أفكار ومسابقات لحفلة بنتي

انشااء الله الاخواات يساعدونك لان صرااحه ماعندي افكار بخصوص الحفلاات

بالتوفيق انشااء الله

بحاول اجمع لج جم فكره
وبرد عليج في اقرب وقت
لي عوده ان شاء الله

حبوبه بس ماقلتي عمر بنتج عشان نعرف لين ندور لج افكار قد سنهم




انا عجبتني فكره وان شاء الله احاول اسويها في حفله نجاح عيال عايلتنا

واهي البيناتا (دمية الحلويات )


وهذي صوره توضيحيه





ولي عوده عقب ما تقولين عمر بنتج بأذن الله

مسامحه اختي تأخرت عليج بس المنتدى امس كان بطيئ عندي وماقدرت ارد



بالنسبه حق العمر اذا كانو المدعوين في سن بنتج فالمسابقات والالعاب قليله اللي تناسب سنهم
لكن اذا اعمارهم متنوعه فيبت لج جم لعبه نسويهم احنا في حفلات النجاح


1- لعبة الكرات الملونه : اللعبه تصلح حق طفلين او ثلاثه بالكثير و تحتاجين لها حق سطلين فيهم كور ملونه كل طفل له لون معين مثلا الاول لازم ياخذ الكور الحمرا والثاني الصفرا وهكذا على التطفل ان ينقل الكور لين الطرف الثاني والفايز اهو اللي يجمع اكثر عدد من الكور

2- لعبة الجوارب : وهذي لعبه حلوه ماعندنا حفله الا وهاللعبه لازم فيها واهو ان تختارين طفلين وتيبين مجموعه جوارب ولازم الطفل يلبس اكثر من زوج والفايز طبعا اللي يلبس اكثر عدد من الجوارب

3- لعبة اكل الفاكهه :هذي اللعبه سهله واهي كل طفل جدامه صحن فواكه واللي ياكل اكبر عدد من الفاكهه بس ننتبه هني ان الطفل مو شرط يسرع عشان ما يتعورون الاطفال اهم شي الاكل تقدرين تسبتدلين الفواكه بعلب روب

4- لعبة العمل اليدوي : واهي ان تحطين مثلا اطباق ورقيه ومقص بس انتبهي ان يكون مقص بلاستيك وصمغ وممكن صوف وتطلبين من الاطفال يسوون لج عمل يدوي والفايز اهم اللي شغله مرتب وحلو

5- لعبه صندوق الاسرار: هذي اللعبه انا من ناحيتي وايد احبها وتصلح للأطفال وللكبار بعد واهي ان تاخذين صندوق وتحطين فيه شي يناسب سن الاطفال واهم يسألونج عنها وعن لونها ومصنوعه من شنو وجذي والفايز اللي يعرفها

6- لعبة الانبوب : تاخذين الاسطوانه مالت ورق المطبخ او مال القصدير وتحطين اوراق مقصصه لازم الطفل يشفط الورقه بفمه من الانبوب ويوصلها الجانب الثاني

7- لعبة البالون : اللي ينفخ البالون اسرع لين ينفجر اذا اطفالكم يخافون بس اكبر بالون

8- لعبة البالون 2 : واهي انج تاخذين بالونات وتحطين داخلهم ورقه اما يكون فيها سؤال يناسب سن الاطفال المدعوين او حاول مره اخرى او مبروك ربحت واللي عليج انج تقولين حق الاطفال كل واحد يختار له بالونه ويفجرها واهو وحظه باللي يطلع له فيها

وعندج اذا كانو الاطفال معاهم امهاتهم وتبين العاب لهم فهذي جم لعبه


1- لعبة الرسم : بطاقات فيها كلمات مثلا ( بطه - ورده - بيت ... الخ ) وكل ام تسحب مثلا 3 اوراق وتعبر عن الكلمه الموجوده برسمه ولازم الطفل يتعرف على الكلمه من الرسمه

2- لعبة الاشياء المطلوبه : هاللعبه بعد وايد احبها احس انها حماس للأم ولطفلها واهي انج تطلبين شي من الاطفال والامهات يساعدونهم مثلا تطلبين ( ريال - كرت مستشفى - موبايل - مفاتيح سياره - روج ...الخ ) لكن كل مره تطلبين شي واحد والطفل اللي يوصل اول واحد اهو اللي يفوز وترجعين تطلبين شي ثاني واللعبه مستمره

3- لعبه بدون كلام : وهذي اللعبه معروفه للكل واهي تكونين جم فريق وكل فريق يتكون من ام و طفلها وتكتبين كلمات بسيطه تناسب سن الاطفال في بطاقات والام تسوي الحركات للطفل ولازم الطفل يعرف امه شتقصد والفريق اللي يجمع اكبر عدد من النقاط اهو الفايز



وعندج البيناتا pinata اللي قلت لج عنها قبل فكرتها وايد حلوه ويقولون انها تنباع في تويز آر اص

هذي جم لعبه في بالي الحين واذا تذكرت شي غير بكتبه لج

بالنسبه حق التزيين اذا ماحصلتي زينه على هالو كيتي جاهزه
تقدرين تسوينها بروحج سهل تاخذين ورق ملون وتختارين اللون الوردي الفاتح و الابيض
وترسمين وجه القطوه وتقصينه و تخرمين الجنبين وتربطين فيه صوف وردي مثلا وجه وردي مربوط على جنب بصوف وتربطين الجنب الثاني بوجه ابيض وبيكون وجه وردي وجه ابيض وهكذا

وتقدرين تسوين وجوه كبار للتعليق
والصحون والسفره والقلاصات اعتقد متوفرين في كل مكان

ماشاء الله مجهودددددددددددددد رائع
يسلمو يا قمررررررررررر

للحين قاعده افكر لج بألعاب وما قاعده اتذكرهم
بس اتذكرهم بحطهم لج بأذن الله

انا عندي موقع فيه افكار روعه لحفلات الاطفال وان شاء الله تستفيدي منه فيه افكار كثير حلوه ممكن تنفعك
برسل لك اياه عالخاص

والله استفدت من افكارش خيوو يمكن اسويها في عيد ميلاد ولدي ان شاء الله
تسلمين على الافكار
من بعد اذن صاحبة الموضوع واذا عندش بعد افكار والعاب حطيها لينا ومنكم نستفيد

άĻяά7έέĻ άĻмoя ما قصرت ... موفقه يارب

رنادو;12092208:
انشااء الله الاخواات يساعدونك لان صرااحه ماعندي افكار بخصوص الحفلاات

بالتوفيق انشااء الله

معاها ماعندي افكار

أب لعيووووووووووووووونك