ياارب توفق اللي تردعلي وترزقها ماتتمنى
ب
14-05-2010 | 07:09 PM
مساء الخيرات الله يعطيها العافيه اللي ترد علي انا معلمه جديده وماعرف شي في الاهداف وعندي بكره درس صلاة المسافر صف خامس وابغى اهداف الدرس المديره بتحضر لي بكره تكفون اللي تعرف لاتبخل علي ولها دعوه باللي تبغى اله يجزاكم خير انقذوني بسرعه
F
15-05-2010 | 12:00 AM
حبيبتي يفترض دليل المعلم فيه اهداف الدرس ؟؟؟؟؟؟
اولا شوفي شو هي فقرات الدرس اي محتواه وع هالاساس تجزئي الاهداف
يمكن تبدي الدرس بهذا التمهيد
تسالي الطلاب كم مرة نصلي ف اليوم وكم عدد ركعات كل صلاة وتكتبيها ع جانب بالسبورة
عموما بعطيك اهداف ما ادري اذا بتفيدك ام لا وهل ضمن محتوى الدرس ام لا
أن تذكر الطالبة عدد الصلاوات وعدد ركعاتها
أن تعدد الطالبة اوقات اداء الصلاوات
ان تفهم الطالبة المعنى المقصود بكلمة مسافر ( يتعلق بعدد كم كيلو متر عشان نطلق علية مسافر )
ان تميز الطالبة بين مفهوم قصر الصلاوات وجمع الصلوات
ان تقارن بين صلاة المقيم وصلاة المسافر
ان تدرك وتستشعر حب الخالق لعبادة في تيسير الصلاة للمسافر
في نهاية الدرس قولي للطالبات تخيلوا رحنا المكان الفلاني نصلي سفر ام لا وليش , يعني مرة اعطيهن مكان بعيد ومرة مكان قريب ,
وطبعا الاسئلة التقييميه والتقويمية لا تنسيهن , مع تنويع اساليب التعزيز ونبرات الصوت خلال الشرح وطرح الاسئلة باشكال مختلفة واهم من هذا كله خلك واثقة من نفسك وانت تشرحين , سمحيلي عاد طحت فيك نصايح بس لانك قلتيلي انك معلمة جديدة
وان شاء الله الله يوفقك يا رب وتطلع حصتك ممتازة
ع
15-05-2010 | 12:17 AM
ما شاء الله اختي فرح ما قصرتي