اه اه اه من القهر حق الازواج ...

"(
غلاي ,,, انتي لو ملاحظه كل السالفه ماتصير الا ف الويك اند صح
يمكن اهو الريال من النوع الي مايحب جلسته فالبيت يحس بكتمه ولا شي
طيب ليش ماتطلعون مع بعض في هل الايام تغير جو ونفسيته تتحسن
لاتحسسينه انه اهو غلطان لانه الريال بنظره انه اهو كل شي يقوله اهو الصح
لاتستفزينه بأي شي حتى لو كان بسيط (اتق شر الحليم اذا غضب)
وقت يعصب حملي روحج وروحي اي مكان
واذا مافاد وحاول انه يجيسج بضرر يطقج ولا يهز من مكانتج فديتج عندج اهل يوقفونه
والله يهديه ويخليكم لبعض ويبعد عنكم عين الحساد :)

حسبى الله ونعم الوكيل

شوفي ياقلبي
واضح مايحب جلسة البيت
وانتي الله يهدييييييك تجادلينه
شوفي طنشيه اذا دخل الغرفه وناوي الشر اخرجي ع طووول

هزئك قولي طيب الي تامر فيه حاضر

اسمعي كلامه شوفي هوا اش يحب
خليكي شويه غامضه
صدقيني يجي بنفسه ويجي يهرجك
ويضحك

وتلعمي بوصللة الشخصيات وشوفي اش شخصية زوجك وايش يحب

وبعد طنشي ياحلوه

عيشي حياتك ليييييييييه الازواج كل شئ بالحيــــــــــاه !!
انا مااقولك هوا مو غلطان بالعكس غلطان

بس ليش ترفعي ضغطك وتحرقي دمك وتجلسي تدعي عليييه في النهايه هوا زوجك
ريحي اعصابك للعشانك وللعشان البزوره الي عندك بالبييت



موفقه غاليتي

لاحول ولاقوه يالله والله الله يعينج حبيبتي بس مو عارفه شقولج يارب بذات خواتي المتزوجات يساعدونج

الله يعين كل زوجه زوجها قاسي عليها

اختي انتي اخذييه بالسياسة والدلع يعني انتي اتخافين منه فاي شي يقول له قولي له من عيوين حبيبي الي تامر فييه ..انتي ريال البيت ولي تبييه يصير .لي قالج ما تشتغليين قوليه له انا لك حاضرة الا تبييه قوله اسويه لو شنو تبييي ..يعني خليييه يحسسس لج انج بنت ودلوعة جي ما بيقدر يصاررخ علييج ورب يوفقج

شكرااااا لجميع العروسات يلي شاركوا في الرد عليه ومواساتي الله يحفظكم يارب بس المشكله أني سرت ماأطيقوا كيف أطيق أنسان يعاملني بجفاء وقسوه
وانا ماأعرف أمثل عليه الحب وفي باطني مقهوره منو أنا مرررره صريحه يلي في قلبي على لساني وهو بالعكس مايحب أقلو نخرج أوسوق يتجنن ويعصب يحب
يقعد في البيت وأذا يبغى يخرجنا لازم هو يقرر وأذا ألحيت اننا نخرج يعصب عليه وهوطبعو كده من يوم ماأتزوجنا الى الأن سبع سنيين زواج وهو كدا أغلب الخرجات
بنكد والرجعه بنكد على أتفه الأمور طبعااا ولا تقولو أطنش ماأقدر أسمع كلام غلط أو ظلم ليه وهضم لحقي وأسكت انا من جد ماأعرف كيف اتعامل معاه
هو مسيطر جداااا مسو طبقات هو الاول بعدين الزوجه انا احس انو مسويني في صف الشغاله لانو بس يدخل نفسو في كل امور البيت يلي ماتخصو بس يحاسبني
على شغل البيت كانو ماخذني شغاله للبيت والأولاد ويحاسبني على الاولاد في كل شي كأني انا مرت أبوهم مو أمهم وأنا وعلى شهادة الكل مررره حريصه عليهم
وعلى اكلهم ولبسهم واخاف عليهم مرره ومعايه في كل مكان والله بصراحه الرجال هاده انا عجزت في

حبوبة ما كل شي نبية نحصلة بالصراخ ..اولا الحياة الزوجية يبيلها طولت بال... ثانيا حاولي تتذكري الاشيا الي خلت زوجك يختارك اش هي.. ارجعي مثل ما كنتي بداية زواجك اش الامور الي خلت زوجك يحبك ويتزوجك وحاولي تبيني له انج مو مهتمة فية وانج عايشة حياتج خلي اهو يحتاج لج مو انتي تحتاجين له...وطنشية كثر ما تجدرين الريايل ما يحبون المرة الي تركض وراهم ... كوني غامضة واكسبية بالسياسة ... واستخدمي انوثتج ترى الجل ضعيييييييييييييييف امام انوثة المرأه ..البسي احلى لبس واكشخي وطنشية وبتشوفين كيف بيركض وراج يطلب رضاج

أشكر جميع العروسات الحلوين يلي ردوا عليه وجبروا خاطري

أشكرك ياميراكل 83 على كلامك الحلو صح كلامك لازم أكسبو بالسياسه بس أنا عصبيه وأتوتر بسرعه

أشكرك ياسندريلا على كلامك الجميل حسيت أنك حاسه فيه لمن قلتي أنو يدور على مشاكل ومضبوط تفسيرك هو عندو ضغط في الشغل بس هو كده طبعوا معايه من يوم ماأتزوجنا ومن ناحية سألتي أنو انا ممكن اكون مهمله في نفسي انا في البيت بصراحه ماأهتم في لبسي وشكلي بس لمن أخرج عند الناس أهتم مره بس انا الحمدالله شكلو
حلو بس مايهمني لبسي في البيت لأنو أكون مضغوطه مره يادوب بس أجري في البيت شويه أصرخ مع الاولاد وشويه
مع زوجي وأغلب وقتي في المطبخ بالله أتشيك على أيه على زوجي يلي مايعرف يقلي كلمه حلوه مايستاهل



أشكرك جداااااا يأختي 2009 FARAH
على كلامك يلي أثلجلي قلبي كأنك عايشه معايه أحسك فهمتي حياتي مضبوط أولااا من جد زي ماقلتي أنو أسلوبو
غير حضاري ابداااا في التعامل معايه يحسب بذائة القول رجوله
ومن ناحية شغل البيت بيجي في الضهر كل يوم يكون البيت نظيف ومرتب بس هو يدقق على الحاجات الصغيره ويسوي منها مشاكل وأنا أقصد بالشغل مايخلص قصدي من طبيخ وأهتمام بلأولاد وأجري وراهم بالبيت لأنو كل ماأغيب عنهم شويه ألاقيهم سوو مصيبه يا بيلعبوا في الحمامات بالمويه وعاد ساعتها دوري على احد يطلعهم مايطلعوا ابدااا أصرخ
أطفي النور مافي فايده وغير لمن يجي زوجي يلا جهزي الغدا سوي كذا وكذا المهم بس اوامر
ومضبوط زي ماقلتي يجي دائماا من بره مزاجو معكر بس دايمااا الاولاد من يوم مايدخل يجروا عليه يسلموا عليه
وقلتيلي أتحمل عصبيتو والله تجيني فترات ماأرد عليه ابداا بس أحرق في دمي مرره وأحط حري في الأولاد
بس يأختي الحبيبه مني قادره أتحمل جنانو يقول كلام زي السم وكلو غلط وظلم ليه لسانو مرره سليط وبذيء يخليني غصبن عني أدافع عن نفسي لاني بأتعب مرره بالبيت وهو ناكر تعبي كلو والله لو يقلي كلمه طيبه والله لأحطي على راسي بس هو بأسلوبو هاده بيكرهني فيه والله أني ماأقعد معاه مرره لو قعدت لازم نضارب ويقلي كلام ينرفزني
هو مرره روتيني ممل طول مهو قاعد بالبيت بس قاعد يتفرج على كوره وبرامج رياضيه مايتحرك من الوصله يلي قاعد فيه وصوت التلفزيون عالي مرره وبس يشوف وجهي أوامر شوفي الأولاد ليش فلان بيبكي سوي شاي سوي العشى وأنتقادات طبعااا على طول والله شي يجيب القرف صح ولالأ نفسي يقعد يتكلم معايه يحس فيه يتكلم معايه بحنيه وحب حاسه نفسي كاني شغاله بالبيت او قطعة أثاث حتى اليوم بأقلو أبغى أروح السوق بس يقلي لأ رغم أني مقهوره منو بس برضو بأكلمو المهم هو دائماا ماعندو غير لأ لمن كلمت بالطيب وأتدحلست عليه يقلي أش مصلحتك من أخره تبغيني أوديكي مني موديكي المهم هو من النوع كل شويه بكلمه ومراوغ مرررره قرفني بعيشتي أنا أبغى رجال بكلمه وحده وصادق مو فجاءه يقول لا انا ماقلت كده وهو كذاب
بس الحمدالله على قولتك أهم شي الواحد يقوي علاقتو برب العالمين لأنو هو مفتاح القلوب أنا سلمت أمري لربي وكل مايبهدلني أروح الصالون أقفل على نفسي وأبكي وأبكي وأدعي الله أنا عارفه مو زين ادعي عليه بس غصبن عني لا أراديه ادعي عليه سرت أخد دوا للقلب من كتر التوتر يلي عندي تجيني حالات خفقان قويه الله المستعان سامحيني طولت عليكي مرره يأختي فرح 2009 شكرااااا مرره تانيه على كلامك الرائع المرتب الله يجزاكي كل خير يارب

طيب الغاليه .. كيف علاقتكم مع ربكم ؟

من امور الدين والصلاه بالنسبه لك وبالنسبه له ؟

اختى تحملى عصبيته خليك من الحديد لانه الرياييل يبلهم اعصاب من حديد من يقول كلمه او يغلط عليك قولى له الله يسامحك مشكور ما قصرت شوف شنهو كثرى الاستغفار

علاقتنا بربنا ياختي نور الحمدالله يعني وسط أهم شي محافظه على صلواتي وأستغفر ايام ايوه وايام لا
أحب أول ماأقوم من النوم أقول أدعية الحمد والشكر أحس بمتعه لمن أقوله
لمن بأطبخ او أسوي أي شي بالبيت لازم أقول (الهم أجعل عملي كله خالصاا لوجهك الكريم)
لانو زوجي أي شي أسوي طيب ينكرلي هو يقلي انتي بس قاعده وانا مااقعد أبدااا حتى التلفزيون مااتفرج عليه ولاأتابع اي شي والله اني من يوم مايدخل البيت لازم أسوي نفسي بأشتغل وأرفع وأروش أولادي عشان مايقلي انت قاعده
فحسيت أحسن شي أدعي هذا الدعاء
يعني علاقتي بديني متوسطه احسه أحب أشغل القرأن ساعات في البيت بس هو لمن يجي يقفلو يقول انتي مابتسميعيه وكده مايجوز
وزوجي برضو وسط بس الفروض مايصليها كلها في المسجد في البيت لمن أقلو روح المسجد احسن حرام كده سامع الادان وماتروح يقلي أسكتي بس يامنافقه
والقران أشوفو يقرأبس برمضان
انا طول السنه بس مو كتير
بس ماأدري أحس بقلبي نزعة الأيمان والخوف من الله اكتر أحب أقرأ ادعيه بس مو دايماا
ماأدراني يمكن هو عند الله احسن مني هو مرره بار بأمو

شكراااا يأختي الحبيبه فرح2009 أنتي رائعه وكلامك يثلجلي صدري وبيجي مضبوط على الجرح والله زي ماقلتي من جد أني مجاهده مرره في البيت وصبرت على حاجات كتير لاني بطبعي خوافه وحساسه وقلبي مرره ضعيف وهو منتهز هاده الشي اني اخاف منو
عشان كده حاططني بقبضة يدو حتى لو هو غلطان يقلب الحق عليه لانو عارف اني
شخصيتي ضعيفه وخوافه وهو مررره قوي الشخصيه بس معايه طبعااا ومن جد القهر انو يسوي مشكله ويصرخ وينتقد على لا شي أجي ادور أش سويت شي غلط والله مني ملاقيه غير اني باجاهد معاه انا كل يوم عندنا في البيت توتر مو طبيعي
والله سارت شخصيتي مهزوزه احسه بسببو بس متوتره ومرتبكه حتى مع الناس
مايحبني لا أروح عند صاحبات ولانوادي يقلي أقعدي ببيتك وربي اولادك
أقلو طيب من حقي أخرج يوم في السنه حتى لحالي عند صاحبتي اغير جو يتجنن لمن اجيبلو سيرت الصاحبات اخرج معاه اغلب الأيام نروح لأمو أو نروح لأهلي او نتمشى
زوجي عقليه قديمه جداااا انا عارفه اكيد يلي زيوا انقرضوا من زمان

حبيبتي لا تشيلين في قلبك والله الرجال كلهم يسسوون حركات تعصب
بس اكيد عنده حاجت حلوة خلاتك تتزوجينه وسعي في بالك واستغفري ربي وربي يصلحلك الحال