السفر الى تركيا بنات ضروري بليز

أم تركي العلوي;12183320:

حبوبة انا سافرت تركيا ورجعت قبل اسبوعين... رحنا انا وزوجي وولدي تركي عمرة سنة واربع أشهر بس رحنا بالطايرة

كان بداية الربيع عندهم,, في اسطنبول كان الجو بارد بس بورصه كانت اجوائها دافية والحرارة ماتزيد عن 28 الصباح:cool:
بالنسبة للفنادق حجزناهم من مكتب السفريات قبل السفرة
:thumbs_up:
1- فندق ميدتاون في اسطنبول اربع نجوم نظيف ومريح والطاقم كلهم يتكلمون انجليزي ومتعاونين جدا جدا (يستاهل 5 نجوم)
2- فندق ريتشموند في اسطنبول 5 نجوم بس ما انصح فيه كثير لانه في شارع الاستقلال وفايام الويكند ممنوع السيارة تدخل هالشارع والفندق بأخر الشارع... حزة اللي ردينا من بورصة الى اسطنبول سايق التاكسي وقفنا بأول الشارع وراح وتبهدلنا لين وصلنا الفندق مع البيبي والشنط
3- فندق جراند ابانت في أبانت 5 نجوم نظيف وهادي بس مارتحنا فيه الغرف وايد صغيرة بس الطاقم متعاون والمطعم أكله لذييييييييييييييييذ
4- فندق الاميرة في بورصا 5 نجوم بس واااايد روعة ورومانسي:adore: الغرف مريحة ويعطوج سرير للبيبي والأكل بعد حلو

:thumbs_up:

بالنسبة لاماكن الخروج في اسطنبول فهي كثييييييييييرة.... ^o)
تل العرايس,, برج الأميرة,, المسجد الأزرق,, جامع السلطان أحمد,, متحف آيا صوفيا,, مصنع الجلود بالأضافة الى الرحلات البحرية الى مضيق البسفور وجزر الأميرات والمولات الكبيرة
في بورصا.. الشلال.. حديقة الحيوانات.. الشجرة المعمرة.. سوق القطن.. السوق المسقوف.. سوق الحرير العثماني.. القربة التاريخية بالاضافة الى رحلة جبل الالوداع بالتلفريك

بالنسبة للأكل فاغلبه مشاااااوي

اما الحجاب فما أظن فيه مشكلة لان تركيا بلد مسلم و99% من الشعب مسلمين وانا محجبة وما واجهت مشكلة ولله الحمد

والاطفاااااال.... عن نفسي تعبت شوي مع تركي لانه كان يبكي فالفندق كثير ويزعجنا فالمطاعم من غير انه صارله امساك شديد بسبب انه ماقام ياكل غير خبز وجبن وكيك وحليب بس:'(

ملاحظة: بعض الاتراك اللي يتكلموون عربي حرامية خاصة اهل الخليج يستغلونهم كثير فتحذروا منهم لانهم يخلون نفسهم طيبين بس نفوسهم خايسة:sleep:

اتمنى أكون أفدتج ورحلة سعيدة انشالله