كيف الحال .. وكيف الاحوال ..
هذه الموضوع اهداء لصديقـاتي الغـاليــات في تجمــع امهــات وحوامل سلطنة عمان
.
.
.
وللعزيزة سيدة القوم .. وان شالله يسعدها ويبارك فيها وفي بنوتتها الغاوية
.
.
.
الطبخـة اليوم حلوة ولذيذة وحامضة وحارة ههههه
.
.
.
هذه الطريقة اخذتها من زوجة خـالي بـارك الله فيها
تعبتها معـاي ومن كثرة اتصالاتي .. وبصراحـة لذيذة لذيذة
وع قولة زوجي ما نحتاج نشتري من السوق :D
.
.
.
طبقي اليــوم اتشـــار الامبــا (( المانجو))
.
.
.
طبعا بما ان الامبـا موسمه الحين ..
وعندنا بالسلطنة بكثرة ما شالله ما شالله
بس لاسف بعض النـاس استغلوا هذا الموسم وصاروا يبيعون الامبا بسعر مبالغ فيه :mad:
الله يسامحهم
.
.
.
بس نحن ضد الغلاء دايما << اش دخل هههههه
.
.
.
نجي للمكونــات
امبـا عمـاني ((لانه يتميز بالحموضة والاخضرار الحلو والطعم الاسع))<< ابو التعبير :thumbs_up:
اقطعه شرائح طويلة . وارش عليه ملعقة ملح
واخلي في مشخل ساعتين او اكثر علشان يصب منه المـاي
.
.
.
البهـارات صحيحة اللي تعطي طعم وااو للاتشار ((طبعا القياسات والمقادير ع ذوقك .. بس لا تكثري منهم كثير يكفي ملعقة او ملقعة ونص))
((يانسون+ باربريكا+ حلبة مطحونة+ حبة البركة+ فلفل احمر مجروش+ كمون + حبق + ملح))
نخلطهم مع بعض ونخلي ع صوب
.
.
.
حبوب الخردل .. هذه اساسية في الطبق ويعطيها منظر حلو وجذاب
.
.
.
حلبــة حب .. نغسلها ونخليها في شوية مـاي لمدة ساعتين او 3 ساعات
.
.
.
فلفل اخضر حار ((اختياري)) اذا تبي الاتشار يكون حار بزيادة
بصراحة هذه كانت زيادة من عندي :D بس فعلا فعلا كان طعمها مع الامبا غير غير غير
امس طول اليوم وانا فمي واالع من الفلفل ذا
.
.
.
نص كوب خل
لكن لاسف ما كان عندي خل ونسيت اشتري
فجازفت واستخدمت ليمون بدال منه
وكنت خايفة لا تخترب الوصفـة ..
بس ما شالله ما شالله .. حل محل الخل وبقوة بعد
.
.
.
علبة كبيرة وواسع علشان تحطي فيها الاتشار
تكون مغسولة بيكربونات الصوديوم والمـاي ومنظفة
.
.
,
الطريقــة
في الطنجرة نحط شوي كوب زيت الذرة او زيت الزيتون
ونرمي في الزيت ملعقتين من حبوب الخردل
اول ما يسخن الزيت وتسمعي فرقعة الحبوب ..
انتظري شوي وارمي بعدها الامبـا مع الفلفل الاخضر
قلبي ع طول الامبـا وخلي يختلط مع حبوب الخردل ..
لحظوا كيف ان لون الاخضرار في الامبا بيتغير ويصير اصفر << احلفي :D
هذه نظرة ثاقبــة من قرب
لما تحسي ان لون الامبا تغير . ارمي البهارات عليه
وقلبي عليهم زين زين علشان تختلط البهارات في كل الامبا والفلفل
لما تحسي ان البهارات انتشرت بين جنبات الامبا اضيفي لها الخل << طبعا انا استخدمت الليمون مثل ما قلت
قلبي عليه لمدة 5 دقائق وغطي بالغطا لمدة 5 دقائق غيرهم
علشان تذوب حبات الامبا
هذه نظرة قريبة .. شوفوا شلون شرائح الامبا ذابت
في اخر دقيقة اضيفي حبات الحلبـة وقلبي عليهم وبعدها طفي النـار ..
وظلي قلبي عليهم عدل مدل علشان تتوزع حبات الحلبة بين الامبا زين
بعدها خلي الاتشار يبرد
وصبي في العلبة اللي مخصصة لها وصبي فوق الاتشار ملعقة زيت زيتون علشان يحتفظ بعيد عن الهواء
وهذا غدانا امس
وهذه الاتشار متوسط في العيش
وعليكم بالعافية ومطرح ما يسري يمري
والله يسعدكم ان شالله
وعسى جميع الحوامل الله يسهل لهم الحمل والولادة بأذن الله عزوجل
