شخباركم حبوبات؟
مثل ما وعدتكم اني بحط لكم توزيعات خالتي لزوجه ولدها الله يقومها بالسلامه اهي والبيبي
طبعاً التوزيعات من شغلي
فكره التوزيعات:
ياتني فكره اني اخذ حصالات فخار صغار واصبغهم بلمعه بس
لان التوزيعات بيكونون بالبيج والبني
خليت الحصالات بلونهم مجرد صبغتهم بلمعه
زينت الحصالات من فوق بشريطه متوسطه بالبني وضعيفه بالبيج و ورده بنيه وبالعكس
بعضهم صار الشريطه المتوسطه بيج والضعيفه بنيه والورده بيج
وزعت فصوص بنيه على الحصالات
بديت اشتغل على القاعدات الاساسيه للتوزيعات
خذت فلين وغلفته بورق بني وحطيت عليه شريطه بيج و ورده بنيه والعكس مع البيج
وخليتهم على صوب وبديت اشتغل على البطاقات
خذت اعواد اسنان وحطيت عليهم فيونكه بنيه وبيج والعكس بيج وبني ولصقت نص الفيونيكات شكل عربه صغير بيج
وبعد لصقت البطاقه على العود يمكن ما بتفهمون من شرحي بس مع الصور بتعرفون شنو اقصد
الحين صار عندي كل شي جاهز ما غير اجمع التوزيعات مع بعض
لصقت الحصاله على القاعده وعلى جنب غرزت اعواد البطاقات
واخذت الكاكاو اللي على شكل عملات ولصقت ثنتين على القاعده و وحده في فتحه الحصاله
خلصتهم كلهم والتفت حق الستاند زينته بطريقه بسيطه وايد
خذيت تور ثلاث الوان
بيج وبني ودخلت معاهم البطيخي ولفيتهم على الستاند بتلاحظون الطريقه في الصوره
واستخدمت 3 الوان من الورد بطيخي وبيج وبني واستخدمت اغصان بيج وكل هالاشياء بتشوفون طريقتهم في الصور
على اول رف حطيت دبدوب متوسط باللون البيج عشان يبين ان الستاند حق ولاده بس حسيت ان ما يناسب فكرة الحصالات فلصقت وحده من الحصالات بدون تزيين في يد الدبدوب
عقب الشرح
اخليكم مع الصوره :
الموضوع حصري فقط لعروس و ما احلل اي وحده تنقل الموضوع سواء بذكر المصدر او بدون ذكره
اتمنى يعجبكم :)