كثير سالوني شو سويت عشان احمل.... تعالوا اقولكم قصتي

السلام عليكم ورحمة الله وبركاته

الحمدلله بفضل من الله ومنه رزقني ربي بالحمل بعد تقريبا 3 سنوات

قصتي

بعد ما تزوجت بفتره مثلي مثل اي بنت اشتقت للاطفال بس شفت ان المساله متاخره وما صار شي


وبديت معاناتي مع الدكاتره


الكل اجمع ان مافي اي سبب يمنع الحمل من الطرفين وعشان ما ننتظر >> استغفر الله ما كان كل شي مقدر ومكتوب << خذت كلوميد والي سبب لي تكيس ويالله تعالجي من العله الي جبتيها لنفسج


وطول هاي الفتره امي تحذرني اني ما العب بنفسي وانا اذن من طين واذن من عجين والي ما يسمع كلام الكبار ما غير يندم


بعد سنه ونص تقريبا قررنا نسوي تلقيح صناعي وسوينا وما نجح رب العالمين له حكمه

بعدها بكم شهر قلت بعيده جان الدكتوره تعطيني جرعه زياده من المنشطات هيجت لي المبايض

تخيلوا 4 شهور والمبايض مليانه بويضات مثل عنقود العنب رحت عند كذا دكتوره ينصدمون ان بعد كذا شهر ولا زال متهيج يقولون لي احمدي ربج لان غيرج جسمهم يصير كله ماي في هاي الحالات وترجعين تعالجين مشاكل ثانيه


حمدت ربي وقلت شكله موب خير لي لان مره قبل كنت بسوي وخذت الادويه وصارت امور ما قدرت اسوي التلقيح


الموهييييم

وحده ويانا فالدوام صار لها 7 سنوات ما حملت وكله في ضغط نفسي من الدوام ومن مشاكلها مع المسووله

اول ما استقالت وقعدت فالبيت ثاني شهر على طول حملت

الي ابا اقوله ان الراحه النفسيه اهم شي اذا الوحده تبي تحمل



حملي

حجزت عند دكتور خلاص عشان اسوي اطفال انابيب ع شهر خمسه سبحان الله انا شو اخطط وربي شو مخبي لي

وامي تقولي لا انا مو راضيه اصبري وبتحملي وانا اقولها ما ابي اقعد لين اوصل الثلاثين >>>> استغفر الله



المهم ام زوجي دايما تلح علي اني اروح لحرمه عشان امسح بطني خص ان بناتها وزوجه ولدها الثاني ما حملوا الا بهاي الطريقه


قالت لي لا تروحي الا رابع يوم عشان اول ايام الدوره يكون الرحم نازل ولما كلمت الحرمه قالت تعالي 2 يوم


انا احترت وقلت الخيره فالي يختارها ربي وسبحان الله صارت ظروف عند الحرمه ما قدرت تستقبلني الا رابع يوم لوووووول شوفوا تدبير رب العالمين



مسحت على بطني وسوت لي حجامه على ظهري بس حجامة هوا مش دم وقالت الرحم مايل تعالي باجر بشوف اذا تحسن او لا ورجعت لها ثاني يوم وقالت وايد احسن وسوت لي نفس الحركه مره ثانيه وقالت ما يحتاج ارجع بس هيه تسوي 3 ايام الاغلب الحريم بس انا قالت لي ما يحتاج

تاخرت الدوره عن موعدها

رحت حللت وانا ابدا مش متفائله عشان افتك من حشرة امي

خص ان زوجي كان مسافر ايام التبويض فكنت مطنشه

المهم طلع مافي حمل رجت البيت وانا مش منصدمة


بعد اسبوعين بديت احس بالم اسفل بطني كان الدوره بتنزل وما تنزل لمده اسبوعين ياربي شو هذا شي غريب اول مره يصير وانا اعرف ان هذي من اعراض الحمل بس ما ابغي اتامل

رحت عند دكتورتي اقولها الدوره ما نزلت وانا امشي واسوي واتعب نفسي عشان تنزل مافي فايده وقلت لها لما صار جماع نزلت كمن قطره ووقف هنيه لما سمعت هالكلام اصرت اني اعيد التحليل وانا اقول شو هاي الهبلا اقولها موب حامل



اول ما عطيتهم الدم قلبي نغزني يا بنت يمكن حامل والفحص ما ياخذ نص ساعه تموا ساعتين لين جابوا النتيجه وانا اقول بيني وبين نفسي يا ربي ليكون حامل اول مره يتاخرون

اقول لالالا حامل من وين توني من اسبوعين فاحصه ولا هي ايام تبويض ولا بطيخ

وتذكرت قصة المراه مع نبينا موسى وتميت اقول وانا انتظر يا رحيم يا رحيم يا رحيم



وسبقت رحمت رب العالمين كل شي حاااااااااااااااااااااامل


سبحان الله بكيت في نص العياده بكى حاااااااااار ما مسكت نفسي يا ما تمنيت اسمع هاي الكلمه والله اكرمني وشملني برحمته



المرضى يقولون حق الدكتوره في وحده تبكي برا طلعت لين عندي وتحظني وتبوسني وتقولي والله صليت لج ركعتين وتميت ادعي لج

سبحان الله سبحان الله سبحان الله


والله يا بنات لا عمري شربت خلطات ولا سويت اي شي من الوصايا الي يقولوها

لاني حاطه في بالي ان رب العالمين لما يريد ما يحتاج سبب


ريحوا بالكم ولا تفكرون وايد هذي من اهم الاشيا والزموا الاستغفار

والله يا بنات ربيعاتي وبنات العيله كلهن من بعدي وما شاء الله عيالهم قدامهم بس وربي شاهد عمري ما حسدت ولا وحده فيهن بالعكس افرح لهم

هم يخافون يقولون لي انهم حوامل ع بالهم باحسد بس ما يفهمون ان هذا رزق وكل انسان بياخذه متى ما الله راد في اليوم والساعه




يارب يثبت لي حملي ويتمه على خير وعقبال الكل يارب