النهارده عملت طريقه الكفته لام معاذ ربنا يبارك ليها يارب ويحقق ليها كل ما تتمناه
عمرى ما جربت ليها حاجه وطلعت وحشه ابدا F:F:
ده لينك الموضوع بتاعها الاصلى
http://forums.3roos.com/showthread.php?t=519694
وده تطبيقى المتواضع :o:o
انا بشرت حوالى 3 بصلات وسط وقطعت شويه شبت وبقدونس صغننين
وحوالى بطاطسايه ونص مهروسين
لحمه مفرومه
وبعد كده حطيت عليها البطاطس
وقلبتها فيها لحد ما البطاطس اختفت
وحطيت على البصل والخضره شويه بقسماط وملح وفلفل ورشه صغننه قرفه
وقلبتهم فيهم ونزلتهم على اللحمه
وحطيتها فى التلاجه شويه صغيرين علشان الوقت كان اتاخر على الغدا بس الحمد لله كانت ماسكه نفسها وكويسه
وبعد كده حطيتها فى صينيه شويه زيت
وصبعت الكفته على ضهر المعلقه بالشكل ده علشان معنديش سيخ
ودى كان شكلها قبل ما تدخل الفرن
وده لما استوت مش عارفه للاسف الصورتين دول طلعوا مش واضحين ليه معلش بقى بس بجد طعمها كان خطير وحلوه اوى
سامحونى على التصوير لانه تصوير موبايل والصور مش واضح اوى اتمنى تطبيقى يعجبكم مستيه رأيكم