اللهم صل على محمد و آل محمد ..
ابدأ تقريري بتوجيه جزيل الشكر الى العزيزه العضوه ( انثى )
على تعبها معاي و مساعدتها لي في فترة تجهزاتي ..
و اقول لها الله يخليج لي ولا يحرمني منج يا الغاليه ..
و الله يقدرني و ارد لو حزء من تعبج معااي ..
و ثاني شي اشكر كل من ساعدني في تجهيزاتي و خصوصا بنات تجمع عرايس البحرين الي
جننتهم بأستفسارتي و ماقصروو معاي ..
و الحين نبدأ التقرير الي اتمنى ان يعجبكم ..
ملجتي كانت تاريخ 25 - 4 - 2010 ..
قعدت ع الساعه الـ9 , سبحت و جهزت اغراضي الي راح اخذها معاي الصالوون , لأن كان
موعدنا مع الشيخ الساعه 11 يجي ياخذ الوكاله ..
ع الساعه 11 و نص وصل الشيخ و اخذ الوكاله مني ..
\
\
\
\
\
الساعه 1 توجهت الى الصالون و في نص الطريق تذكرت إني نسيت الفستان ..
بس اختي كانت بتجي نفس الصالون اتصلت فيها عشان تجيبه معاها ..
اول ماوصلت الصالون ابتدت الفلبينيه تسشور شعري ..
سويت شعري بف وويفي ..
تقريباً مثل هذي الصوره , بس انا كان افخم :D
و المكياج بما ان فستاني كان اخضر & وردي ..
كان مكياجي اخضر و وردي ..
الكل عجبه الميكب و الشعر و اثنى عليه ..
و للأسف ما حصلت صوره تقريبيه في النت للميكب ..
فستاني كان من السعوديه من الجمعه سنتر ..
كان لونه اخضر ووردي شيفون و فيه دانتيل في الصدر الصوره مو متواجده عندي , و اول ما تتواجد بخليها في التقرير ..
الاكسسوار لبست تراجي ذهبيه بفصوص رينبوو , كانت حلوه و مميزه
و خاتم و اسواره ..
و خاتم و اسواره ..
و اول ما تتوافر الصور ان شاء الله رح اضيفها
نجي للسفره ..
تعبت و انا ادور في النت سفرة تكون راقيه و نعوميه ..
ما كنت ابي فيها حركات و الوان وايد ..
و بعد عناء و جهد جهيد استقريت على سفرتي ..
اتصلت في البنوته و كان تعاملها راقي و رحت عشان ادفع الفلوس ..
صراحه يا بنات اتعب و انا اقول البنت ذوووق تعامل و اخلااق و شغل راقي و مميز ..
و الوحده تحس نفسها و هي تتتعامل معاها إنها ماراح تحصل احسن من شغلها ..
ارتحت في التعامل مع البنوته وااايد , و عجبني شغلها , و كل الي شاف السفره عجبته ..
و البنت موجوده معانا بالمنتدى و اي وحده تبي رقمها تدز لي برايفت ..
نرجع الى محور حديثنا خخخ ..
جت البنت و ركبت السفره قبل بيووم , و هذا شي عجبني صراحه عشان افتك ولا احاتي و انا
في الصالون يوم الملجه ..
كان السفره مثل لون فستاني اخضر & وردي
و الخلفيه شيفون ابيض + و عليها قطعه صغيره خضره في الوسط و نازله من الاطراف ..
و هذي صور السفره ..
هذي صوره كامله للسفره على اضواء الليتات ..
و هذي من الجهه الثانيه
و هذي صور الى بعض التوزيعات ..
الي حبيت تكون انها متنوعه بين الصغيره و الكبيره و يكون تزيينها جداً بسيط ..
التوزيعات كانت من عندي و حتى التغليف انا الي غلفتها , بس البنت عندها توزيعات الى الي تبي ..
التوزيعات كانت من عندي و حتى التغليف انا الي غلفتها , بس البنت عندها توزيعات الى الي تبي ..
التوزيعات الدائريه الفضيه كان داخلها بخوور عود ..
هذي البوكسات البيضه كان داخله جوكلت & ورد مجفف
هذي التوزيعه كانت عباره عن تحفه كرستال داخله علبه انيقه ..
التوزيعه الشفافه كانت شموع و المغلفه كانت برواز ..
هذي التوزيعه كانت بوكس موجود فيه عطر + شمعه + فواحه حلوووه ..
و أخيراً العطور الكرستاليه عبيتها بعطر بلاك اكس اس + ريتشي ريتشي + فلورا ..
وصلت البيت الساعه 8 من الصالون , و البيت كان شبه فاضي لأن العشاء كان في الماتم الي قريب من البيت ..
و كان في البيت طاوله موجود عليها الحلويات , نسيت اصوورها :D
و ع الساعه 9 بدت الناس تجي و تبارك ..
الجو كان حليو و اهلي و اهل المعرس استانسو و رقصوو
خلصنا من الحفله الساعه 12 و رحت استيديو سكوب عشان التصوير ..
ماكثرت في الصور لأني تعبت من التصوير الي في البيت ..
و بعد التصوير رحنا ندور مطعم عشان نتعشى لأني كنت ميته جوووع لكن المطاعم كلها مقفله في هالوقت , و مالنا الا مطاعم الفاست فووود ..
كان يوم مميز جداً في حياتي و الله يرزق العزابيه يااارب ..
و الي يعجبها تقريري تدعيلي دعووه حلووه
و انتظروني بتقارير القادمة ان شاء الله ..
F: