عملت الاسبوع الى فات كشرى مصرى وطلع روعه بجد فقولت لازم لاخواتى فى عروس
اول حاجه نقيت العدس والرز ونقتعتهم فى الميه
علشان مياخدوش وقت على النار ويستوا بسرعه
وقطعت البصل بالشكل ده
وبعد كده حمرت البصل حطيت فى الحله زيت
وفضلت اقلب فيه لحد ما اتحمر وطلع بالشكل ده احنا بنحبه متحمر اوى
وبعد كده فى نفس الحله الى حمرت فيها البصله حطيت على الزيت الى فاض ميه
وسبتها تغلى واول لما غليت حطيت فيها العدس
وسبته يستوى شويه وبعد كده شوفته لقيته قرب يشتوى حطيت الملح ونزلت عليه الرز وقلبتهم
لحد ما شربوا الميه ووطيت عليه واستوى وده كان شكله
وعملت الصلصه
ضربت الطماطم فى الخلاط
وحطيت فى الحله شويه زيت
واول لما الزيت اتقدح
نزلت فيه التوم المدقوق وفضلت اقلب فيهم لحد ما اصفر شويه
وبعد كده حطيت عليه الخل
ونزلت الطماطم ومعاه ملح وفلفل وحوالى معلقتين كمون
وللاسف معلش نسيت اصورها لما استوت
وبعد كده عملت المكرونه
حطيت الميه تغلى وحطيت فيها نقطتين زيت وشويه ملح صغيرين
واول لما غليت نزلت فيها المكرونه الاسباجتى علشان بتاخد وقت شويه عن المكرونه الصغيره
ولما قربت تستوى نزلت عليها المكرونه الصغيره
وده شكلهم لما استوا وصفيتهم
وده كان طبقى
حطيت الاول الكشرى
وبعد كده المكرونه وعليها شويه شطه
وعليها الصلصه
وبعد كده حطيت البصل وقدمت معاه خيار مخلل
وده كان شكل الطبقى فى الاخر
اتمنى الموضوع يعجبكم ومحتاجه دعواتكم ان ربنا يفك كربى ويرحم والدى هو وجميع موتى المسلمين
