ساعدوني باارائكم يا حريم قطر بخصوص العيادات وكل وحده تعرف عن الولب من اي دوله ؟؟:"(

لاحول ولا قوة الا بالله

اولا الحمدلله على السلامة ومبروك البيبي
انا جربت اللولب الهرموني قي حملي الاول شلته بعد سنة وشهرين تقريبا لأن قالوا لي مب زين تركبين لولب بعد اول طفل وفي ولادتي الاخيرة ركبت العادي لأنه قالوالي احسن بس المفروض اتابع واشيك بعد اسبوع من التركيب تساهلت الموضوع ورحت متأخرة طلع متحرك من مكاته وشلته كنت عند دكتورة مها في عيادة الدوحة حتى الولادة عادي تقدرين تركبين عندهم انتي شوفي اللي يناسبج ولازم تتابعين وتلتزمين بالمراجعه عقب التركيب

طيب يا أغلى فهد وش رائج بالدكتورة ليلاما وهل أحتمالية الحمل بوجود الولب كبيره يعني هل صج مثل ماقالوا لوحده ما يكفي لازم غزل معاه بعد

وين باقي العضوات :(

انا اختي ركبت عند ليلاما مشاء الله تمت ٨ سنوات وعقب شلته وحملت الحمد الله وما كان عندها مشاكل ،، بس كانت الدوره تزيد عليها شوي
بس اللولب وصينا عليه من مصر مب من هني

شوفي احتمال الحمل نادرة بس في اول اسبوع للتركيب توقفين العلافة علشان يثبت ولازم تشيكين عليه كل فترة تسوين سونار ويظل اللولب احسن من الحبوب وليلاما ماجربتها بس يمدحونها شاطرة إذا بتروحين لها اوكي ولازم تركبينه في ايام الدورة

انا سمعت من دكتورتي.. ليلى بشير..
ان لولب (ميرينا) حلو.. هرموني.. ماعندي فكرة عن استخدامه لاني ماجربت لولب..

موزين لي استخدم لولب.. لان افرازاتي وايد.. وسهل تصيدني التهات..

وممكن ارسل لج معلوماتها على الخاص..