بنات ساعدوني بدون تجريح الله يخليكم\

عني تبينه يرجع للبت ولا تبين تعتذرين؟

ابيه يرجع انصحوني الله يخليكم

المشكله هو جال لي ماابارد الا لو اعتذرتي وسكر بويهي الخط
كيف اعمل :'(^o)

وينكم ماحد رد عليه انا بحاجه لكم ردو الله يخليكم

طيب بسيطه يا اختي اذا انتي عارفه انك غلطانه ليش ماتعتذرين؟

لا تعتذريه له خله يولي بالطقاق و اذا توفى وهو زعلان منك لاسمح الله بعدين الطمي خدودك ولومي نفسك طول عمرك كذا تكوني عين العقل !

احسن موو؟

انا مااحب اعتذر له علشان لايشوف حاله بعدين ويتعود ابيه يحس انه هو الي زعلني مو انا الي زعلته بس انا جلت لكم انتو انه انا الي زعلته عارفه كيف اختي الغاليه مابيه يحس اني انا الي مزعلته ابغاه هو الي يتاسف انه هو الي زعلني اوووووووونه:o
ابغاكم تعطوني نصيحه كيف اقدر اخليه يرجع ويتاسف لي شو اعمل مثلا امثل اني مريضه والا شو؟؟؟

مع انه المشكله الي صارت مو كبيره بالعكس صغيره وتافهه بعد
بس هو يكبر الامور دايما

انا ماني شايفه اي مشكله اذا كنتي عارفه انك انتي الغلطانه ليش ماتعتذرين؟؟ امتناعك عن الاعتذار وتعريض اسرتك لمشكله انتي في غنا عنها كله بس عشان ما تعتذرين !!! هذا نوع من انواع الكبر واعياذ بالله!! وهذا هو الي طلع ابليس من رحمه الله يوم منعه كبرياءه انه يسجد لادم وقال انا خير منه خلقتني من نار وخلقته من طين !!! ايش استفاد الحين؟؟؟

يقول الرسول صلى الله عليه وسلم لايدخل الجنه من في قلبه مثقال حبه من خردل من كبر !!!

مافيه شي اسمه انا ما احب اعتذر !!! لان هذا من الشيطان !! الواحده لازم ماتترك نفسها ع هواها !!

أختي لحظة شوية أبغاك تركزي معي
أنتي ملاحظة وش جالسة تقولين ؟؟؟؟

لاحظي معي
"وانا الي زعلته وانا انسانه ماحب اعتذر لاحد"

وبعدين تقولين
"انا مااحب اعتذر له علشان لايشوف حاله بعدين ويتعود ابيه يحس انه هو الي زعلني مو انا الي زعلته"

أختي بذمتك هذا كلام مراة عاقلة ؟ اسمحيلي يعني عقلي وقف هنا مافهمت وش تبغين الحين بالضبط؟؟؟

تبغينه يعتذر لك اقولك عيوني اختصرها عليك مابيعتذر واجلسي انتظري وخلي الفجوة الي بينكم تكبر واعطي للناس الموسوسين الي حوله يدرون انه زعلان منك ومايكلمك وبيقولون له عرس عرس عرس عرس
لي حط الفكرة ف باله مابيبقى لك لا قلبه ولا عقله لان موال ثاني دخل بينكم انه يتزوج عليك
وقتها ماينفعك شي
واجلسي علشان موضوع تافهة مايسوى تخربين بيتك
وترا الرجاجيل موال التعدد ف بالهم من يتزوجون يبغون بس الاشارة وعلاقة يعلقون عليها افعالهم

{ نور الـ ع ـرب };12119946:
لا تعتذريه له خله يولي بالطقاق و اذا توفى وهو زعلان منك لاسمح الله بعدين الطمي خدودك ولومي نفسك طول عمرك كذا تكوني عين العقل !

احسن موو؟

والله ضحكت من ردك اختي :lol:
اااااااااختي اذا انتي تحب زوجك وزوجك يحبك رجعي اعتذري منه
يوم هو يعتذر ويوم انتي ترا مافيها شي
هذاااااااااااااااااااااااااا زوجك
وبعدين انتي قلتي انك ابدا ما اعتذرتي له
صدقيني ب هالاسلوب بتخليني ريلج يكرهج انتي على بالج ب هالطريقه ريلج بيمووووووت فيج لا عيوني انتي بكذي بتخلين ريلج يدور على وحده غيرج
بيقول شو ابا في وحده ما تحترمني
تغلط علي وما تعتذرررررررررر
يعني بصراحه انا اسميها تكبررررررر
وتخيلي لا سمح الله ريلج مات وهو زعلان والسبب ان حضرتج ما تبغين تراضينه
وقتها شو بيكون مووووووووووووقفج
حبيبتي تعوذي من الشيطااان
وطرشي لج مسج حلوووووو لريلج
واذا ما تبغي تعتذري لا تعتذري
بس بحط لج بعض المسجات الي فيها كلام حب ورومنسيه
وبعد ما ريلج يرضى ما ابغيج تناقشيه في الموووووضوع لانه تافف
وبعد ما يرضى استقبليه باحلى لبس وعطري المكان
وحطي كرت على السرير قولي له احبك
وصدقيني راح ينسي كل شي
حبيبتي هذا ريلج مب واحد غريب
=========
هذي بعض المسجات الحلو لعيونج
=========
سطرت أحروف المحبه غـلا وأشـواق
للغالي اللي وسط القلـب ماأخـذ محلـه
ناديتكـ حبيبي لا تتـركـ القلـب يشتـاق
هات الفـرح والبعـد مـا أقـواه خلـه
يانبض شعري يااسم داخل القلب خقـاق
أنت الحبيب اللـي قلبـي مايـوم ملـه
لوأكتب أحساسي تضيـق بـه الأوراق
أنت الشعر وريح العطـر و الغـلا كلـه
------------
سأرسم حدودي على
خارطة عمركِ
&& فعشقكِ &&
وطن لاحدود له
لاأحد سواكِ على قلعة قلبي
سأنصب خيامي فوق
واحة عينيكِ
وأغرس أعلامي في
ظلمات ذاتكِ
وأزرع ورودي في
تربة دمائكِ
وأكون لاجئاً عاطفيا
إلى وطن أحضانكِ
-----------
هذي بعض المسجات
اذا تبغي اكثر كتبي في جوجل مسجات حب
وبيطلع لج
للامانه انا المسجات خذيتها من موقع

استغفرى الف مرة بنيه انك تصلحى امور بيتك

الحل بيدك يا اختي

اعتذري ولا تجعلي الكرامه حاجز بينكم .. ان كان خطأك فاعتذري

ماهي مشكله لا تعتذرين بس توقعي يدور له قلب احن من قلبك عليه يشكي له ويداوي جروحه,وياكثرهن اللي يدورون واحد مكسورخاطره,تعوذي من ابليس وتعذري من ابو عيالك واحتويه بحنانك,وتنازلي شوي واغمريه بالحب تحطينه بجيبك,يالله قومي دقي عليه وخلي الكبر عنك,ودمتي بود.

ياااختي الكريمه
مافيها شي اذا اعتذرتي
وبعدين هذا زوجك هو جنتك ونارك
الرسول صلى الله عليه وسلم ماوصانا كذا
بعدين الدلع الزايد والثقل والله مو زين
بعدين اكيد زوجك يحبك
يعني معقووووله مايستاهل انك تعتذرين له


هل سمعت بالحديث الشريف عن الرسول الأكرم ( لو أمرت أحداً أن يسجد لأحد لأمرت المرأة أن تسجد لزوجها )

الحديث يدل على عظم حق الزوج على زوجته و على لزوم طاعته .

فشوفي اختي الكريمه هذا الحديث الشريف

انا انصحك انك ترسلين له رساله مررررررره حلووووه
تحمل اعتذرك له ولو بعد تهدينه هديه يكون احلى

والله يوفقك انتي وياه