هل أوافق عليه بعد ما تزوج وطلق؟؟؟؟؟!!!!!

السلام عليكم ورحمة الله وبركاته

بنت خالي صارحتني بموضوعها واستأذنتها احطه هنيه

البنت مبدعة في الرسم وعمل معاها شخص مقابلة صحفية وسبحان الله ظل متواصل معاها

واتفقوا على الزواج وما صار بينهم اي طلعات او مواعيد ... اتفقت معاه انه يكلم اهله

وفعلا كلم اهله وتقدموا للبنت بس اهل البنت كان رايهم انه الزواج يصير بعد تخرج البنت اي بعد

3 سنوات . و أهل الولد الظاهر انه مو موافقين خاصة انهم بعد مو مرتاحين كون ام البنت اوربيه يعني يهمهم الاصل وايد ... الولد كلم البنت قال لها يحس انه ما شيء

نصيب خاصة انه اهله مو موافقين على كلام اهل البنت ... الولد صارح البنت وقاللها الظاهر ما

شيء نصيب ... مرت سنه كامله وبعد السنة رجع الولد يتصل بالبنت ما ترد عليه حاول يوصل

لها ما ترد وفي النهاية وصل لها من خلال الحاحه وماسجاته. كلمها وقاللها انه كلم اهله

واقنعهم بس قال لها انه خلال هالفترة تزوج وما صار نصيب.

وبصراحة بنت خالي منصدمة وتقول المفروض هو يحافظ على الوعد ولكنه تزوج وهذا اللي يخليها مترددة وتقول المفروض هو يخبرها انه تزوج بس ما خبرها وهو قال لها انه ما تزوج الا بعد ما خبرها اخر مرة ما شيء نصيب .

وحاليا هو يحاول ويباها واهله ما عندهم عذر ... وبنت خالي تقول تحس انه ما له راي وتخاف ما ترتاح معاه مع انه الولد فهمها انه ما لعب عليها ولا شيء .

ما اعرف شو رايكم

شو تنصحون بنت خالي؟

هل اللي سواه الولد انه تزوج وما خبرها صح ام غلط؟( رغم انه خبرها انه ما شيء نصيب)

أنا تفاهمت مع الولد كونها قريبة مني ووضحلي كل هذي الأمور وانا احاول اكون وسيط بينهم

وقال انه شاري البنت واهله موافقين ومقتنعين وقال انه يتمنى انها ما تزعل لانه تزوج بس ما

صار نصيب ويقول يمكن الله رايد انه نكون لبعض قصده انه هو ما تزوج عليها او انه وعدها بالزواج

وراح تزوج غيرها لا هو عذره انه قال لها ما صار نصيب وبعدين راح تزوج يعني كان الموضوع

منتهي والحين يبغي يفتحه من اول ويديد

الريال من خلال ما سالت عنه بنت خالي محترم وطيب واخلاقه طيبه .

وشكرا