عليكم يا احلى بنات وحشتوني جدا انا غايبة بقالي كتير عن المنتدى لظروف عملي بس حبيت احكي لكم على قصة حملي الثاني علشان محدش ييأس
انا طبعا عندي نور عمرها سنتين و سبع شهور
و بقالي فترة انا وزوجي مقررين الحمل بس مكانش بيحصل
المهم اخر دورة جت لي بتاريخ 6 -3 و بعدين انتظرتها 6-4 مجتش
عملت اختبار منزلي 11-4 طلع سالب
عملت مرة تانية يوم 20 -4 طلع سالب
رحت للدكتورة يوم 28-4 قلتلها انا الدورة متأخرة ومفيش حمل
عملت لي سونار مظهرش كيس حمل و قالتلي عندك تكيس على المبيض اليسار و هاعمل تحليل دم نتأكد ان مفيش حمل
طلع نسبة هرمون الحمل في الدم صفر يعني مفيش حمل
عطتني دوفاستون لمدة 10 ايام علشان ينزل الدورة وقالتلي بعد ال10 الايام بكام يوم هاتنزل الدورة
اخدت الدوفاستون 10 ايام و خلص و قعدت منتظرة الدورة مجتش برضه بس بدأت تجيلي اعراض غثيان و دوخة و قيء و الم في الصدر و بعد اسبوع اتصلت بالدكتورة قالتلي لو مجتش بعد اليوم العاشر تعاليلي علشان اعرف السبب
واليوم العاشر لقيت جوزي جايب اختبار منزلي و بيقوللي جربي والله شكلك حامل قلتله انا اصلا معادي مع الدكتورة بكرة قاللي جربي بس مش هانخسر حاجة
و فعلا طلع خطين
و رحت بعدها للدكتورة قالتلي اني حملي حصل متأخر سبحان الله
بس الغريب ان الكل بيقول ان التحليل الرقمي بيبين الحمل حتى لو حامل في يوم
انا عملته و الدورة كانت متأخرة عندي 22 يوم و طلع صفر و مفيش كيس حمل في السونار كمان بس الحمد لله