ضاق صدري من جو البيت وصرت اكــــره غرفتي...

حبيبتي اول شي لازم ما تدخلين ع مراجعة الامتحانات بنفسية مكتئبة حاولي تقولين لنفسج راح انجح وسوي اللي عليج والباقي على رب العالمين ولا يضيق صدرج تراهي الدنيا ما تسوى جي
ومن ناحية تغيير الغرفة اول شي لازم تعلقي لج بالطوفة آيات قرآنية تشرح لش صدرج وتوفقش ومن ناحية اللمسات حطي لج باقة ورد طبيعية وتطلع لش ريحة ومنظر حلو او اذا بغيتي تحطي لش التيب اللاصق ع جدار الغرفة في وسطها بعد فكرة بسيطة وحلوة واختاري الوان تهدئ النفسية مثل السماوي أو الاخضر الفاتح او حطي لش شموع ونتي تذاكرين وغيري مفرش السرير او حطي لج مناظر طبيعية
وطبعا ادا بغيتي افكار حلوة في وااايد بس اكيد بتكلف شوي
وأهم شي رتبي مهامج والاشياء اللي تتذكرينها حطيها بورقة وثبتيها بمغناطيس ع سبورة او شي
وتقبلي مروري ...

غيري الاكسسورات والمفرش وحطي اظائات وشموع فواحة او بخري الغرفة بريحة حلوة تفتح النفس او اخذي اوراق ملونة وقطعيها على شكل ورد ولصقيها على الجدار وجيبي ورد صناعي وزيني فيه التسريحة والكمدينو والسرير

واذا تقدري غيري محل الدراسة مو لزم في غرفتك درسي في الصالة او المجلس او غرفة الطعام اذا محد فيهم وهدوء المحل ومعنه الجو حااااار بس بليل او الفجر قعدي بالحديقة او فوق البيت ولا طلعي حديقة او كرنيش او بحر غيري جو ودرسي لا تضغطين على روحج وايد وتقعدين اكثر من ساعتين في الغرفة تدرسين خذي لج بريك لو نص ساعة سوي رياضة في هالوقت اكلي لج سويت يعطيج طاقة ولا عصير يبرد على قلبج حاولي تخططين جدولج عدل اخذي ورقة وقلم وكتبي من اول ما تعطلين الى الامتحانات الى اخر يوم امتحان متى بتدرسين المادة الفلانية وكم يكفيج من وقت
واذا منكتمة من البيت روحي قبل الامتحان بساعتين ثلاث وقعدي في فصل بروحج ودرسي