اللي تبيني افسر لها حلمها باذن الله تلاقي الرد

شكرا دلولة قطر ان شاءالله يوم بحلم برجع لك

:) :)

سلاااااااااااام عليكم


عزيزتى لو سمحتى أريد منج تفسرين لي حلمي

ولج منى جزيل الشكر


وقت الحلم كان في الليل بس ما أتذكر كم كانت الساعه

الحاله الاجتماعيه متزوجه وعندي ولد وبنت والعمر 29 سنه

بس حلمي يضحك شوي بس في نفس الوقت يخوف

حلمت ان خروف يريد ينطحني وانا ماسكه راسه بكل قوة

وبعدين حلمت ثور لونه اسود وبقره لونها بنى يريدون

ينطحونى بس اكثر شي الثور الاسود وايد بهدلنى

يريدنى اطيح على الارض وانا اطيح وأوقف وعلى ماأظن

بنتى كانت معاي

ارجوج اختى فسرلي هذا الحلم

اختي طيوف اشكرج على المرور

وبخصوص الحلم الخروف تحذير لج من رجل يحاول ان يتعرض لج ويلحق الاذى بج ولكن باذن الله سوف تنتصرين عليه وسوف تقعين في مشكلة ولكنج بحول الله ستخرجين منها بسلام وستكونين انتي سبب في هذه المشكلة


والثور الاسود يدل على نيل مال واولاد صالحين
اما البقرة البنية فستمر عليج سنه فيها فرح وسرور وترزقين باولاد صالحين هذا والعلم عند الله

مشكوره على هذا الموضوع الممتاز
والله يعينج علينا من اليوم ورايح
انا امى اللى حلمانه حلم بس غريب والله وما راح من بالى
امى عمرها 45
ارمله
حلمت بعد صلاه الفجر
ان ابوى الله يرحمه جاها بالحلم ومعاه صحن فيه تمر وقالها عطى ولدى العود ثلاث تمرات وخليه يقرأايه الكرسى
والولد الاصغر عطيه ثلاث تمرات ويقرأسوره البقره
والبنت اللى هى انا ثلاث تمرات وتقرأسوره الاخلاصثلاث مرات
ولما سألته عن باقى التمر وين توديه قال خذيه لج انتى
وبس
اتمنى تقدرين تفسرينه اكون شاكره لج حبوبه لانه وايد غريب
لكن احنا سوينه اللى طلبه الحمدلله
وعلى فكره احنا دووووم نطلع فى ثوابه وما نقطع ابد
ام الزييييييييييييين

أنا لي كم حلم وبنفس المكان احلم علي فترات يعني ممكن هذا الحلم من سنتين او 3 سنوات والين الحين ..

مب متزوجه عمري 29

الحلم في الليل دائما احلم اني اغرق , في اول الامر بغرق بس بعدين اكون في الماي مثل السمكه اقصد اسبح مثلها ..


وان شاءالله راح اقولج عن الباقي بس حبيت اعرف عن هذا اول شئ


تحياتي
بنت ديره


:o

السلام عليكم ..

ودي تفسرين لي ها الثلاث أحلام فديتج

وقت الأحلام : ليلاً
الحالة الإجتماعية : غير متزوجة

الحلم الأول:

حلمت كم مرة إني أشوف خواتم من الذهب الأبيض .. والمرة الثالثة حلمت إني كنت ويا اختي .. وكأننا في محل الذهب .. وكنا أنا وياها نشوف الخواتم .. وكانوا ذهب أبيض وفي منها عليها فصوص وشكلها رائع جداً


الحلم الثاني

حلمت إني سايرة أقدم على وضيفة .. وفي المكان إللي سرت له .. شفت دجاج وبيض دجاج ( يعني الدجاجات كانوا يتمشون في المكان وأشوف البيض مالهم ) ويوم سرت قدمت سوولي مقابلة .. وشفت كم بنت من بنات جامعتنا .. وفجأة شفت المسؤولة عن القبول .. رجعت لي أوراقي وكان شكلها يقول إن أنا ما قبلوني في الوضيفة وقبلوا باقي البنات .. ويوم قلت لها شو السبب .. قالت بس جذي .. وكنت متضايجة بخصوص هذا الأمر

الحلم الثالث:

حلمت إني زرت بيت صديقتي إللي معاي في الجامعة .. وفي الحلم كانوا منتقلين بيت جديد .. وكان البيت في قمة الروعة .. وكأنه قصر .. وأنا أشوف عمري أفتح باب .. وأمشي شوي وأفتح باب ثاني وجذي



ويزاج الله خير

صح نسيت

عمري 23

السلام عليك اختي دلولة قطر

وجزاك الله خير لاننا وايد محتاجين تفسير لاحلامنا

وكان لي اقتراح بوضع منتدى خاص للاحلام واتمنى انهم الان وبعد ما صار عندنا وحدة مختصة انهم يضعون المنتدى باشرافها ....


انا عمري 20 سنه غير متزوجة الوقت العصر

رايت كاني لابسه سوارتين ذهب في كل يد واحد واحدة صاكة يعني صمت وواحدة مثل السلسال ولابسه بعد سبحه برقبتي ....


الحلم امس والله يجزاك خير

ارجو الرد (u)

انا متزوجه عمري 27 حلمت في الليل انا اخت زوجي تحب راسي وشكرا

حلمت ان اختى طالعة من الحمام وعارية ولسانها طويل ملفوف حول رقبتها انا متزوجة والحلم بالليل العمر 41

آنا حلمت بأنني نائمة على السرير وبجانبي طفلة مولودة وكأنني امها وكأنني في فترة النفاس وكنت سعيدة جداً وقامت أمي بأخذ الطفلة وقمنا نتحدث وبعد ذلك اكتشفت أن الطفلة ليست لي وانما لآختي الكبيرة ومع العلم ان أختي ارملة وأنا لم اتزوج بعد:(

حلمت اني في مستشفى كذا كانت البدايه وكأن الدكتوره تشوف لي شعري(لأني في الواقع اعاني من مشكله فيه) وتفرق في خصلات شعري وبعدين كأنه ما ادري ايش صار وخلاني اطلع وبعدين برجع لها مره ثانيه وفعلا طلعت بس لما جيت ارجع لها ولنفس المستشفى والغرفه وانا ادور بالمكان ,ما اشوف انه شكله شكل مستشفى اللي اشوفه كأنه قصر من جد كبيييييييييييييييير وفيه غرف مرررررره كثيره ومتفرع وانا كأني ضايعه نسيت وين هي الدكتوره قاعده بأي غرفه وامشي وادور وشفت قسم وناس جالسه وتنتظر وامشي وادور بعد وشفت ابوي وعمي وجارنا جالسين في جلسه كذا كأنها صالون بس هما بالمستشفى.. وسمعتهم يتكلمووو وبعدين تركتهم وامشي وادور ولقيت شي غريب استحي اقوله لك بس ما ادري يمكن له تفسير لقيت سريرين كذا شفتهم بوجهي وانا ادور وفي واحد منهم فيه وحده والثاني واحد واظنهم ممثلين ما ادري بس شفتهم وطالعت فيهم شوي وبعدين مشيت وانا امشي هنا عاد بدا عندي تفتيح الابواب امشي وافتح باب واروح لمكان ثاني وقسم غير وامشي وشفت وانا امشي جلسه بسيطه كذا كنب بس حلو مزخرف ولونه وردي والزخرفه حقته ذهبي كأنه من الاطقم القديمه الاثريه وطالعت فيه شوي ومشيت وامشي وافتح باب واسكره كأني ادور على شي بس كنت خايفه هل المره ما ادري ايش السبب بس كأنه بقرارة نفسي انه هذا المكان يمتلكه احد وما يحق اتمشى فيه او ادخله ما ادري يمكن ان اللي يملكه احد من الامراء شي مثل كذا وانا افتح واطل والاقي المكان ظلمه ولافيه الشي اللي انا ابيه واقفل وكذا تقريبا 3 ابواب بعدين ما اذكر ايش صار يمكن اني نسيت .. وبس


ادري طولت عليك اختي اسفه والله بس هذا الحلم وقلت اقوله لك كله عشان يمكن تقدرين تفسرينه ,,, أنا غيرمتزوجه وعمري عشرين والحلم حلمته قبل امس بالعصر بس مو العصر العصر كذا على المغرب يعني على الساعه 6 واكون لك شاكره لو تفسرينه لي بااااااااي

اهلين اختي دلولة قطر

وقت الحلم : بعد صلاة الفجر

الحالة الاجتماعيه : غير متزوجه

العمر : 26

حلمت انني اتيت نحو باب مدخل الرجال وانا وسط البيت وكان اختي تناديني لارى ماذا بالخارج وحينما اقتربت لانظر واذ برشات مطر على وجهي
وكنت اضحك ومبتسمه علما بان اختي لم ينزل عليها المطر وحينا اتيت لانظر ابتعدت اختي عن الباب فلم ينزل المطر الا علي وكنت مسروره
في الحلم

الله يجزاك كل خير

:clap:


الله يجزاك خير ويوفقك لكل خير

حبيبتي لي رفيجة تقول دايما تحلم انها حامل والي حواليها عادي ما كنها بنت مو متزوجة وعمرها 19 سنة وتحس بخوف (كانها حامل صدج)مرة بتولد وماحد ولدها ومرة الجنين يهتز وهي خايفة لاتسقطه


طبعا الحلم يتكرر من حوالي سنة



وشكرا;)

صباح الخير

الغالية دلوعة قدر


شكرا لك على كل ماتبذلينه هنا لاخواتك


انا طبعا مو متزوجه (مخطوبة)
عمري (24سنه)



عندي حلمين ياغالية


الحلم الأول كان من فترة طويلة تقريبا من سنه او اكثر بس الى الان وهو ببالي

وكان الحلم بالليل قبل او بعد الفجر

حلمت كأني دخلت السوق لمحل يبيع ذهب،،وكنت اتفرج على الذهب وكانت عندي نية اني اشتري شي منه،،وانا كذا اتفرج الا يجي رجال ويمد لي علبة حقت ذهب ، ويقول لي هذا الطلب اللي طلبتيه ،اخذته وفتحته لقيت فيه سلسال(تعليقة) طويلة شوي لونها ذهبي،،وثلاثة خواتم،،خاتمين ذهب بينهم خاتم فضة،،اخذت التعليقة حطيتها على عنقي،طلعت صغيرة علي، قال لي راعي المحل هذي مو تعليقة هذي تنحط على (الجبين) واخذتها وحطيتها على راسي وبس :)



الحلم الثاني كان قبل اسبوعين تقريبا،،وكان وقته بعد الفجر

حلمت كأني انا وأختي وبنتها(بنت اختي بسني تقريبا) جالسين فوق هضبه مرتفعه شوي عن الارض(كانت اختي ذيك الفترة مسافرة هي وبنتها) وقدام الهضبة هذي منحدر بسيط فيه اشجار خفيفة وفوق الهضبه اشجار وزرع خفيف،كنا جالسين وطاحت(غطوة ) اختي اللي تغطي بها وجهها في المنحدر،طلبت من بنتها تجيبها ولما جت بنتها تجيبها زلقت بالمنحدر وتمسكت فيني وجيت سحبتها وطلعت وزلقت انا وبعد مازلقت بالمنحدر سمعت اختي وبنتها يصرخون ويقولون لي (وراك حية او ثعبان) بسرعه اطلعي وقمت انا تمسكت بالعشب اللي بالهضبة وجريت نفسي وطلعت بسرعة واشوف الحية رافعه راسها بوجهي،بعد كذا حسيت بنفسي بالسيارة مع اخوي يسوقها وجنبي صديقتي(من زمان متفارقين ان وياها بسبب اختلاف بينا) شفتها جنبي ومعها شنطة قالت لي اكتبي لي شي على شنطتي خذت طبشورة وكتبت لها عليها(الله يحيميك من الحية) وحنا بالسيارة مع اخوي مرينا على مكان زي السوق وفيه ناس كثير متمعين على جثتنين نزلنا وقلنا وش هالجثث؟ قالوا لنا هذي جثة لحرمتين قتلتهم الحية لان الحية هذي تطلع بالسنة مرة وتذبح ثلاث حريم والسنه الماضية ذبحت ثلاث رجاجيل وهالسنة ثلاث حريم بس باقي لها حرمة وحده، وكان فيه زحمة كثيرة،وقالو ان الحية تحت الارض حجزناها وفجأة طلعت الحية ونطت وقامت تلحقني وهي ترفع راسها بوجهي وماحسيت الا وانا بغرفة امي على سريرها واقفه اناظر الحية واتعوذ منها واقر اية الكرسي واواخر البقرة واقول(اعوذ بكلمات الله التامات من شر ماخلق)(واعوذ بكلما ت الله التامة من كل شيطان وهامة 000) وانا بالحلم وبعد كذا صحيت



اسفه ياغالية طولت عليك بس الحلم الاخير مؤرقني بالمرة

أختي انا عندي حلم دايم يتكرر معي وأنا ماتزوجت وعمري 17 وهو اني احلم دايم اني أضيع نعالي يعني في بداية الحلم اكون لابستها بعدين تضيع مدري كيف..

اختي انا مو متزوجه وعمري 24
وقت الحلم ما اذكره بالضبط بس في الليل

حلمت ان كاتبين كتابي على احد الاشخاص (وهالشخص انا اعرفه في الواقع كان يدرس معاي في نفس البلد)
وكنت وايد مرتاحه في الحلم ومستانسه
وكنت في بيت خاص لي والبيت كان وايد حلو

وكان هو يبي يدخل البيت ويفاجأني يبي يخوفني بس انا كنت احس فيه واشوفه ولما دخل رحت وحضنته
:o

(ملاحظه: هالانسان مافكرت فيه من شهووووور ولا تذكرته وفجأه جاني في الحلم)


الغريب اختي ان في نفس الليله امي حلمت بنفس عايلته
تقول كأنه كنا مسافرين سياحه وكانت عيلته موجوده
وقالت خليني اتعرف عليهم
(مع العلم امي ما تعرف عايلته يعني مو ربعها)


وهم بعد حلمت ان في خيووووول وايد وكانو حلوين وكانو يبون يدربوني اني اشرف عليهم
بس انا كنت متردده شوي
بس كانو الخيول وايد حلوين وهم يركضون

وبعدين شفت خيلين صغااااار اقصد حجمهم صغير مثل حجم الالعاب
كانو (يتزاوجون) حجمهم كان وايد صغير وكانو داخل المبنى اللي انا دخلته





ان شاء الله تقدرين تفسرين لي حلمي :o

ومشكوره والله يعطيج العافية

سلاااااااااااااام


أشكرج أختى على تفسير الحلم بس شو هاي المشكله الي

بكون أنا سببها بما اني أتجنب المشاكل

يالله ما يصيبكم الا ماكتب الله لكم

أشكرج مرة ثانيه