ايش رايكم بهذه الموضه الجديده؟؟؟؟

السلام عليكم .......هلا اختي ام الزين بصراحه الصغار ماسكين جوالات شي ماله داعي حتى البنات الكبار الى بالثانوي .على اي اساس يعني الاغلبيه صغار وكبار ماخذينه تسليه اكثر من انه فايده وانا رايي انه الصغار والبنات ما يجيبولهم جوالات الا ان كانوا بالفعل حتاجينه ممكن ان كان الشخص لحاله طالع ولا البنت تكون في مكان مثلا عند احد بدون اهلها مثل الجامعه او المشاوير الي الواحد يكون في قمة الحاجة له مو على الفاضي والمليان الجوالات صارت بالنسبه للجميع زي عيالنا.لانه في خصوصيه وملكيه يعني كل شي وقدره افضل ........وشكرررررررا

مرحبااااا انا احب اشارك معكم :)

ولاكن اسمحولي تفكيركم غلط وقديم لانه احنا 2003

يعني عصرر التحضرر يعني عالم جديد هذاا اولا

ثانياا بالعكس يعني انتي كذا تخلين الولد يعتمد على نفسه لاتقولين كيف لانه من جد الولد لابد انك تصادقينه وتعطينه الثقه التامه يعني الجوال تخليه يشوف نفسه انه كبر وكذا راح يحس بغلاطه بتقولين له دايم انت بزر او مايصح هو كذا بيتعقد اما جيبي له جوال وعتبريه انك كبير وحسسيه انك معه وانك منت اقل من غيرك وحطي له حد على المكالامات وشوفي على مين يكلم من غير مايدري يعني راقبيه بتصرفاته من بعيد وحسسيه انك معه بكل شي يمكن لو منعتيه من الجوال بيحس بزعل واشياء ممكن تعبه لاتقولين كل هذا علشان جوال لا بالعكس هذا الجوال يمكن يفتحله مجالات كثيره وخاصه هو وش يفكر فيه تخيلي منعتيه من الجوال واشياء ثانيه سهل ولاكن صعبتيها عليه كذا راح يكون انطوائي فتره وراح يفرغ بفترة المراااهقه اتمنى انك فهمتي قصدي واسفه على كثر الكلام ولاكن حبيت افيد كل وحده عندها والد :)

الله المستعان

شكرا يا ام الزين لطرحك لهذا الموضوع :) والله اني استغرب من الامهات والاباء لما يعطوا اولادهم الصغار نقال اتمنى اعرف ليش ؟ ليش يعطي الاب ولده الصغير الي توه واصل صف الرابع نقال عشان لما يطلع الولد مكان يتصل في ابوه او امه يخبرهم هو وين :rolleyes: ما شاء الله والا عشان يضل طول اليوم يستقبل اتصالات ورسايل والله اعلم الرسايل الي تجيه ايش فيها وبعدين يوم يرسب في المدرسه ينضرب الولد على الاهمال في الدراسه !! والبنت ايش فايدة النقال عندها ولانها صغيره فبتكون طلعاتها قليله من غير امها واذا بغت تتكلم مع صديقاتها ترا تلفون البيت موجود وعلى فكره ترا البنات اذا مسكوا التلفون ما يقففلو الخط الا اذا حد قالهم خلاص قفلوا الخط فتخيلوا اذا تكلمت البنت على النقال كم ساعه بتخلي التلفون على اذنها وخاصه انها صغيره وما تعرف مضاره وعلى فكره انا مره شفت لقاء مع دكتوره وكان عن نفس هذا الموضوع وقالت الدكتوره النقال خطررر على الكبار فما بالكم بالاطفال لانه يأثر على المخ على مرور الزمن وقالت اذا كان ضروري تعطوا اولادكم نقال فلا تخلوهم يحطوا النقال في الجيب (المخبى ) يعني يحطوا النقال بعيد عن الجسم لان له تأثير على بعض اجهزة الجسم يعني تأثيرها يبان يوم يكبر الطفل يعني يا عزيزتي ( يحبونك ) اذا كل ما بغى الطفل شي عطيناه عشان ما يحس انه اقل من غيره اذن ايش فايدة الام والاب نخلي الخدامه تربيه وخلاص لانها ما تخاف لا على مصلحته ولا على صحته وهذا اهم شي الصحه صح والا انا غلطانه ؟
وساااااااااامحوني

مشكوره يا أم الزين 2000

هذا هو التسيب بعينه

أنا عندي أخت زوجي البنت الوحيده من بين أخوانها الشباب وأصغرهم في الصف الثاني الإبتدائي وعندها موبايل. عمتي عاطتنها إياه عشان تتسلى فيه في الإجازه......

نحن لما كنا في نفس عمرهم كنا نلعب بالعرايس ( باربي وجاك ) وبعد العرايس الكبار نمشط شعرهم ونخيط ثيابهم وعندنا صخون وشوك وجدور وغيرها ...
هذي هي الطفوله ...... مو موبايل وفي الأعراس والحفلات يحطولنا روج وهالسوالف

هذيل الأطفال من الأيام يايرين الله يعين يوم بيكبرون

.....

تحياتي
لــــــــــــــورا

بس
اختى يحبونك
انا اختلف معاج بالراى صح احنا 2003 بس مو معناه اهمال عيالنا
يعنى اوكى احنا نصادق عيالنا مثل ما قلتى بس الصداقه مو انى اجيبله كل اللى يبيه من غير حساب علشان بس ما يحس انه ناقص عن الباقى عندك اشياء اهم ومنها انك تعوديه انه مو كل شي يبيه يلقاه يعنى افرضى طلب منك شي وانت ما تقدرين تجيبينه لانه ما عندك الفلوس من وين تجيبين له لان انتى عودتيه اطلب تجلب
لكن اشلون تعلمينه على القناعه
والصداقه مع عيالنا تكون ان احنا نشاركهم تفكيرهم ونوجهم
انا اذكر لما كنت اطلب شي من امى ماتجيبه لى بسرعه تقول ما عندى فلوس انتظرى مع انه عندها الخير ولما كبرت وفهمت عرفت ايش كان قصدها صرت اذا اريد شى انتظر مو لازم بنفس الوقت
واسمحيلى على مداخلتى معاج
شعوله_ام اميره_الزاهيه_loora
اشكركم على ردودكم وانا اتفق معاكم 100%ويعطيكم الف عافيه
والاختلاف فى الراى لايفسدللود قضيه
واحنا نستفيد من الردود
ام الزيييييييييييييييييييين

مرحباا
لاا بعد مو سالفه ان الام ماتبي تقصر على اولادها
هم في سبب 2 وهو ان الامهات يشترون حق عيالهم علشان جارتها او وحده تعرفها عند ولدها موبايل وماتبي ولد هذيج يصير احسن من ولدهن
يعني مسالت تفيخر وبعد علشان يصرفون فلوس ازواجهن :sad: :sad:
:z_bye:
ومشكوور اختي ام الزين على الموضوع