بعد الولاده.. (خياطه جراحيه، التهاب، انتفاخ بالبطن).. أحتاج مساعدتكم..

ريح العطر;12101659:

هلا اخواتي العزيزات

من غير مقدمات

انا بكريه ولدت بـ بنوته (الله يبارك فيها) صار لي شهر تقريبا

ولدوني بطلق صناعي :(

اثناء الولاده سوولي شق ووسعوني

اخر دفعه طلعت البنوته مره وحده (دفعه وحده)

تقريبا دفعت 3 الى 4 مرات

كان وزنها 2.300

بعد ما ولدت حاولن الممرضات يخيطن الجروح بس شكل الموضوع تعسر عليهن وخبروا الدكتوره وجات وكشفت علي وقالت "عمليه" :thumbs_down:
الف مبروك
العمليه خذت 45 دقيقه تقريبا تحت التخدير الكامل

كان فيه نزيف وخرجت من العمليه وانا ارجف وحلقي يابس وقالوا ان ما اشرب ماي مدة نص ساعه :sick:

نوموني عندهم 5 ايام وفي هالايام عطوني حبوب (حديد + مضاد حيوي + مسكن الام + يورال + تسخين المنطقه بالليت)

كان فيني الم من تحت لمن اجلس بس اقدر اتحمله ولكن سرعان ما اغير جلستي واحيان تجيلي الام اسفل بطني وظهري وتروح
عادي حبيبتي من شد الخياطة
راجعت الدكتوره بعد اسبوع وقالت كل شئ تمام

بعد اسبوعين ونص تقريبا طاحوا خيطين

وبعدها حسيت بأن الالم من تحت زاد وفيه حكه بسيطه ونغزات

رحت عند دكتوره ثانيه وكشفت علي وقالت ان الخياطه صعبه وان هذا النوع من الخياطه يسووه للولاده الرابعه او الخامسه... مش من الولاده الاولى مثل حالتي!!! وكان شكلها راحمتني

وقالت ان عندي التهاب ووصفت لي (fasigyn + dalacin, vaginal cream) ووصفت لي فيتامينات

قلت بشوف ويش سر هالخياطه وجبت مرايه وشفت ان الخياطه داخل المهبل وان هذاك الخيطين كانوا خياطه من الخارج وبصراحه ما اعرف كيف لازم يكون شكل المنطقه الطبيعي علشان اقارن

لا زال دم وافرازات النفاس مستمره حتى اليوم

حبيبتي فالليل قبل النوم اجلسي في مغطس ماء دافيء مع ملح ونشفي المنطقة وبعدين خوذي الالويز العادي وصبي عليه زيت زيتون كمية بسيطة والبسي ملابس داخيلة مريحة سويها كل وم فالليل ترتاحي من الالم والالتهابات-----------------------------------------

عنايتي:

1. ملتزمه بالادويه ما عدا dalacin, vaginal cream لاني اخاف احط كريم داخل المنطقه (من الداخل) خاصه بعد ما شفتها

2. اتغسل بماء دافئ (من الخارج فقط)

3. اجلس في ماء دافئ مع ملح

4. انشف المنطقه بالمناديل في كل مره
احسن شي نشفي بمنشفة ناعمة نفس مناشف الاطفال احسن المناديل
-----------------------------------------
اسئلتي:

1. هل صار معي تمزق داخلي؟ وجروح في اماكن كثيره؟
ممكن ايصير وخصوصا فالولادة الاولي من قوة الدفع
2. هل العمليه اللي سوولي اياها عمليه تجميليه او عاديه؟ وهل لها مضاعفات في المستقبل؟؟
عملية عادية وان شاء الله لايوجد ضرر
3. هل لها تأثير في الولاده القادمه؟؟
لامااعتقد
4. هل بيأثر في علاقتي مع زوجي؟؟
لامااعتقد
5. هل فعلا فيني التهاب؟ واذا ما عالجته ايش بيصير؟؟
الالتهاب ضروري يتعالج والحكة دليل وجود الالتهاب
6. متى بتطيح الخيوط الداخليه؟؟
بعد 10ايام وممركن اسبوعين
7. هل اقد امارس حياتي طبيعي؟ يعني اطلع من البيت واجلس وامشي؟؟
مارسي حياتك الطبيعة لكن دفي نفسك واتحركي في حدود المعقول
8. كيف اتخلص من الكرش بعد الولاده؟؟ لاني قريت ان مستحيل ارجع مثل اول وان مستحيل يرجع الخصر، هل الكلام هذا صح؟؟
بالاكل الصحي والرياضة
9. اريد نصائحكم وتفسيراتكم وشو رايكم بحالتي؟؟
------------------------------------------------------

هذي قصتي وهذي اسألتي، اتمنى تساعدوني
لان فعلا الموضوع مأثر على نفسيتي
اعذروني بس انا بكريه وما اعرف شئ ولا عندي خبره
بانتظاركم اخواتي ولو نصيحه

بارك الله فيكم