- صلوا على النبي -
قبل الحنه بيوم جت صديقتي فديييتها وسوت لي سفره ناعمه , مع انه الشيخ ما بيعقد يوم الحنه بس قالت لي بسوي لج سفره كديكوور لحفله الحنه F:
هني يم حوض السمج فيه توزيعات فيهم بخوور وشبه
وهذا البيض اللي انتظروووتنه طويلا هههههههه :lol:
**
تاريخ 19-5-2010 يوم الاربعاء كانت حفله حنتي
وحنايتي زينب من مدينه حمد
العصر على الساعه 4 جوا الحنايات اللي بيحنون اهلي , كانوا ثلاث حنايات ام خليل وام عبدالله والثالثه اسمها زهره
بدوا يحنون اهلي من عصر للمغرب بعدين ام خليل وام عبدالله مشوا وظلت زهره مسكينه تحني الجماعه اللي ظلوا لليل
قبل اذان المغرب دخلت وتسبحت وماما سشورت شعري وعقب سويته ستريتر وصليت , ومن عقب الصلاه مباشره حطيت لي ميك اب خفيف
كنت بلبس ثوب نشل اخضر فكان الشدوو اخضر وذهبي نااااعم ورسمت عيني من فوق بالكحل وحطيت داخل عيوني كحله بعد وحطيت مسكرا جفنشي كثفت رموشي كاني مركبه رموش ;)
وحطيت بلاشر بطيخي وروج بطيخي على وردي وطلعت نعوووميه حدي :adore:
عقب ما خلصت ميك اب لبست ثوبي النشل
والقبقب اللي على الراس
ولبست فوقه المشمر الاخضر تبع الثوب
ولبست تراجي ذهب , وسويره ( بنجري )
كان ستايلي تراثي بحت
وطبعاً طول ما كنت اتعدل كنت منخشه في الحجره وقافلتها عشان محد يجوفني يازعم هههههه :lol:
وصلت الحنايه الساعه 8 وخبروني عشان اطلع , تعطرت وطلعت للصاله قاموا كلهم يصفقون ويغنون ويطلبون على دبه الماي هههههه لين وصلت للـ كوشه تبعي
وكانت عباره عن دوشق ومساند خضران وبس قعدت بدأت الحنايه تحني رجولي اول وهذا جزء من الحنه
وعقب ما خصلت من رجولي بدأت في اياديي وهذا جزء من الحنه
طول ما كانت الحنايه تحنيني كانوا هلي يصفقون ويغنووون وعندي عماتي حافظين اغاني مال لول واللي يرقص فصار الجوو فن ,,
عقب هدأو شووي لانه بيحطون العشى هههه كان العشى خفايف ومعجنات ومعكروونه وهالسوالف
عقب ما خلصوا العشى ردوا رجعوا بيغنون , الا رن الجرس ههههه < بالتفصيل الممل :p , انزين الا هم اهل خطيبي وما كنا ندري انهم بيجون ..
كانوا جايبين الدزه وهذه عاده العجم يجيبون دزه العروووس قبل الحفله بيوم وجان يقوم التصفق والتطبل مرة ثانية ههههه وصلوا لعندي وخلوا الدزه صوبي وكانت عباره عن صندووق مبيت فيه اغراض ,, وسله عوده فيها عطورات ولوشنات وبودي سبري وهالسوالف , وسله ثانية فيها الميك اب , وسله ثالثه فيها صبغ الاظافر كذا لوون وكلهم مغلفين ومزينين بنفس اللون , المهم خلوا الدزه وطلعوا مشمر اخضر من عندهم يشبه مشمري تقريبا وغطوني فيه وفلتوا عليي حلاوة ومشموم وبيزات
وعقب حطينا لهم العشى , تعشوا ومشوا ما طولوا عندنا وشوي شوي بدت الناس تمشي لانه تاخر الوقت وحنايتي ما خلصت الا الساعه وحده ونص تكسرررت حدي حتى اهي تقول لي تاخرت فيش واجد بس مسكينه غربلتها كل حين اخليها توقف واسلم على الاوادم اللي يجوون بس كانت حليوة وحبابه وتسولف وياي وحنتني بـ 45
وبسس مشيت وحده ونص وانتظرت نص ساعه على ما تنشف الحنه ونمت على الساعه ثنتين ,, والساعه 4 قعدت اغسل الحنه عشان اصلي
وهني يبدأ يوم ثاني ( 20-5-2020 ) الا هو يوم الحفله ,, وبحطه لكم في تقرير ثاني
وماسمح لاحد ينقل الصور لمنتدى ثاني :)