قصة ولادتي الحمد لله

السلام عليكم ورحمة الله وبركاته
انا عضوه جديده عندكم واتمنى انكم ترحبون فيني:o
ابقولكم قصة ولادتي بولدي الله يحفضه ويحفظ اخته
انا كنت اراجع عند مستشفى رعاية الرياض (التامينات) سابقا عند الدكتوره سوزي هندي
من يوم دخلت التاسع وانا انتظر الولاده كنت ماله مره وخلاص زهقت قعدت امشي كل يوم تعبت ابي اولد كانت نفسيتي تعبانه مرررره كل يوم اقول ابولد سبحان الله وجاء اليوم المنتظر وكانت عندي مراجعه وكنت مخلصه التاسع والكرشه كبرت وشكلي ينرحم:( ودخلت عند الدكتوره وقالت لي انتي مخلصه التاسع ولك عشرة ايام بالعاشر قلت ايوه:( قالت لازم اكشف عليك من تحت وكشفت علي وقالت مفتوح 2سانتي انا بصراحه فرحت:Dوقالت لي يمكن اليوم او بكره ولاده بصراحه انبسطت وقلت جاء الفرج وقالت تبين احط لك طلق صناعي قلت انا لالالا خفت مدري ليه:badly:وقالت خلاص بس روحي سوي تخطيط وقعدت امشي بالاسياب انا وزوجي وبنتي الله يحفظها ودخلت قسم الولاده يمه:-o وعيو على زوجي الدخول عشان بنتي قعد يستنى برا وانا خفت لحالي وقعدت وحطولي التخطيط وانا بس اذكر الله واسمع الحريم صراخ وادعيلهم وكل شوي يدق زوجي يتطمن علي اخر شي قالو كل شي تمام وكتبولي خروج وقعدت افرفر بالاسياب ضيعنا المخرج وانا خلاص تعبت واقول لزوجي تكفى اي مخرج قالي احسن امشي المشي زين انا وين وهو وين المهم طلعنا من المستشفى بعد عناء وراح زوجي وشرى غداء وانا مااكلت ماكنت مشتهيه ورحت الحمام وانتم بكرامه والقى دم:-oمرره خفت لان دكتورتي قالت اذا طلع دم او مويه تعالي واروح ركض لزوجي واقوله قال يالله للمستشفى قلت انا لاابروح للامي احط بنتي واشرب حلبه عنده وكان ذاك الوقت فيه الام بسيط ورحت عند امي وشربتني حلبه ورحت للمستشفى كانت الساعه 5 العصر وادخل عندهم واقولهم نزل معي دم وكشفو علي قالو لسى 2 ونص بس قلت والدم قالت من الكشف تحطمت بصراحه وطلعونا كلمت امي وكنت مررره خدرانه فيني نوم مو طبيعي قلت للامي خلو بنتي عندكم ابروح لشقتي انام وقالت امي قبل ماتروحين لشقتك روحي امشي شوي احسن ورحت مشيت والله وانا امشي تجيني الطلق واوقف واذا راحت اكمل اخر شي تعبت وارجع لسياره واروح للبيت واصلي العشاء كانت الساعه9 واناااااااااااااااام:019:وصحيت الساعه وحده وادور زوجي مالقيته وادق عليه ياعمري راح يجيب عشاء جوعان اكلت شوي وقعدت على النت وكان فيه الام بسيط واروح انقع لي زعفران واشرب واحس يزيد الطلق وبعدين قلت اصلي وادعي ربي ودعيت ربي ان الله يسهل علي ولادتي ويخلصني تعبت وصليت الفجر ونمت وصحيت مع زوجي لدوام كانت الساعه 6 الصبح وانا اقول الى الان ماولدت وراح زوجي الدوام وانا كان الام يزود ورحت ارتب الشقه واغسل واكنس وتجيني الطلقه وامسك نفسي تروح واكمل تنضيف اخر شي رحت الحمام وانتم بكرامه ونزل معي افرازات مع شوي دم فرحت عرفت انها السداده الرحم وتحمست واكمل شغل وجاء زوجي وقلت ابروح للاهلي احسن يمكن امي تعطيني شي واولد:worn_out:متفائله واروح واوضب شناطي واودع شقتي ورحت لهلي واقعد اشرب من الحلبه واشرب اصعد الدرج وانزل كان درج اهلي كبير ماشاء الله ورحت امشي بحوش اهلي وزاد الطلق واذا جت الطلقه تحجر بطني مررره ويعور واقرا كتاب الافاده بما جاء في ورد الولاده مره حلو واقعد اتقهوا مع امي العصر ويتحجر بطني وتشوفه امي:woo: وتنهبل تقولي روحي المستشفى الحين قلت ليش قالت حرام عليك شوفي بطنك وانا والله متحمله الام كنت اذا جتني الطلقه اكتم ودقيت على زوجي المغرب وجاء على الساعه 7 واودع امي وبيتي وخواتي واروح للمستشفى وكنت مره تعبانه زاد الطلق معي ودخلنا المستشفى ورحت لقسم الولاده وانا خلاص مااقدر امشي احس ان مررره نازل وتكشف علي وتقول 4سانتي خلاص ترقيد فرحت دخلت على الساعه 8 ويلبسوني قميص الولاده ويحطولي الحقنه الشرجيه الله يكرمكم ويخلوني على طول غرفت الولاده ويحطون التخطيط هنا الحمد لله زوجي معي مارضيت اخذ امي معي لانه دخلت معي ببنتي الولاده وبعدها تابت تروح معي :lol:المهم واقعد اسولف مع زوجي واذا جت الطلقه اسكت مررره وواشوف السستر تجهز اغراض الولاده المقصات والمشرط يووووهواسمع الحريم صراخ واقعد انا وزوجي ندعي لهم ونفرح اذا سمعنا صراخ النونو واقول متى يارب الفرج وبعدين طولت جت الساعه 10 وانا ماولدت قالت السستر روحي امشي احسن اول ماقمت من السرير وتجيني ذيك الطلقه والله مرررره تعور انكتمت ويكلمني زوجي يقول احسن امشي وانا خلاص سكرت 8o|قلت ابروح الحمام وانا خلاص الالام لاتحتمل واطلع ومااقدر امشي والله امشي بشويش ويقولي زوجي يالله نمشي قلت له لالامابي وانسدح بالسرير وخلالالالالالالاص ماقدرت بديت اتلوى من الام واقول لسستر اعطيني بنج ولاكشفت انقهرت وتعطيني كمام خلاني زي اله بس والله كان فيه الالالام واصرخ وزوجي خاف ياعمري
ومن شدت الام والله مادري وش اقول استغفر الله ياربي بس قعت اقول لالاياربي لاوالله من الام وبعدين حطولي حقت الرجلين وكشفت قالت يوووووه 9 خلاص ولاده وانا اصرخ واقولهم ابي الحمام حسرانه يقولون لي سوي بالسرير هنا زوجي هج :lol:تقولي الدكتوره هاذا بيبي وانا احس اني ادفع والسسترات يحمسون يالله يالله يالله واخر شي الحمد لله شرف ولدي كانت الساعه 12 باليل وخيطوني ماحسيت الحمد لله وودوني لغرفتي واعطوني اكل والحمد لله خلصت ااااااااسفه طولت عليكم وانا جاهزه للي تسال مشكورين:adore: