غرفة الملابس سيئة وعمرها ماتترتب

سوي مثلي كل اثنين رتبي غرفتك واغسلي واكوي وزيتي شعرك طول ماترتبين بعد ماتخلصي كل شي روحي خذي شور وسرحي شعرك واجلسي وانتي مرتاااحه

الغرفه الي قلتي عنها لزم تخصصين لها يوم لتنظيف والتصفيه والترتيب وبعد ماتخلصين من ترتيبها وتنظيفها حطي لك جدول اسبوعي بحكم انه زوجك يمك اسبوعين وشغله اسبوعين
الملابس الوصخه لزم لهم سله خاصه
خلي الاسبوع الي يكون فيه زوجك بالبيت اسبوع ماافي لاكوي ولاغسيل ولاشي يعني حاولي ثاني يوم تغسلين ملابسه الي معاه والي تبي كوي وقبل لايروح بيومين او يوم نفس الشي لاتخلين الاسبوعين شغل ...موفقه اختي

الوقت اللي زوجج مو فالبيت حاولي تروحين وترتبين اغراضج
مثل ما قالت روز لاااازم سلة خاصة للملابس الوصخة خليلج يوم معين تغسلين فيه
وحتى لما يرجع زوجج لازم بتغسلين هدومه اللي معاه حاولي تخلين كل شي في مكانه
لا يصيدج الكسل الملابس المرمية ع الارض شيليها وحطيها في سلة الملابس الغير نظيفة
اما الملابس النظيفة اطويها وعلى طول فالدولاب حطيلج شماعة لتعليق الملابس بدل رميها ع الارض
وبجذي ما راح تختلط الملابس الوصخة مع النظيفة وموفقة

مثل حالتي بس اما قلت خلالالاص
ونضفته مره عميييييييييييييييييييييييق وسرت كل يوم لانامو كتكوتاتي اشغسل ملابس اليوم واحطهم بالنشاف وعالدولاب واذا احد نزل لبسه او غير عالسله مباااشره ولا ما اكلمه هههههههههههههههههه

شوفي اقلبي انت نفس معاناتي ومشكلتي دايم غرفة الملابس مسببه لي ازمة ...

هذى بعض الافكار ان شاء الله تفيدك
اولا: لازم تحطين لك 3سلات للغسيل وحدة للملابس الملونه
وحده للملابس السودا
وحده للملابس البيضاء
وعلطول من تتوسخ الملابس ترميها في السله ...

ثانيا : بعد ماتنشف الملابس علطول تكوينها وتدخليها في الدولاب (عن نفسي اكوي ملابس زوجي بس اما ملابسي اصفطها بدون كوي ووقت ماابي البسها اكويها ==مااحب الكوي ابدااا)

ثالثا : لازم لازم يكون عندك مكان تخزين (ارفف او جرارات)تحطين فيها كتبك وممكن لو شكله معفوس تشترين صناديق وتحطينها فيها

رابعا : اي لبس تغيرينه علطول على الدولاب او سلة الملابس ==خخخخ علمي نفسك ..الصراحه انا هذا اكثر شي يحوس الغرفه

الله يعينج بس لازم ترتبين الغرفة بالاول والاحسن يوم ريلج محد رتبيها وبعد كم يوم من الراحه غسلي

ومن ثم بعدها بيوم كوي قد ماتقدرين وقتها بتحصلين ماشي ملابس بالغرفة

سوي سلل للملابس المستخدمه الي تحتاج لغسيل وخذي بوكسات للكواي الي تكوينها حطيها بالبوكس وديها

الكبت المخصص لها وقبل لا ايي زوجج بيوم غسلي وكوي ويوم ايي مابيكون عندج كواي ولا ملابس

بس قبل لا يروح الدوام بكم يوم غسلي له ملابسه الي بياخذه معاه وإذا كان بياخذ غيرهن مش نفسهن

كوني مغسلتنهن وكاويتنهت ومبخرتنهن قبل لا ايي

وزعي الشغل

كل يوم سوي شي عشان ما تتعبين وتتمللين لانه بتهلكين اذا سويتي كل شي بيووم وبتكرررررهين الشغل

والله يكووووون بعوونك يارب

قاعده اتخيل الدنيا معفوسه بجد هم الله يعينك ..
سمعي دام زوجك مسافر روحي لبيتك واخذي الشغاله معك
وخليها ترتب وتنظف ونتي ماعليك الا تامرين .. واذا جا زوجك خليه ينبهر ويحسب انتي اللي منظفه خخخ ... وكرري هالطريقه كل ماسافر بكذا انتي مريحه وبنفس الوقت بيتك نظيف