اصحاب واحباب ,,, لمتنا السورية مية اهلا وسهلا

مساكم خير وورد وفل وياسمين ومبروك علينا التجمع الجديد
كيفكم يابنات دمشقية ولا يهمك مقدرين ظروفك عادي الله يقويك يارب سلامنا لسوريا والله يهنيك بالضيوف يلي جايين على ولادة سوريا
يالله شغلولنا هالشات بقى

ولا كل واحد عندو مية شغلة تشغللو وقتو ياسمينة خانم الله ييسرلا يارب عم تشك وتخيط وتجهز
كاتس وتالا مسلسل مكسيكي من 1000حلقة ههههههه يالله طلي خبرينا آخر مغامراتك
بنوتة ماخبرتنا شو رأيها بالزواج وكيف لاقتو كمان مشغولة مع عريسا الله يهنيهم يارب
لولية وبناتها مسلسل تركي من 1500 حلقة
بيرل من زمان ماطلت علينا كمان
بنت الميدان خبرينا شو صار معك بسفرة الكويت طمنينا عنك

أما عن أخباري اليوم بلش الصف الجديد عندي استاذ جديد وطلاب جداد وجو جديد

وكمان انا يمكن بلش الوحام معي وكل شي بتمي مر حتى المي وعم جوع بشكل فظيع ولما بجوع كأنو من شي سنة مو أكلة وبنفس الوقت ما عم يعجبني أكل لا الحامض ولا الحلو ولا المالح بس أكتر شي عم أكره الحلو بس أهم شي ما يصير معي استفراغ ان شالله يارب

اهلين شامية الله يسعدلي ياكي ياعسل انتي والله يقويكي على الوحام والحمل ويتمملك ربي بالخير يااارب
وبخصوص الضيوف اللي جايين على ولادة سورية فما تقولي الا اربت الشغلة يعني على اول ستة اذا ربي يسر جايين وهنن بابا وماما واخواتي البنات
ماضل غيرهم تنتين ربي يخليهم وان شالله بيجونا بالسلامة وبالتيسير ياارب

اما عنوحامك فالله اعلم الله اعلم انا ببشرك بالولد والله ورسوله اعلم واكيد الخلقة التامة هي اللي بتهمنا بس يعني شكلك حاملة بالصبي ان شالله
وكللي صحتين وعوافي يااارب الحامل بتاكل عن اتنين بقى اد ماقدرتي كللي الاكل المفيد والصحي ومن هلأ اقرئي للبيبي قران كريم وحاكيه قصص وسير
ترى صدقيني بيطلعلك فلتة زمانه ان شالله وبيكون حافظ للقران الكريم ان شالله

ومنشان المعهد الله يقويكي وتكوني دائما باعلى الدرجات واهم شي هالتلات شهور انتبهي على صحتك منيح يعني مابدنا نشاط زايد لا بالنهار ولا بالليل خخخخ وفهمك كفاية ههههه

&&&&&&&&&&&

كاتس حيوووتي اتي والله اشتقتلك كومااايات واشتقت لاحكي معك وينك طللي علينا وحاكينا خر الاكشنات مع بيت حماكي هههه

سمورة الله يرحم زوج بنت خالك ويصبر بنت خالك مسكينة هي حال الدنيا ,,, البقاء لله
والله يعطيكي الف عافية على الشك يالله قربت الهمة من غير شر ان شالله كل شي بيطلع متل مابدك واحسن والتمام لخير يااارب

بنت بطووطة لولية وينك هالايام بحوومص ولا بيروت ,,, طمنينا عنك ياجميل

بنوتة الف مبروك الزواج ان شالله زواجة الدهر يااارب ترى احنا متعودين على ردودك القليلة ومفاجئاتك بقى مارح اطلب
منك غير انك تطمنينا عنك ويارب تكوني بخير دومممم

عروسة الميدان الله يختارلك الخير والمثل بقول مطرح رزقك الزق وشكلها الغربة ورانا ورانا الله المستعان

مونو العسل حبيت قول مبروك مقدما لاختك والله يعينك يااارب وان شالله بتنجحي وبتخلصي هالمواد اللي عليكي

بيرل ياعسل والله الك وحشة كبيرة وينو مديرك شكلو قاعدلك ليلا نهار ,,, تعالي حاكينا وطمنينا عنك قبل لا تنزلي سوريا وتنقطع عنا اخبارك

سورية ياحلوتي حبيت امسي عليكي والك يالله شعللي الشات بردودك ياحلوووة

صباح الخيرات والليرات وينكم ياجناااين وحشتوووني والله
اليوم اعتقد بيقفل الموقع متل مو كاتبين منشان الصيانة والعالم الله ايمتى بيفتح ان شالله مايطول
لانكم راح توحشوني ويارب تكونوا بخير دوووم

يسعدلي صباحكم يارب ومبرووووووووووووووووك التجمع الجديد ماشاءالله علينا
والله اشتقتلكم كتير ان شاء الله الكل يكون بخير وصحة وعافية وراحة بال يااااااااااااااااارب
دمشقية ياروحي انتي الله يسعدك وتسلم ايدك عالشوكولا :adore:
شامية الله يعينك على الوحام وان شاء الله مابيجيكي استفراغ انا اكتر شي بكرهه هو الاستفراغ وربي يتمملك على خير يارب ومتل ماقالت الدمشقية انتبهي على حالك
اما عني فأنا كتير تقلانة وعم يجيني تشنجات اسفل بطني بتخليني مااقدر اتحرك ابدا بضل شي دقيقة او دقيقتين وبتروح ماعدا القلق بالليل مع اني بروح لنام الساعة 3بالليل وبردوا مابيجيني نوم الحمدلله على كل حال ادعولي الله يسر ولادتي ويهونها عليي على اساس اليوم روح للدكتورة اطمن على البيبي
سلامي للجميييييييييييييييع وان شاء الله مايطول تسكير المنتدى بأمان الله

صباح الخيرات والليرات كيفكم ياجماعة
دمشقية الله يهنيك يارب ياعيني أنا اذا أهلي بيجو لعندي عم اتخيل أكيد مارح تصير لأنو ماما عندها أختي بالمدرسة وأخواتي شباب مو متزوجين الأم بس تزوج كل ولادها وخصوصا الشباب لأنو البنات اذا واعيين وكبار ماعندن مشكلة بيخدمو حالن بحالن اي بتلاقيها بتبلش حياة جديدة كلها حرية

ومشان الوحام الله أعلم بنت صبي متل ما قلت المهم الخلقة التامة ان شاءالله وأول ولد شو ماكان حلو

سوريا الله يهون عليك يارب يمكن هي الأيام أصعب شي عالحامل لأنو بتحس حاله شي عشر أشخاص مع بعض عم يتحركو بس يمكن انت لأنو ماصرلك زمان جايبة ولد هلق ان شالله ما بتتعذبي بالولادة هيك بسمع الله أعلم

ومشان وحامي والله ياجماعة لما عم جوع ماعم احسن وقف على رجلي وبصير ارجف رجف كأنو مجاعة عم خاف جوع من كتر هالشعور مو غليظ وبنفس الوقت ماعم يجي على بالي شي أطيب الأكلات عم حسها هم على قلبي لما بدي آكلها بيعين الله وان شالله الله يهون علينا يارب

كاتس وينك من كم يوم ما بينتي ليكون ماحدا دلك على طريق الشات الجديد

كيفكن حبياااااااااتي اشتقتلكن

السلام عليكم ورحمة الله وبركاته
الحمد لله ماطولت الصيانة المهم كيفكم كلللكم والله اشتقنا لهالجمعة الحلوة
كاتس مين غير شر صارك زمان مابينتي يارب تكوني بافضل حال انتي واحبابك

سورية حبيبة قلبي الله يطمنا عليكي وعلى البيبي ويهون ولادتك على خير وصحة وهنا على الشوكولا هي ضيافة شم ولا تدوق هههه


شامية حبيبتي الله يعينك ويتممك على خير وانتبهي دخيلك كللو الا المجاعة والجوع خخخخخ مابدنا يطلع الولد جوعان من هلأ كللي وكتري
حتى يجي البيبي شبعان ايواااا وعينو مليانه هههه ,, ربي يفرحك بالخلقة التامة والصالحة اللي تقر عينك وعين زوزك ياحلووة
ومنشان اهلك انهم يجو لعندك بتصير صدقيني انا هيك اول ماكنت اتخيل انهم يجيوني وخصوصي اهلي من النوع اللي يادوب بيعرفوا منطقتنا بالشام
وبس بس الغربة صعبة عليهم اكتر منك فمع الايام بتصير السياحة عندك ههههه وبتقولي دمشقية قالت
شو منشان نزلتك على سوريا ايمتى مقررة ؟

عروسة الميدان هلا حبيبتي نحنا بخير الحمد لله انتي كيفك وكيف الجو عندك

الووووووووووووووو في حدا هوووون ولا هاجرووووا
عم حس ان الصدى عم يرجعللي ,,,,,,,,,,,, اين انتم ياقوووم

مسالخير والورد كيفكم ياجماعة
شو قصتو الشات نايم هالكم يوم وكاتس خانم غاطة ان شالله يكون خير يارب

الدمشقية;12090790:
السلام عليكم ورحمة الله وبركاته
الحمد لله ماطولت الصيانة المهم كيفكم كلللكم والله اشتقنا لهالجمعة الحلوة
كاتس مين غير شر صارك زمان مابينتي يارب تكوني بافضل حال انتي واحبابك

سورية حبيبة قلبي الله يطمنا عليكي وعلى البيبي ويهون ولادتك على خير وصحة وهنا على الشوكولا هي ضيافة شم ولا تدوق هههه


شامية حبيبتي الله يعينك ويتممك على خير وانتبهي دخيلك كللو الا المجاعة والجوع خخخخخ مابدنا يطلع الولد جوعان من هلأ كللي وكتري
حتى يجي البيبي شبعان ايواااا وعينو مليانه هههه ,, ربي يفرحك بالخلقة التامة والصالحة اللي تقر عينك وعين زوزك ياحلووة
ومنشان اهلك انهم يجو لعندك بتصير صدقيني انا هيك اول ماكنت اتخيل انهم يجيوني وخصوصي اهلي من النوع اللي يادوب بيعرفوا منطقتنا بالشام
وبس بس الغربة صعبة عليهم اكتر منك فمع الايام بتصير السياحة عندك ههههه وبتقولي دمشقية قالت
شو منشان نزلتك على سوريا ايمتى مقررة ؟

عروسة الميدان هلا حبيبتي نحنا بخير الحمد لله انتي كيفك وكيف الجو عندك

تسلمي يارب دمشقية يالله أنت التانية شدي الهمة وجيبيلنا ولد تالت يا أخ لمحمود ياأما أخت لشام
ومشان جية أهلي ان شالله الله يسمع منك وليش لاء الواحد بيغير جو ان شالله لو راح على أي بلد المهم ناس جداد وجو جديد

ومشان نزلتي على سوريا ان شاءالله بعد دورة الانكليزي مباشرة بعدشهر من هلق ان شاءالله اذا الله يسرلي جاجتي مو هيك صارلي سنة

يعني أصلا أنا رح روح فترة قصيرة مشان وراق شغلي بس بدي اعمل مباشرة دوام وارجع قضي رمضان مع زوجي صعب الرجال يقضي رمضان لحالو وعالعيد برجع لسوريا بضل هونيك لأولد وطبعا بداوم بشغلي وبعد الولادة باخد اجازة امومة وبرجع عاليمن بدي اكسبها لهالسنة

اي ها من زمان حدا يطل ويعبرنا لك والله الشات اتغبر واتعفر كمان
اهلين شامية حبيبة قلبي انتي ,,, هلأ بالنسبة اني اجيب اخ او اخت لولادي والله مابعرف ليش هالقصة محيرتني كتيير ونفسي ومو بنفسي
مابعرف خصوصي ان زوجي مابدوا ولا بجيب سيرة هيك مواضيع بقى خليها لربك هو ادرى واعلم والله يختار الخير

ومنشان نزلتي لسوريا اي ماشالله يعني قربتي كتير من غير شر علمك هالشهر بيمضي بسرعة يالله جهزي حالك وجهزي الهدايا والله يعينك
واي والله سنة كتير منيح يعني نزلتك حئت تماااام
ومنشان سفرك للشام ليش مابتجربي طيران سما هلا صار باليمن ومن صنعا تحديدا وبلا مؤاخذة ارخص بكتير واوفر ؟
وبرافو ماشالله لا تروحي شغلك اكيد بتكسبيها وبتاخدي اجازة الامومة كمان الله يقويكي يااارب
لا تطولي طللي على طوول

هلا ومية هلا دمشقية الله يسامحك كل يوم عم طل واذا يوم غبت بتكون الكهربا هي السبب ومشان الولاد والله بهالغربة ولدين حلوين بس كمان والله الوحدة يكون عندها 4 ولاد حواليها كمان كتير حلو طبعا بس يكبرو وهلق انت بعدك صغيرة بقى اذا الموضوع ببالك لا تأجليه كتير

زوجي بيقللي بدو 4 ياستي شفنا فلم وثائقي مابعرف اذا شفتوه الفيلم كندي مدري اوسترالي المهم الفيلم عم يحكي عن الخطر يلي جاية عالعالم من ورا الاسلام طبعا بنظرهم هنن

الفيلم بيقول أنو بعد 10 سنين رح يصير عدد المسلمين بأوربا أكتر من عدد الأوربيين وبأمريكا نفس الشي وطبعا هنن حسبوهم بشكل منطقي كيف عم يتكاثرو المسليمن وكيف الأوربيين والأمريكان طيعا في فرق كبير وبعد فترة قصيرة العرب رح يحكمو العالم لأنو بيتكاثرو أكتر من الأجانب بضعفين أو أكتر حتى الفلسطينيين بأراضي ال 48 بعام ال2015 رح يصيرو أكتر من عدد اليهود وطبعا حلال عليهم الفلسطينيين بيجيبو ولاد كتير واعيين ماشاءالله

بقى اتخيلي زوجي بدو يعمل يلي عليه ويخليني جيب 4 ولاد ههههههه

طبعا أنا مابحط عدد ببالي لنشوف شو الله بيختارلنا وبيقدرلنا

ومشان سفري بدي أسأل عن هالشركة مابعرف عنها شي ونحنا أكيد منلحق الأرخص لأنو بيني وبيني الواحد بدو بالناقص ألف يوفرها الو

وأكيد رح ضل على اتصال فيكم من سوريا لأنو أهلي اشتركو بالنت وشغال عنا 24 ساعة والحمد لله

تؤبشي قلبي والله بعرفك شامية مابيبعدك عنا الا الكهربا او شي ضيف تقيل دم ههههه
ياستي بالنسبة للاولاد والله حلوين وخصوصي اذا ربنا مد بعمرنا فمنلاقيهم حلوين حوالينا بس ببقى اكلة هم الترباية من اول وجديد
نوم ومتاعب وحفاض العفو وكل شي ,, بكرا بتولدي بالسلامة وبتشوفي حلاهم ومرهم
وبالنسبة للفيلم ماشفته بس شفت ايجاز عنه كان بقناة العربية اعتقد وهالشي حلو كتييير يعني غصب عنهم مو بكيفهم ان شالله
بتحكمهم بس الله يجعل بولادنا وهالجيل اللي بعدو فيه خير حتى نحكمهم صح لان والله هالايام بترتعبي من هالشباب شي شعرهم منفوش
متل اللي اكل فتيشة وشي اللي بناطلينه ساحلة وباين كوليته حسبي الله عليهم قال شو موضة ووووع عليهم
ستي ماعلينا الله يقدرنا نربيهم تربية حلوة ان شالله ,,,,,,, وان شالله شامية فكرة البيبي ببالي والله يطعمنا

ومنشان شركة سما والله شركة حلوة وكل ماحجزتي ابكر بتكون التذاكر ارخص انتي بس ادخلي على موقعها عالسايت وشوفي
انا مرة زوجي حجزلي قبل ب3 شهور ودفعنا فلوس وقفت التذكرة علي على سوريا قريب 2500 ليرة تخيلي ؟

واي دخيلك لا تقطعينا وخليكي على اتصال معنا حتى على الاقل نعرف اخبارك

لولية وجهك ولا ضو القمر والله نورتينا قال من غاب الغيبات كتر الغنايم (( شو كاينين بحرب هههه )

المهم حبيبتي اهلا ومية سهلا نورتينا واكيد عاذرينك وكل سنة وانتي بالف خير وسلامة وربي يخليلك زوجك وبناتك
مفاجئة حلوة منه الله لا يحرمكم من بعض ,,,, والاحلى طلعتك مع اصهرتك ماشالله يخذي العين الله يسعدكم دوووم وعقبال فرحتك بالوسطانية يارب

ومنشان موضوعك اعملي استخارة وربي يختارلك الخير ان شالله وتكوني مرتاحة بهالموضوع
لا تطولي علينا ...

مسا الخير كيفكن شو اخباركن،، مداية كتير كنت بدي روح عمرة واتفركشت :(

مسالنور حبوبة طمنينا عنك ومنشان العمرة لا تزعلي لسى ربك ماكتبلك ياها وان شالله قريب بتروحي دام ان العزيمة منكم موجودة
الله يكتبها لكل مشتهي يااارب

خبرينا عروس بماان الاردن قريبة لسورية كل ايمتى بتزوري اهلك ؟

شامية يالله تعالي قبل لا سجلك غياب اشتقتلك

كاتس حبيبة قلبي والله قلبي عندك وينك انتي ؟؟؟ مالك بالعادة تغيبي هالقد
يارب تكونو بخير وعافية هذا اهم شي

بيرل ماحن قلبك علينا لك والله اشتقت لاخبارك ولحسك بهالشات تعي لقلك حطي حبة منوم لمديرك بالعصير وفوتيلك شي
يوم خلينا ندردش والمدير خليه مدفوس نوم العوافي خخخخخخ

له له له دمشقية شو تسجليني غياب ليكني اجيت بس أنا تقريبا هادا وقتي
يسعد مساكم جميع كيفكم

لولية ياهلا فيكي وماشالله الله يهنيكم الله شفتي الله بعتلك ابنين الله يخليكلك ياهن يارب وعم اتخيل اللمة شو حلوة والله انت بتستاهلي
وكل عام وأنت بخير والسنة الجاية ان شالله منشوفك ست وأحفادك بين ايديكي
الله يختارلك يلي فيه الخير يارب

كاتس وبعدين معك شو قصتك ليكون كمبيوترك معطل أو مسافرة أو لاقيتي شغل يالله لا تحيرينا ان شالله غيبتك تكون خير يارب

عروسة الميدان أنا حكمتي بهالحياة عسى ان تكرهو شيئا وهو خير لكم مابزعل على شي لأنو متأكدة أنو الله دايما رح يختارلي الخير

دمشقية مشان الولاد سبحان الله تعب بس الو حلاة وبيكفي الثواب من ورا ترباية الولاد الحمد لله على كل حال وينك خللي حملك للغلطة وان شالله تكون هالغلطة قريبة ههههههه
ومشان شركة سما والله مبارح شجعتيني وفتحت الموقع عالنت بس للأسف ما لاقيت في رحلات صنعاء دمشق هي الشركة رحلاتها محدودة كتير وقليلة هيك شفت