ضاقت النفس ...؟

حبيبتي انتوا توكم معاريس ..
يعني مشاكلكم جدا عااااديه ..
وتصير لكل زوجين تقريبا ..
لان ولا واحد فيكم عنده خبره في الحياه الزوجيه ..
انتي يبيلج وقت تتعودين عليه وعلى أسلوبه ..
وهو بيبله وقت يتعود عليج وعلى أسلوبج ..

بس يبيلها صبر ..
ودااااايما الحرمه هي اللي تحاول وتحاول إلى ان تصل لقلب زوجها ...

أغلب الرياييل طبعهم الصمت ...
لا تجبرينه على الكلام لاي موضوع .. هو صامت .. خلاص خليه براحته ..
سولفي وياه سوالف عاديه .. لكن لا تيلسين على راسه وحشره وسوالف .. لان باين عليه يحب الهدوء ..
خليه براحته وانتي اشغلي وقتج بشي ثاني ..

صدقيني مع الوقت هو اللي بيفاتحج في أي موضوع ..

أنا أول ما تزوجت كنت كل اروح السوق ويا زوجي .. كنت أحسها متعه ..
وهو كان يمل بدرجه فظيعه .. وانا كنت أضايق ..
بس بعدها اقتنعت ان الريال مب من طبعه يحب يلف ويتسوق نفس الحريم .. فقمت أروح السوق ويا خواتي أو بروحي .
إلا اذا في غرض بسيط أروح معاه ...

وحتى مرات كنت أشتاق اني أتسوق معاه .. يقولي روحي ويا خواتج

هههههه عرفت بعدها اني خلاص من اليوم ورايح ما راح اتسوق معاه ..
لان الريال بطبعه ملول ...


اذا تحسين ان اسلوب المسجات ينفع وياه .. خلاص اعتمديه الاسلوب الرسمي خخخخخخ ..

وحتى الرسايل اللي بخط الايد .. ترى بعد لها مفعول ...


وشوي شوي بتفهمينه وبيفهمج بس يبيلها صبر ..
والعصبيه والزعل أقولج اياها مااااااااااااااااااا تنفع أبداااااا ..

والله يوفقكم ويسخر لج زوجج ..