صباح الخير جميعا ....
صار لي يومين مشغولة
مع دورة ماك للمكياج ...
الدورة انا مسجله فيها من شهر 2
ودفعت قيمتها تقريبا من 3 اسابيع
قيمة الدورة ب 75 دينار
ويكون عبارة عن فوجر ..
يعني بعد الدورة اخذ الفوجر
وارح محل ماك واشتري مكياج بقيمة 75 دينار ..
الدورة كانت بتارخ 23\24 .. 5 \ 2010
يومين ورى بعض 4 ساعات باليوم ..
من الساعه 4 الى الساعه 8
في فندق ميركوري منطقة السيف ..
كان عدد المشاركات حوالي 20 وحده
والمتميز في هالدورة انها تكون بعدد قليل من المشاركين فيها
عشان تكون قيمة الاستعاب فيها كبيرة ..
طبعا ماك كل سنة يسون مثل هالدورة ..
وتكون خبيرة تجميل من برع هي اللي تعطي الدرس ..
المحاضرة كانت من جنسية اردنية حبوبة حيل وفنانة
اسمها مفين خبيرة تجميل تشتغل في ماك وتعطي دورات ..
اسم الدورة :
ماك تكنيك ..
اليوم الاول :
كان خاص فقط بالوجه ..
وطريقة وضع الاساس والفونديشن ..
علمتنا الخطوات تقريبا خطوة خطوة ..
شلون نهيء البشرة لوضع المكياج ..
وشنو انواع البشرة والكريمات المستخدمه ..
وطريقة وضع الكونسيلر ولوز بودر وبعده الفونديشن
وطريقة رسم الوجه بالكوتور وتصحيح اخطاء الوجه ..
ووضع البلاشر واختيار الالوان المناسبة ..
وايد اتضحت لي امور كنت غافله عنها ..
او استخدم بطريقة خاطئة لكن جزاها ..
خير صلحت لي المعلومات لي وحق غيري..
اليوم الثاني :
كان خاص فقط لرسم العيون والشفايف ..
بدت بالطريقة دمج الالوان مع بعضها البعض
والطريقة الثانية كانت السموكي ..
مشينا معاها خطوة بخطوة وسألناها كل شيء
ومسكينة ماقصرت علمتنا كل شيء وماتمللت
بعدين راحت على رسم الشفايف وطريقة وضع الروج ..
طبعا عقب الشرح كل وحده اطبق على روحها ..
لان كل وحده جدامها منظره والادوات اللي تحتاج لها ..
اتركم مع الصور :
فندق ميركوري بمنطقة السيف ...
من داخل الفندق باللوبي الدرج لان القاعه فوق ..
اعلان الدورة بالمرر في الطابق الثاني ..
قاعة المرجان مكان الدورة ..
على الطاولة موجود بوكس فيه منظرة وفرش
على كل طاولة موجود عليها رسمة الوجه وكتيب ودفتر وقلم رصاص ..
هذي صورة القاعه من الداخل صورتها لما البنات كانو في البريك ...
وهذا مكاني صورته لكم كشخه كنت قاعده جدام ...
مكان ما قعدت موظفة ماك عشان المحاضرة تمكيجها ونشوف شلون طريقة وضع المكياج ..
كرسي ماك ...
البريك مكان الكوفي والسناك راجعه لكم
يتبع ..
:rolleyes::rolleyes::rolleyes:
