احلام .. وارجو تفسيرها

أختي الكريمه
الحذاء أحيانا يدل على زوج
فالحلم بشارة خير لك بالزواج القريب
وطالما أن جارتكم أهدتك فربما كان هذا الخطيب من طرفها أو شبيه لأحوالهم

والله أعلم

أكتبي أحلامك الأخرى هنا بارك الله فيك ولا تفتحي موضوع جديد

اشكرك اختي على ردك وجزاك الله خير وجعلها في ميزان حسناتك
والحمد لله ان الحلم بشارة خير
فيه حلمين قريبين من بعض وحلمتهم في نفس الفتره تقريبا بينهم يوم او يومين

الاول حلمت انا كنا طالعين للسوق كان فيه احد معاي بس ما اذكرهم من بالضبط بس اتوقع اخواتي وبنات عمي
ودخلنا محل ذهب وشفنا دبلة الماس حلوه كثير وقالوا لي اقيسها وقستها دخلت في صبعي بس كانت ضيقه
وحاولت ادورها ما كانت تدور وبعدين توسعت وصارت قياسي بالضبط

والحلم الثاني
حلمت انه حد عطاني خاتم ذهب ولما لبسته كان ضيق وبعدين توسع وصار قياسي
يشبه هالخاتم بس بدال المربع كان الحجر مستطيل
http://go.3roos.com/cPoFNcTRli5

وهالحلم حلمته اختي اللي اكبر مني
هي متزوجه وعندها ولد عمره سنه تقريبا وتشتغل مدرسه

حلمت ان كنا جالسين برع قدام باب البيت بالليل انا وهي ومعانا بنت ما تذكرها
وجات سيارة زباله الله يعزك ونزل منها رجال عماني وكان المسؤول عن العمال
وجلس يكلمنا اختي ما كانت تتكلم وكنت انا اللي ارد عليه
وكان يقول انه مانعين رمي الزباله تكرمي في النهار واللي يرميها تخالفه البلديه وكان مسموح يرموها بالليل بس
لانه هم يجمعوها بالنهار
وبعدين طلبت منه موز وعطاني 3 قرون موز .... للعلم انا معروفه اني احب الموز كثير
و اختي ماكلته انا اكلته واللي معانا كلته
وكان الموز اخضر وفيه اثار سواد مثل الوسخ المهم اني اكلته وما اهتميت بشكله

أختي أرفعي موضوعك هذا بعد اسبوع
عندي أحلام كثيره لم أفسرها بعد بارك الله فيك

إن شاء الله